Баян-Өлгий аймгийн Цэнгэл сумын нутаг дэвсгэрт байрлах “Бага Түргэний хүрхрээ”-г үзэж сонирхох үед хөл алдах, халтирч унах эрсдэлтэй тул анхаарал болгоомжтой байхыг мэргэжлийн байгууллагаас зөвлөв. Мөн хашлага давахгүй байж, мэргэжлийн байгууллагын заавар, зөвлөмжийг дагахыг санууллаа. Түүнчлэн Хотон, Хурган нуур болон Толбо сумын нутаг дэвсгэрт орших “Толбо” нуур дагуу аялж, амарч зугаалахдаа тухайн газрын нөхцөл байдлыг судалж, анхааруулга зөвлөмжийг харах, өөрийн болоод гэр бүл, хамт яваа хүмүүсийнхээ аюулгүй байдалд анхаарч, сонор сэрэмжтэй байх, нуурын усанд орохоос татгалзаж, бага насны хүүхдэд тавих хараа хяналтаа сайжруулж, аюулгүй сайхан амарч, аялахыг ОБЕГ-аас зөвлөж байна.
Ташрамд, УВС нуурыг зоригчдод дараах зөвлөмжийг хүргүүлж байна. Увс нуур нь далайн түвшнээс дээш 759 м өндөрт оршдог, Монголын хамгийн том давст нуур юм.
- Нуурын ус хэт хүйтэн — гэнэт булчин татаж, амьсгалын дутагдалд оруулж болзошгүй
- Гүнзгий хэсгүүд огцом эхэлдэг — гишгэх бүрт ёроол өөрчлөгдөж, живэх эрсдэлтэй
- Салхи гэнэт ширүүсдэг — долгион нэмэгдэж, эргээс холдсон тохиолдолд аврахад хүндрэлтэй
- Тиймээс иргэд, аялагч та бүхэн:
- Усанд орохыг хориглосон тэмдэг, тэмдэглэгээ бүхий зөвлөмжийг мөрдөөрэй,
- Аюулгүй бүсээс гарч, нуурын дотор гүн рүү явж болохгүйг санаарай,
- Хүүхдийг хором ч ганцааранг нь орхиж болохгүй,
- Хүйтэн, салхитай үед нуурын эрэгт очихоос зайлсхийх,
- Гэнэтийн ослын үед шуурхай тусламж дуудах холбоо барих хэрэгслийг биедээ авч явах зэргээр аюулгүй байдлаа хангах нь чухал байна.
Сэтгэгдэл (4)