Энэ зуны хувцас, загварын чиг хандлагыг загвар зохион бүтээгчид хэрхэн тодорхойлж байгааг та бүхэндээ хүргье.

    Ретро хэв маяг: Энэ оны загварын чиг хандлагыг тодорхойлсон загварын шоу тоглолтуудад ретро хэв маяг эргэн амилжээ. Эмх замбараагүй хэрнээ тансаг 20-иод оны загварууд эргэн ирлээ. Дурсамжийн нэг хэсэг болсон хөвгүүдийн өмд, сул бэлхүүстэй Чарльстон даашинзууд зэрэг хуучны хамгийн дэгжин дүр төрхийг Ральф Лорены шоунд тусгажээ. Мөн Соня Рикелийн спорт загварын хуниастай юбканууд, 1920 оны эхэн үеийн сүлжмэл хувцаснууд, Гуччи, Роберто Каваллийн хийсэн гялалзсан чимэглэлтэй даашинз, график, дүрс ашигласан үдшийн хувцаснуудаас ретро хэв маягийг харж болно. Маш олон загвар зохион бүтээгчид ретро урсгалыг эргэн сэргээжээ. Бас нэгэн нөлөө бүхий ретро хэв маяг бол 1950, 60-аад оны үеийн өвдөг шүргэсэн урт юбканууд юм. Нарийн бэлхүүсийг тодруулж харагдуулах, нарийн бүс, богино хантаазнуудыг Диор эргэн сэргээжээ.


   Луи Виттоны шоун дээр Марк Жейкобс ретро уран сэтгэмжийг гаргаж иржээ. Америкийн загварын муу залуучуудын нэг гэгддэг Жэрэми Скотт илүү дур булаам, секси хүүхнүүдийн дүр төрхийг гаргаж ирсэн байна.


   Мөн шинэ дүр төрхөд оруулсан хөхний даруулга яахын аргагүй үзэгчдийн анхаарлын төвд байлаа. Эдгээр хөхний даруулгууд нь тийм ч задгай харагдахгүй бөгөөд цэвэрхэн дэгжин харуулна.

    Зуны юбканууд: Энэ зун үзгэн хэлбэртэй, эсвэл сул дэрвэгэр загвартай хуучны юбка эрэлт ихтэй байна. Юбканы тэнцвэртэй хэлбэр нь эмэгтэй хүний биеийн хэлбэрийг тодотгож харагдуулдаг. Нарийн, бариу хэлбэртэй, нарны цацраг мэт нугалаатай, эсвэл бүр өргөн хуниас, нугалаатай юбканууд энэ улиралд Загвар зохион бүтээгч Кристофер Бэйли эмэгтэйчүүдийг хэтэрхий чамин гэмээр харагдуулам эдгээр хэлбэр, загваруудыг шинэ коллекцондоо сонгожээ.

    Үзгэн юбка нь таны биеийг өндөр харагдуулахаас гадна, таны өгзөгийг гайхалтай сайхан харагдуулдаг.


   Хөхний даруулгатай хослуулсан, үзгэн хэлбэртэй юбка, эсвэл шулуун залгамал даашинзууд ч үнэхээр гайхалтай сонголт байна. Гэхдээ өөрийгөө өө сэвгүй бие галбиртай эсэхээ анхаарч сонголтоо хийгээрэй. Проензо Шулер ч юбканы хэлбэрийг шинээр тодорхойлжээ....  А- хэлбэрийн дэрвэгэр юбканууд нь ямар ч биеийн хэлбэртэй бүсгүйд гайхалтай таарч тохирдог юм.


   Зуны өнгөний хослол: Энэ зун бүх загвар зохион бүтээгчид хар, цагаан өнгөнд анхаарлаа хандуулжээ. Хар өнгөтэй холбоотой сайхан мэдээ дуулгахад энэ өнгө зөвхөн өвлийн жавартай хүйтнийг илэрхийлэхээ больжээ. Богино хар даашинзнууд энэ зун таны хувцасны шүүгээнд ноёлох бололтой. Нэвт гэрэлтсэн материалтай, чимэглэл, гар ажиллагаа орсон тансаг хар даашинзуудыг Антонио Ваккарелло уралжээ.

   Мөн эсрэгээрээ ариун цагааны илэрхийлэл, зуны цагаан өнгийг загвар өмсөгчид онцолж байна. Арьсан, сүлжмэл, торгон, даавуун зэрэг янз бүрийн материал ашиглан олон төрлийн загваруудыг гаргажээ. Үүнээс гадна цайвар, усан цэнхэр, энгэсэгний яагаан өнгө, тэнгисийн ногоон, цэцгийн шаргал зэрэг зөөлөн өнгөнүүд энэ зуны хувцасны өнгийг тодорхойлж байна. Хувийн дүр төрх байдлыг тодотгож харагдуулдаг зарим нэг хүчтэй тод өнгөнүүдээс бид тийм амархан уйдахгүй нь бололтой. Эцэст нь хэлэхэд зуныг бид хүн бүрийн дуртай шаргал өнгөөр төсөөлөхгүй орхих боломжгүй юм. Шар өнгө бол маргаан байхгүй энэ зуны гол сонголт байх болно.

    Видеог энд дарж үзнэ үү!