Сэлэнгэ аймгийн Алтанбулаг боомтоор манай улсын иргэн Д.Түвшинжаргал гэгч этгээд ОХУ-аас цөөнгүй тооны галт зэвсэг оруулж ирэхийг завдсан хэрэг өчигдөр гарчээ. Тэрбээр шал угаагч дотор дөрвөн ширхэг галт зэвсэг нуусан байсныг Алтанбулаг боомтын гаалийн хяналтын улсын ахлах байцаагч нар илрүүлжээ. Ингэхдээ “Макаров”зэрэг дөрвөн загварын буу авч явснаас хоёр нь хийн буу байсныг илрүүлжээ.

Иргэн Д.Түвшинжаргал нь хилээр орж ирмэгцээ бичиг баримт болон бараагаа шалгуулалгүй зугтахыг завдсан гэх мэдээллийг эх сурвалж өглөө.

Д.Дуулим