500 сая төгрөгийг ажлын өрөөндөө авлигалд авч байгаад саатуулагдсан гэх Эрүүл, мэнд спортын сайд асан Г.Шийлэгдамба олон нийтэд ил захидал хүргүүлжээ. Түүнийг саатуулагдаж байх хугацаандаа биеийн байдал хүндэрсний улмаас эмнэлэгт хэвтэн эмчлүүлсэн гэх мэдээлэл байсан.

Тэгвэл тэрбээр ийнхүү олон нийтэд ил захидал хүргүүлжээ. Тэрбээр ил захидалдаа миний авсан мөнгийг би биш намын дарга Н.Энхбаяр авсан.

Мөн Н.Энхбаярт нэмж мөнгө өгөх ёстой байсан. Бас өөрийн хүсэлтээр Эрүүл, мэндийн сайдын албан тушаалаасаа чөлөөлөгдөх хүсэлтээ өгөөгүй.Ц.Оюунбаатар тэргүүтэй хүмүүсийн шахалтаар гарын үсгээ зурсан хэмээн бичжээ.

Тэрбээр олон нийтэд хүргэх ил захидалдаа: Миний бие өмнө нь олон нийтэд хүрсэн ташаа мэдээлэлтэй холбогдуулан доорхи бодит үнэнийг хүргэж байна. Үүнд:

Миний зүгээс Монгол Улсын Ерөнхий сайдад  хаягласан 2015.11.05 өдрийн ЭМС-ын сайдаас өөрийн хүсэлтээр чөлөөлөгдөх өргөдлийг өөрийн хүсэл эрмэлзлэлээр гаргаагүй бөгөөд Шадар сайд Ц.Оюунбаатарын тавьж байсан шаардлагын дагуу зориуд бичигдэн бэлтгэгдэж ирсэн бланкан дээр гарын үсэг зурахдаа утга агуулгыг нь ухаж ойлгох хугацаа байгаагүйн улмаас холбогдох мөнгийг хувийн хэрэгцээндээ зориулж зээлсэн тухай дурьдагдсаныг анзаараагүй юм.

Чухам бодит байдал дээр юу болсон тухай  дурьдвал холбогдох мөнгийг авсан шалтгаан нь өөрийн албан тушаалын байдлаа ашиглаж, нөлөө үзүүлэх замаар тодорхой компани, аж ахуйн нэгжтэй хийсэн тохиролцооны үүднээс авилгалын сэдлээр хийгдсэн үйлдэл биш юм. Харин МАХН-ын дарга Н.Энхбаярын намын санхүүжилт төвлөрүүлэх тухай шаардсан тулгалтаас шалтгаалж өөрийн сайн танил болох О.Даваасүрэнгээс дэмжлэг хүсэж байсан хувийн гуйлтаас үүдэлтэй мөнгө байсан юм.  Энэ байдлыг ч тухайн үед уулзсан уулзалтуудад О.Даваасүрэнд дуулгаж байсан болно.

Миний  бие иргэн О.Даваасүрэнгээс дэмжлэг хүсэж авсан мөнгөний 50 000 $-ыг 2015.11.4-ний өдрийн өглөө Н.Энхбаярт МАХН-ын төв байран дахь өрөөнд нь оруулж өгсөн болно. Харин уг өдрийн орой ЭМС-ын Яамны байранд О.Даваасүрэнгийн авчирч өгсөн 120 000 $-ыг мөн намын санхүүжилт болгон МАХН-ын дарга Н.Энхбаярт өгөхөөр тохиролцсон байсан боловч тус өдөртөө АТГ-ын албаны хүмүүст баривчлагдсан юм. Эцэст нь уг асуудал шүүхээр эцэслэн тогтоогдоогүй байхад журмын зарим нөхөд маань бодит үнэнийг илт гуйвуулан ташаа мэдээлэл тарааж байгаад харамсаж байна. 

 Ирвэс хамгаалах сан”-гийн биологич Т.Лхагвасүмбэрэл өнгөрсөн онд учир битүүлгээр амиа алдсан харамсалтай хэрэг гарсан билээ. Түүний үхлийн шалтгаан өнөөдөр ч тодорхойгүй байгаа.

Харин эл хэргийн талаар цагдаагийн байгууллагаас мэдээлэл хийж түүнийг "Живэлтийн улмаас нас барсан бөгөөд хөнгөн зэргийн согтолттой байсан" гэсэн шинжилгээний хариу гараад байгааг олон нийтэд мэдээлсэн. Тэгвэл уг хэрэгтэй холбоотойгоор Хөвсгөл аймгийн Хатгал тосгоны ард иргэд төрийн гурван өндөрлөгт шаардлага илгээжээ.

Тус шаардлагад “Хөвсгөл аймгийн Хатгал тосгоны харьяа Ирвэс хамгаалах сангийн биологич, Дэлхийн шилдэг байгаль хамгаалагч асан Т.Лхагвасүмбэрэлийн амь насаа алдсан асуудал туйлын эргэлзээтэй бүрхэг байгаа төрсөн нутгийнхан, ангийн андууд, багш сурган хүмүүжүүлэгчид, хүүхэд залуучууд, иргэд хөдөлмөрчид харамсан дурсацгааж эвлэлдэн нэгдэх боллоо. 

Хүүхэд ахуй цагийн сэргэлэн цовоо, ажилч хичээнгүй, ёс суртахууны өндөр ухамсартай энэ залуу юуны учир амиа алдав гэдэг нь бидний эргэлзээг төрүүлж байна. Удам дамжсан байгаль хамгаалагч тэрээр нутаг ус, газар шороо, ан амьтныг хайрлах чин зүрх сэтгэлдээ үнэнч явсаар ийнхүү гадны ямар нэгэн ашиг сонирхлын дарамтад орж амиа алдвуу гэсэн сэжиг таамаг бидэнд байна. Учир нь түүнд халдсан удаа дараагийн халдлагууд үүнийг гэрчлэнэ. Иймд энэхүү хэргийг Монгол төрийн мэргэн хараа, шударга ардчилсан ёсны эрх зүйн хэмжээнд олж тогтоохыг хичээнгүйлэн хүсч хүндэтгэлтэйгээр шаардаж байна” гэжээ.