Баянзүрх дүүргийн нутаг Туул голын гүүрэн дээр өчигдөр 11.30 цагийн үед зам тээврийн ноцтой осол гарлаа. 12-23 УНС улсын дугаартай “Королла” маркийн автомашин Налайхаас Улаанбаатарын чиглэлд явж байхдаа урсгал сөрж, 13-76 УБЦ улсын дугаартай “Пробокс” автомашинтай мөргөлдсөний улмаас “Королла”-д сууж явсан хүүхдүүд болон жолооч нь хүнд гэмтсэн байна. Тэднийг ГССҮТ -д хүргэн, эмчилгээ хийж эхэлсэн аж. Мөн “Пробокс” маркийн автомашины жолооч эмэгтэй ч бэртэн, эмнэлэгт хүргүүлсэн байна.

Цас хялмаалж, хальтаргаа гулгаа их байгаа энэ өдрүүдэд зам тээврийн осол багасахгүй байгааг Замын цагдаагийн газрынхан хэлж буй. Уржигдар л гэхэд зам, тээврийн 406 осол гарсан бөгөөд үүний улмаас есөн хүн гэмтжээ.
Д.Дуулим