24VS24: Н.Алтанхуягийг дуудсан, дуудаагүй

2016-4-27

УИХ-ын гишүүн Н.Алтанхуягт Улсын Мөрдөн байцаах газрын Онц хүнд гэмт хэрэгтэй тэмцэх газраас зарлан дуудах хуудас ирүүлсэн талаар бид мэдээлсэн. Түүнийг чухам ямар шалтгаанаар зарлан дуудах болсон нь олны анхаарлыг ихээр татаж байсан билээ. Тэгвэл ЦЕГ болон УЕПГ-аас Н.Алтанхуягт зарлан дуудах хуудас илгээсэн шалтгааныг тайлбарлав. Гэтэл тухайн байгууллагууд зөрүүтэй мэдээлэл хийж, ард түмнийг ангайлгалаа. Хууль хүчний байгууллагуудын хийсэн мэдээллийг “24 VS 24” буландаа онцолж байна.

УЕПГ: Н.Алтанхуягийн хийсэн мэдэгдэлтэй холбогдуулан байцаалт авахаар дуудаагүй

УИХ-ын гишүүн Н.Алтанхуягийг энэ сарын 04-ний өдөр хийсэн мэдэгдэлтэй нь холбогдуулан Улсын Мөрдөн байцаах газрын Онц хүнд гэмт хэрэгтэй тэмцэх хэлтсээс байцаалт авахаар зарлан дуудах хуудас ирүүлсэн талаарх мэдээлэл гарсан.

Тэгвэл Улсын ерөнхий прокурорын газраас дээрх мэдээллүүдийг үгүйсгэж, ташаа болохыг мэдэгдсэн юм.

Энэ талаар УЕПГ-ын Дотоод аюулгүй байдлын хэлтсийн Хэвлэл мэдээлэл, олон нийттэй харилцах асуудал хариуцсан хяналтын прокурор Ц.Өлзийжаргал “АТГ, УМБГ-ын Онц хүнд гэмт хэрэгтэй тэмцэх хэлтэс хамтарсан ажлын хэсэг шалгаж байгаа эрүүгийн хэрэгт Ерөнхий сайд асан Н.Алтанхуягаас байцаалт авахаар зарлан дуудах хуудас өгсөн. Түүнээс Ерөнхий сайд асан Н.Алтанхуягийг 2016 оны 04 сарын 04-ний өдөр хийсэн мэдэгдэлтэй нь холбогдуулан байцаалт авахаар дуудаагүй” гэдгийг мэдэгдэв.

ЦЕГ: Н.Алтанхуягийн хийсэн мэдээлэлд нь дурдагдсан гэмт хэргийн шинжтэй асуудлыг тодруулахаар дуудсан

УИХ-ын гишүүн Н.Алтанхуяг өөрийн цахим хуудсандаа “Мэдэгдэл хийсэн гэж цагдаагийн онц хүнд гэмт хэрэгтэй тэмцэх газраас зарлан дуудах ирлээ. Байцаалт өгнө” хэмээн бичсэн. Тэгвэл энэхүү мэдээлэлтэй холбоотойгоор Цагдаагийн ерөнхий газраас дараах мэдээллийг өгсөн юм.

“Улсын Ерөнхий Прокурорын газраас 2016 оны дөрөвдүгээр сарын 19-ний өдөр Мөрдөн байцаах газарт “Монгол Улсын Их Хурлын гишүүн Н.Алтанхуяг нь 2016 оны дөрөвдүгээр сарын 04-ний өдөр Төрийн ордонд хэвлэл мэдээллийн хэрэгслээр олон нийтэд хийсэн мэдээлэлд гэмт хэргийн шинжтэй асуудлууд тусгагдсан байх тул зохих журмын дагуу шалгаж шийдвэрлэх нь зүйтэй” гэсэн албан бичиг ирүүлсний дагуу Монгол Улсын Их Хурлын гишүүн Н.Алтанхуягийг ямар нэгэн гэмт хэрэгт холбогдуулан шалгах бус, Төрийн ордонд хийсэн мэдээлэлтэй нь холбогдуулан уг мэдээлэлд дурдагдсан гэмт хэргийн шинжтэй асуудлыг тодруулж тайлбар авах зорилгоор зарлан дуудах хуудас хүргүүлсэн болно” гэсэн юм.

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (6)

Зочин (103.57.93.172)

Прокурор сумаа харваад нумаа нуух гээд баригдаж байна даа...... Асуулт Цаад эзэн нь хэн бэ?

2016 оны 04 сарын 27 | Хариулах
Зочин (103.10.23.100)

Гайхмаар зүүл байх юм дээлээн нөмрөх гэмт хэргтэн миний хар дэвтэрт байна гээд байгаа Ц Намдорожийг шүүх АТГ өнөөг хүртэл дуудаж асуухгүй юм Гэмт хэргийг нуух нь өөрөө гэмт хэрэг Мэдсээр байж дуудаж асуухгүй байгаа албан тушаалтан өөрөө гэмт хэрэг үүлдэж байгаа хэрэг мөн

2016 оны 04 сарын 27 | Хариулах
- Зочин
  
  Та монгол хэл гайгүй сурсан гадаадын иргэн юм шиг байна. Манай улсын асуудлын талаар янз бүрийн зүйл бичих шаардлагагүй шүү.
  
  2016 оны 04 сарын 27
Зочин (103.10.23.100)

Үүнийг мэдеэ гэвэл С Баярцогтоос асууТаван толгойг луйвардах гэсэн Энхсайхан болон засагын газарын тэргүүнээс асуу Гэмт хэрэгтэн гадний луйчарчинг явуулсан Элбэгээгээс асуу

2016 оны 04 сарын 27 | Хариулах
- Зочин
  
  Тун зөв бичсэн авч нуль алдаа наад захын гээгдэх эгшиг, эр, эим үгийн ы ий зөв залгалдаа хаха
  
  2016 оны 04 сарын 27
Зочин (202.21.118.98)

хууль хяналтын байгууллага нь бохир улс төрчдийн улс төрийн захиалгыг биелүүлэх гэж улайран дайрахдаа эрээ цээрээгээ алдаж, хэн нь салтаа, бөгс сайн долоох вэ гэдгээрээ уралдаж байх шив дээ... Ардчилсан намын хамгийн сайн ажиллаж байсан Засгийн Газрыг хуйвалдаанаар татн унагаж улс оронд хийгдэж байсан бүх бүтээн байгуулалтыг саармагжуулж АН-ын нэр хүндийг шалбаагт хутгаж хаячихаад одоо дээрээс нь нэмж Ерөнхий сайд байсан хүнийг элдэвээр ноцож ноолж байгаа нь үнэхээр харамсалтай... Хууль хяналтын байгууллагын эрх дархыг хямгадах цаг үе болсон юм биш үү...

2016 оны 04 сарын 27 | Хариулах
tt (202.9.42.1)

altanhuyagiin zasagiin gazar mongoliin ediin zasagiig unagasan yynd ni hariutclaga tootcoh estoi. ganhuyag boo batbayar nar bol ediin zasagiig unagasan gol hymyys

2016 оны 04 сарын 27 | Хариулах
Зочин (202.21.118.98)

Цагдаагийн ерөнхий газраас дараах мэдээллийг өгсөн юм. “Улсын Ерөнхий Прокурорын газраас 2016 оны дөрөвдүгээр сарын 19-ний өдөр Мөрдөн байцаах газарт “Монгол Улсын Их Хурлын гишүүн Н.Алтанхуяг нь 2016 оны дөрөвдүгээр сарын 04-ний өдөр Төрийн ордонд хэвлэл мэдээллийн хэрэгслээр олон нийтэд хийсэн мэдээлэлд гэмт хэргийн шинжтэй асуудлууд тусгагдсан байх тул зохих журмын дагуу шалгаж шийдвэрлэх нь зүйтэй” гэсэн албан бичиг ирүүлсний дагуу Монгол Улсын Их Хурлын гишүүн Н.Алтанхуягийг ямар нэгэн гэмт хэрэгт холбогдуулан шалгах бус, Төрийн ордонд хийсэн мэдээлэлтэй нь холбогдуулан уг мэдээлэлд дурдагдсан гэмт хэргийн шинжтэй асуудлыг тодруулж тайлбар авах зорилгоор зарлан дуудах хуудас хүргүүлсэн болно” гэсэн юм.

2016 оны 04 сарын 27 | Хариулах
Зочин (202.21.118.98)

УЕПГ-ын Дотоод аюулгүй байдлын хэлтсийн Хэвлэл мэдээлэл, олон нийттэй харилцах асуудал хариуцсан хяналтын прокурор Ц.Өлзийжаргал “АТГ, УМБГ-ын Онц хүнд гэмт хэрэгтэй тэмцэх хэлтэс хамтарсан ажлын хэсэг шалгаж байгаа эрүүгийн хэрэгт Ерөнхий сайд асан Н.Алтанхуягаас байцаалт авахаар зарлан дуудах хуудас өгсөн. Түүнээс Ерөнхий сайд асан Н.Алтанхуягийг 2016 оны 04 сарын 04-ний өдөр хийсэн мэдэгдэлтэй нь холбогдуулан байцаалт авахаар дуудаагүй” гэдгийг мэдэгдэв.

2016 оны 04 сарын 27 | Хариулах