Өнгөрсөн оны долоодугаар сард нэр бүхий прокурорууд хар тамхины хэрэгт холбогдож саатуулагдсан.

Тэгвэл  өнгөрсөн долоо хоногт Баянгол, Хан-Уул, Сонгинохайрхан дүүргийн анхан шатны шүүхээс Х.Тамир, Б.Амарбаясгалан нарын хэргийг нэмэлт мөрдөн байцаалтад буцаасан байна. Учир нь хэргийн бүрдэл дутуу хийгдсэн гэж үзсэн байна.

Эргэн сануулахад прокурорууд өнгөрсөн оны долоодугаар сард  хар тамхины хэрэгт холбогдож өнгөрсөн оны 11 дүгээр сард батлан даалтад гарсан юм. Харин энэ сарын 6-нд тэднийг дахин хорьж, Цагдан хорих таслан сэргийлэх арга хэмжээг авч, тэдэнд холбогдох хэргийг Баянгол, Хан-Уул, Сонгинохайрхан дүүргийн анхан шатны шүүхэд шилжүүлсэн юм. Улмаар өнгөрсөн долоо хоногт тус шүүхээс хэргийг нэмэлт мөрдөн байцаалтад буцаасан нь энэ аж. 

Тус хэрэгт холбогдсон Х.Тамир Б.Амарбаясгалан нарыг өмнөд хөршөөс ирж буй “бараа”-гаа авахаар Дорноговь аймгийн Замын-Үүд хилийн боомт дээр очоод байхад нь цагдаагийнхан баривчилсан байдаг.