Гадаад хэргийн сайд  Л.Пүрэвсүрэн өнөөдөр Монголын төмөр замын зарим хувьцааг Хятадын талд шилжүүлэх гэж буй талаарх ноцтой баримтыг олон нийтэд дэлгэсэн. Тэрбээр энэ талаар Ерөнхий сайд болон Зам тээврийн сайд М.Зоригт нар албан бичиг хүргүүлсэн юм. Тус албан бичигт "Улаанбаатар төмөр замын Монголын талын хувьцааны зарим хэсгийг БНХАУ-ын талд шилжүүлэх тухай хууль бус үйлдэл"-ийг илчилжээ. Уг асуудалтай холбогдуулан УБТЗ-ын дарга Л.Пүрэвбаатар мэдээлэл өнөөдөр мэдээлэл хийх тов зарласан ч тодорхойгүй хугацаагаар хойшлуулсан юм.

Орос, Монголын хамтарсан УБТЗ нийгэмлэгийн зарим хувьцааг Хятадын талд шилжүүлнэ гэж Л.Пүрэвбаатар дарга дур мэдэн удаа дараа мэдэгдсэн хэмээн Оросын талаас тайлбарлажээ.

Энэ тухай Гадаад хэргийн сайд Л.Пүрэвсүрэн "Төмөр замын даргын энэхүү хариуцлагагүй мэдэгдлээс болж ОХУ, Монгол Улсын Засгийн газар хоорондын хэлэлцээр зогсонги байдалд ороод байна. Иймд Л.Пүрэвбаатарт зохих хариуцлага тооцож өгнө үү“ гэж сайд М.Зоригтод ханджээ.

Т.Энхэлээ