Замын-Үүд дэх гаалийн газрын гаалийн хяналтын бүсэээр өнгөрсөн есдүгээр сарын 19-ний өдөр Монгол Улсын иргэн Г нь өөрийн жолоодож явсан "Истана" маркийн суудлын автомашины зорчигчийн хэсэгт 75 шуудай буюу нийт 736.9 кг дэрвэгэр жиргэрүүгийн хатаасан үндсийг тээвэрлэж, улсын хилээр хууль бусаар нэвтрүүлэх гэж байжээ.

Монгол Улсын Засгийн газрын хөрөнгөөр, НҮБ-ын Хүүхдийн Сангаар дамжуулан томуугийн эхний ээлжийн 159.500 хүн тун вакциныг хүлээн авсан байна. Энэ хүрээнд Эрүүл мэндийн сайдын тушаалаар нийслэлийн төрийн өмчийн 233 цэцэрлэг, 6 асрамжын төвийн хүүхдүүдийг үнэ төлбөргүй дархлаажуулж эхлээд байна.

Монгол Улсын Ерөнхийлөгч Х.Баттулга 2019 оны аравдугаар сарын 2-ны өдөр “Зэвсэгт хүчний 032 дугаар ангийг Цэргийн гавьяаны улаан тугийн одонгоор шагнах тухай” зарлиг гаргаж, зарлигийг өнөөдөр тус ангийн нийт бие бүрэлдэхүүн, үе үеийн ажилчдын өмнө уншиж сонордууллаа.

Азийн хөгжлийн банк (АХБ) болон Монгол Улсын Засгийн газар өнөөдөр хилийн боомтын хүчин чадлыг нэмэгдүүлж, шинэчлэн засварлах, дүүргийн жишиг эмнэлгийн барилгын ажлыг дуусгах, авто замын их засвар, шинэчлэлтийн ажлыг гүйцэтгэх зорилго бүхий нийт 103 сая ам.долларын санхүүжилттэй төслүүдийн гэрээнд гарын үсэг зурлаа.

Монгол Улсын Ерөнхий сайд У.Хүрэлсүх “Орхон голоо хамгаалах хөдөлгөөн”-ий тэргүүн болон Архангай аймгийн Цэнхэр сумын Орхон багийн иргэдийн төлөөллийг хүлээн авч уулзлаа. Засгийн газар тогтоол гарган Цэнхэр суманд ашигт малтмалын чиглэлээр үйл ажиллагаа явуулж байсан аж ахуйн нэгжүүдийн 13 тусгай зөвшөөрлийг цуцалсан.

Өөрийн хүчээр зургаан өнчин хүүхдээ өсгөж яаваа өрх толгойлсон эх О.Нарантуяа өнөөдөр мэдээлэл хийлээ. Тэрбээр 1991 онд нөхрөө зуурдаар алдсны дараа том охин нь хүндээр өвчилсөн байна. Эмчилгээний зардлыг олохоор анх Сэлэнгийн долгио чуулгатай хамтарч аялан тоглолт хийж байжээ. Аялан тоглолтоос олсон мөнгөөрөө охиныхоо эмчилгээний эм тариаг авсан ч бүрэн эдгээгүй аж. Тиймээс арга буюу Улаанбаатар хотод ирж Багшийн дээд дээр дуулах болжээ.

Ерөнхийлөгчийн тамгын газраас Э.Оюунболд аваргын цолыг хураах эсэх талаар ямар ч байр суурь илэрхийлээгүй гэдгийг мэдэгдлээ. Тодруулбал, Э.Оюунболд аварга допинг хэрэглэсэн болох нь шинжилгээгээр тогтоогдсон учир Үндэсний бөхийн салбар хорооноос өнгөрсөн наймдугаар сарын 26-нд олон нийтэд үүнийг зарласан юм.

Монгол Улсын нутаг дэвсгэрт хуульчийн мэргэжлийн үйл ажиллагаа эрхэлж буй бүх хуульчдыг эгнээндээ нэгтгэсэн, өөрийн удирдлагатай, нийтийн эрх зүйн хуулийн этгээд болох Монголын Хуульчдын холбоо байгуулагдаад зургаа дахь жилдээ үйл ажиллагаа явуулж байна.

Энэхүү тэтгэлэгт хөтөлбөрт хамрагдаж буй тамирчид нь Олон улсын олимпийн хороо, Монголын үндэсний олимпийн хороо, Спорт холбоотой дөрөвлөсөн гэрээ байгуулснаар дөрвөн сар тутамд тэтгэлэг хүртэж буй бөгөөд, тамирчид нэг сард 250 ам.доллар, дасгалжуулагч 100 ам.доллар, спорт холбооны үйл ажиллагаанд 26 ам.доллар, эм витаминжуулалтад 38 ам.долларын дэмжлэг үзүүлж байна.

Монгол эмч нар анх удаа зургаан настай хүүхдийн бөөрний чулууг дурангаар авах мэс заслыг амжилттай хийсэн байна. Тодруулбал, ЭХЭМҮТ-ийн бөөрний мэс заслын тасагт зургаан настай хүү зүүн бөөрний тэвшний чулуу оноштойгоор хэвтэн эмчлүүлсэн байгна. Түүний арьсны гаднаас бөөрөнд хатгалт хийн дурандаж чулууг бутлан авчээ.

Энэ журмын хүрээнд төр, хувийн хэвшлээр хамтарсан аж ахуйн нэгж байгуулж томоохон төсөл хөтөлбөрүүдийг хийж хэрэгжүүлнэ. Хот гэдэг тэр чигээрээ аж ахуйн нэгжүүдийн үйл ажиллагаанаас хамаардаг учраас одоо хамтарч хөгжих ёстой

Ядуурлыг бууруулах Японы засгийн газрын буцалтгүй тусламжаар Байгаль орчин, аялал жуулчлалын яам, Азийн хөгжлийн банк хамтран "Хөвсгөл нуурын байгалийн цогцолборт газрын орчны бүсийн иргэдийн амьжиргааг дэмжиж, тогтвортой аялал жуулчлалыг хөгжүүлэх нэгдсэн төсөл"-ийг 2016-2019 онд Хөвсгөл аймгийн Алаг-Эрдэнэ, Чандмань-Өндөр, Цагаан-Үүр, Рэнчинлхүмбэ, Ханх сумд болон Хатгал тосгонд амжилттай хэрэгжүүлж хаалтаа хийлээ. 

Эрүүгийн хуулийг дагаж мөрдөх журмын хуулиараа энэ өөрчлөлт орсон өдрөөс эхлэн хүчинтөгөлдөр үйлчилье. Өмнө нь хэрэгсэхгүй болсон хэргүүдийг энэ журмын дагуу дахиж тоолъё гэсэн агуулгыг хэлж байгаа юм.

Монголын үндэсний олимпийн хорооны Гүйцэтгэх зөвлөлийн хурал өнөөдөр боллоо. Энэ үеэр тус хорооны ерөнхийлөгч Д.Загдсүрэн эрүүл мэндийн шалтгаанаар ажлаас чөлөөлөгдөх хүсэлт гаргажээ.

Тэрбээр "МАХН эрх баригч болно. 2020 оноос эхлэн ипотекийн зээлийг тэг хувийн хүүтэй болгоно. Шинээр орох хүмүүсийг тийм зарчмаар оруулна. Өмнөх орсон хүмүүсийн төлсөн хүүг үндсэн төлбөрт тооцно. Барилгын салбар тэлнэ. Банкууд эрүүлжинэ. Хүмүүс аз жаргалтай болно" гэв.

Монголын жүдо бөхийн холбооны ерөнхийлөгч Х.Баттулга шинэ ерөнхий нарийн бичгийн даргаар Б.Ууганбаатарыг томиллоо.

Төрийн банк нь хамгийн сайн харилцаатай банк байхын тулд харилцагчаа сонсдог, тэдний санаа бодолд тулгуурлан бүтээгдэхүүн үйлчилгээгээ сайжруулан хөгжүүлдэг, харилцагчиддаа мэдээлэл түгээдэг, эргэх холбоотой байхыг үндсэн зорилгоо болгон ажилладаг.

Өргөдлөө өгсөн А.Ганбатын оронд бригадын генерал Д.Ганзоригийг Ерөнхийлөгчийн зүгээс нэр дэвшүүлснийг УИХ-ын Аюулгүй байдал, гадаад бодлогын байнгын хорооны хуралдаанаар дэмжжээ. Байнгын хорооны хуралдаанаар дэмжсэн саналыг УИХ-ын чуулганы нэгдсэн хуралдаанаар хэлэлцэж эцэслэх юм.

Мэргэжлийн боловсрол, сургалтын салбарын багш нарын анхдугаар зөвлөгөөн Төрийн ордонд болж байна. Зөвлөгөнөөр 21 аймгаас ирсэн багш гарын төлөөлөл тулгамдаж буй асуудал, шийдэх арга замын талаар санал дэвшүүлж, хэлэлцэж байна. Энэ үеэр сайд С.Чинзоригоос дараахь асуултад хариулт авлаа.

УУХҮ-ийн сайд Д.Сумъяабазар 2019 оны 10 дугаар сарын 02-ны өдөр Их Британийн Гадаад болон хамтын нөхөрлөлийн хэргийн яамны Ази, номхон далайн бүс нутгийн асуудал эрхэлсэн Төрийн Сайд Хедер Уилер болон ИБУИНВУ-аас Монгол Улсад суугаа Элчин сайд Филип Малон нарыг хүлээн авч уулзлаа.