Би амьдралын хүнд, ажлын бэрхээс халгаж ухарч үзээгүй жирийн нэг Монгол хүн. Одоо 100 насыг насалж, зургаадай таягаа тулсан эмээгийн хайртай, эмээдээ хайртай охин. Эмээ минь энэ нутгийнх. Тэгэхээр түүний мах цусны тасархай үргэлжлэл би ч гэсэн энэ нутгийн газар шороонд мөргөж явах учиртай.

Би боддог юм. Хүн ер нь хайрлах үнэт зүйлстэй байх ёстой. Эх орноо, ээж ааваа, эргэн тойрон дахь хүмүүсээ, монголчуудаа хайрлах зүрх, сэтгэлтэй байх хэрэгтэй. Найр  наадам эсвэл сонгууль болохоор л, гэнэт учир зүггүй эх орондоо хайртай, энэ тэр гэж дүвчигнэх биш. Өдөр тутамд ажиллаж амьдарч байхдаа, энэ чинь минийх, биднийх, монголынх, бидний хүүхдүүдийнх гэж бодож, ажиллаж амьдарвал, сая бидний улс хөгжин цэцэглэх нь дамжиггүй.

Ирээдүйдээ итгэлтэй байх ёстой. Сэтгэл зүрхтэй байх учиртай. Сэтгэлд цог байвал зууханд гал бадарна гэдэг.

Залуу хүн хүсэл тэмүүлэлгүй бол даль жигүүргүй шувуу лугаа гэдэг. Жигүүргүй бол тэр шувуу биш. Түүнтэй адил хүсэл мөрөөдөлгүй бол яахин залуу хүн гэгдэх билээ. Ирээдүйдээ итгэлтэй байх ёстой. Сэтгэл зүрхтэй байх учиртай. Сэтгэлд цог байвал зууханд гал бадарна гэдэг. Тэгээд ч улс төрийн дэвжээнд бүсгүйчүүд эрчүүдээс огт дутахгүй гэж би боддог. Эмэгтэй хүн тогоо шанагаа ч барьчихдаг, төр засгаа ч түшилцчихдэг байх ёстой.

Надад энэ сайхан нутгийнхаа энэ сайхан хүмүүсийн аж, амьдралыг сайн сайхан болгох эрхэм зорилго бий. Хадны цуурай шиг хоосон үг биш харин бодож боловсруулсан болж бүтэх бизнес төлөвлөгөө байна. Та намайг дэмжээд өг. Би ирэх 4-н жилийн хугацаанд энэ хэлсэн үг, зорьсон зорилгодоо хүрчихээд, нас өндөр эмээгээ нүүр бардам дагуулж ирээд та бүхний өмнө хийсэн ажлаа тайлагнах болно. Тэгж би намайг өсгөсөн эмээгийнхээ, намайг сонгосон элгэн нутгийнхныхаа ачийг хариулна.  Намайг их хуралд нэр дэвшүүлнэ гэнээ, би яах вэ гэж эмээгийнхээ өвдгөнд мөргөөд асуухад, эмээ минь:

Яг саналын хуудас бөглөхдөө энэ үгийг дахин нэг заавал бодоорой. Энэ нутагт би, миний үр хүүхэд хэдэн үеэрээ амьдрах юм шүү гэж.

Эмээгээ амьд мэнд дээр, төрсөн нутгийг минь гоё болгоод өг. Харин худал амлах хэрэггүй. Хийж чадах зүйлээ хэлээд, сайхан хийгээд өг. Хожим чиний биш миний л нэр гарна. Хэлсэн амандаа хүрэхгүй бол эмээгийнх нь л яс өндөлзөнө шүү. Миний охин зүтгэ” гэж хэлсэн.

Таныг саналаа өгөх өдөр хэн ч юу ч гэж болно. Ятгана. Ямар нэг эд зүйл өгнө. Амална. Идээ ундаа, архи дарсаар ч дайлж магад. Гэвч та саналын хуудас бөглөхдөө ганцхан зүйлийг санаарай. Яг саналын хуудас бөглөхдөө энэ үгийг дахин нэг заавал бодоорой. Энэ нутагт би, миний үр хүүхэд хэдэн үеэрээ амьдрах юм шүү гэж. Амьдрах амьдрахдаа сайн сайхан амьдрах учиртай юм шүү гэж. Хэдий болтол мөнгө төгрөггүй, өвчин өрнөөс салахгүй амьдрах юм бэ? Гэж. Энэ сайхан амлаад байгаа эрээвэр, хураавар нөхдүүд хөгжүүлдэг байсан бол хөгжүүлэх хангалттай хугацаа байсан. 26 жил гэдэг бол тийм ч богино хугацаа биш. Жаргаад сүйд болдоггүй юмаа гэхэд ядаж зовлон үүрч амьдрахын учир юу вэ гэж.

Тийм ч учраас би “Энэ сайхан нутгийнхаа энэ сайхан хүмүүсийн аж, амьдралыг сайн сайхан болгохын төлөө зүтгэнэ” гэдгээ дахин дахин сануулж, худал амлаж биш хийсэн ажлаараа харуулахаа батлан, мөнгөн ембүү шиг бодлого зорилгоо алд цэнхэр хадган дээрээ тавиад нутгийн зон олон та нар луугаа руугаа зорьж ирлээ. Та сайхан тосоод аваарай.  Би Таньд л итгэж байна шүү. Хэдүүлээ сайхан болноо. Баярлалаа.

Монгол улсын их хурлын 29-р тойрогт

Ардчилсан намаас нэр дэвшигч

Т.Энхсайханы сонгуулийн штаб