Хүүхэд, гэр бүлийн, хөгжил хамгааллын ерөнхий газар, Өмнөговь аймгийн ХГБХХГ, НҮБ-ын Хүүхдийн Сантай хамтран 2024 оны 04 сарын 05-06 -ний өдрүүдэд Аймаг, сумын хүүхдийн зөвлөлийн гишүүдийг чадавхжуулах хөгжүүлэх зорилгоор "Тэгш оролцоо- хязгааргүй боломж" сэдэвт сургалтыг зохион байгууллаа. 

Сургалтад Өмнөговь аймгийн Хүүхдийн Зөвлөлийн гишүүн 70 сурагч хамрагдсан бөгөөд аймгийн Хүүхдийн Зөвлөл, Сумдын Хүүхдийн Зөвлөлийн гишүүд өөрт хамаарах асуудлаар санал бодлоо илэрхийлэх, аймаг, сум, сургуулийн хэмжээнд нөлөөллийн ажил, аян өрнүүлэх ур чадварыг олж авлаа. 

Сургалтын үеэр Өмнөговь аймгийн "Хүүхдийн элч нарыг чадавхижуулах" сургалт зохион байгуулагдаж, тухайн сумын Хүүхдийн элч хүүхдийн санал бодлыг сонсох, тэдэнд тохиолдож буй сорилт, бэрхшээл боломжийн талаар ярилцаж, орон нутгийн шийдвэр гаргагч нарт танилцуулан асуудлыг шийдвэрлүүлэхэд хэрхэн ажиллах, Хүүхдийн элчийн үүрэг, хариуцлага ажлын чиглэлийг ойлгуулсан сургалтыг "Хүүхдийн эрхийн төв" ТББ хариуцан зохион байгуулж, Хүүхдийн элч нарт БАТЛАМЖ, ҮНЭМЛЭХ гардуулав.