Ерөнхий сайд асан Н.Алтанхуягийн зөвлөх асан Л.Гансүхийн өмгөөлөгч  Ц.Цэрэнжээ өнөөдөр мэдээлэл хийх байсан ч тодорхойгүй хугацаагаар хойшлууллаа. Учир нь Л.Гансүхтэй хамт яллагдсан “ЭмЖиЭлЭсБи” компанийн нягтлан Б.Мөнгөнтуяа өнөөдрийн хэвлэлийн хуралд оролцох байсан ч бие муудсан нь гэх шалтгаанаар хэвлэлийн хурлыг цуцалсан юм.

Дашрамд дуулгахад, энэ хэргийн анхан шатны шүүх хурал өнгөрөгч есдүгээр сард болж Л.Гансүхэд 4.6 жилийн ял, харин “ЭмЖиЭлЭсБи” компанийн ажилтнууд болох Н.Даваахүү, Б.Мөнгөнтуяа нарыг тус бүр 19 сая 200 мянган төгрөгөөр торгох шийдвэр гаргасан.

Давж заалдах шатны шүүх хурал ирэх Даваа гаригт болох юм. Харин Л.Гансүхийн өмгөөлөгч давж заалдах шатны шүүх хурлыг хэвлэлийнхэнд нээлттэй явуулах хүсэлтийг тавиад байгаа билээ.

Т.Энхэлээ