ЭМС-ын сайд асан Г.Шийлэгдамба цагдан хоригдоод сар гаруйн хугацаа болж байгаа.

Тэгвэл ШШГЕГ-ын харьяа цагдан хорих 461 дүгээр ангид хоригдож байсан Г.Шийлэгдамбын бие эрс муудаж, Н.Шастины нэрэмжит III эмнэлгийн сэхээн амьдруулах тасагт шилжжээ.

Тодруулбал, тэрбээр зүрхний цусан хангамжийн дутагдалд орсны учир яаралтай гурав дахь шатлалын эмнэлэгт шилжүүлэн эмчлүүлэх нарийн мэргэжлийн эмч нарийн дүгнэлт гарчээ. Улмаар  өчигдөр орой түүнийг цагдан хорих 461-р ангийн эмнэлгээс Н.Шастины нэрэмжит улсын III  төв эмнэлгийн сэхээн амьдруулах тасагт шилжүүлэн эмчилгээ хийж эхэлсэн талаар эх сурвалж мэдээлэв. 

Дашрамд өгүүлэхэд ЭМС-ын сайд асан Г.Шийлэгдамба өнгөрсөн арваннэгдүгээр сарын 4-ны өдөр АТГ-аас хээл хахуулийн хэрэгт сэжигтнээр татан цагдан хорьсон юм. Мөрдөн байцаалтын явцад Эрүүгийн хуулийн тусгай ангийн 268.2-т зааснаар эрүүгийн хэрэг үүсгэн яллагдагчаар татаж, цагдан хорих хугацааг хоёр сараар сунгаад байсан билээ.