Үндэсний статистикийн хорооноос иргэдийн дундаж цалин улсын хэмжээнд 792 мянган төгрөг гэж гаргажээ. Дундаж цалинтай эмэгтэйчүүд сард 722.3 мянган төгрөг, эрэгтэйчүүд 863.1 мянган төгрөгийн цалин авдаг байна. Уг тооцооллыг Нийгмийн даатгалын ерөнхий газрын нийгмийн даатгалын шимтгэл төлж буй бүх аж ахуйн нэгж, байгууллагын мэдээллийн сайд тулгуурлан гаргасан байна. Ажилчдын цалинг салбараар нь ангилбал, уул уурхайн салбарын ажилчдын дундаж цалин хамгийн их буюу нэг сая 483 мянга бол зочид буудал нийтийн хоол, үйлчилгээний ажилчдын цалин хамгийн бага буюу 553 мянган төгрөг аж. Харин сарын дундаж цалинг ажил, мэргэжлийн ангиллаар авч үзэхэд 2015 оны гуравдугаар улирлын байдлаар менежерийн сарын дундаж цалин хамгийн өндөр буюу 971.6 мянган төгрөг байгаа аж.
