Монголын Ардчилсан эмэгтэйчүүдийн холбоог энэ үеэс эхлэн УИХ-ын гишүүн С.Одонтуяа тэргүүлэхээр болж, түүнтэй уралдсан  Б.Ургамалцэцэг гэх “битүү морь” ганцхан хүний саналаар удааллаа гэх мэдээлэл сошиал ертөнцийг нэлээд талцуулав.

Тун ч их өрсөлдөөн дундаас ийнхүү Их хурлын гишүүн, Улаанбаатар хотын уугуул, бүхэл бүтэн дүүрэг ард нь байдаг “хүчирхэг” эмэгтэйтэй өрсөлдөөд ганцхан хүний саналаар ялагдана гэдэг бол ялсантай ялгаагүй зүйл.

Төрийн шагналт зохиолч С.Удвал: “Би эх орон ард түмэн, сайн нөхдийнхөө дэмжлэгээр амаргүй олон хүнд өдрийг туулсан. Мөн энэ дэлхийн олон арван ухаант суут, сод хүмүүстэй нүүр тулан уулзаж учирч явахдаа Монгол хэмээх нэгэн нэрийг ертөнцийн чихнээ дуурсгах л гэснээс биш, би гэдэг өчүүхэн нэрээ алдаршуулах гэж хэзээ ч явсангүй”

Хамгийн гол нь Б.Ургамалцэцэг С.Одонтуяатай өрсөлдөх шийдвэр гаргасан эр зоригт нь талархмаар. Түүнээс биш өнөөдрийнхөө амьдралд сэтгэл ханаж, өөрт оногдсон ажлаа сайн хийгээд л явж байхад хангалттай хэмээн бодох хүмүүс алийг тэр гэхэв. Ийм хүнийг уулчинтай зүйрлэмээр санагддаг. Уулчин хэзээ ч үл хувирах гагцхүү тэрхүү оргилын зүг тэмүүлдэг шүү дээ. Тэгвэл бусдынхаа төлөө өвдөх зүрхтэй хүний хүсэл зориг огт өөр. Байнга өөрчлөгдөнө. Мөн үргэлж урагш тэмүүлсэн байдгаараа онцлогтой.

Үүнээс үүдэн Б.Ургамалцэцэг гэх “Битүү морь”-ийг жаахан “тандав”. 1996 оноос хойш АН-ын “гал тогоо”-г барьж байсан юм билээ. Тэгэхээр 20 шахам жил энэ намд хүчин зүтгэж. Гэхдээ амбиц гээч юм энэ эмэгтэйд огтхон ч алга. Боловсрол, шинжлэх ухааны дэд сайд байхдаа ч тэр амбицлаж, болсон болоогүй зүйлсийг сайрхан ярьж, дуулиан дэгдээж байсангүй. Тэр ийм хүн аж.

Өдгөө Сономын Удвал агсныг мэдэхгүй хүн үгүй. Эрдэмтэн зохиолч энэ эмэгтэй эхчүүдийн төлөө ихийг хийсэн, жинхэнэ хатан ухаантан байлаа.

Тэрбээр, “Би эх орон ард түмэн, сайн нөхдийнхөө дэмжлэгээр амаргүй олон хүнд өдрийг туулсан. Мөн энэ дэлхийн олон арван ухаант суут, сод хүмүүстэй нүүр тулан уулзаж учирч явахдаа Монгол хэмээх нэгэн нэрийг ертөнцийн чихнээ дуурсгах л гэснээс биш, би гэдэг өчүүхэн нэрээ алдаршуулах гэж хэзээ ч явсангүй” хэмээн бичиж үлдээсэн байдаг шүү дээ.