Монголчууд сүүлийн 2 жилд "МҮҮН" гэдэг нэршилтэй танил болоод байгаа. Энэ нь "Цэнхэр үст" хэмээн алдаршсан Цэрэнгийн гавъяа. Тэрбээр Монгол улсын боловсролын системд "МҮҮН" гэгч шашны гаж урсгал хэрхэн орж ирсэн хийгээд олон залуусыг чимээгүйхэн "залгиж" байгааг илчилсэн түүхтэй. Харин энэ "тахал"-ын талаар сэтгүүлч Л.Мөнхбаясгалан нэвтрүүлэг хийж байгаа, маш их баримт материалууд хүмүүсээс ирж байгааг олон нийтэд дуулгаж, тун удахгүй нэвтрүүлэгээ цацна хэмээн хүлээлт үүсгээд байсан юм. Хүмүүст энэ талаар бодит мэдээлэл үнэндээ сонирхолтой байсан. Үнэхээр тэр боловсролын яаманд ажиллаж байгаа Б.Насанбаяр гэх эмэтгэй Мүүнчин юм уу, мүүнчидийн эгнээнд хэн хэн байдаг юм бол, гүүгл хайлтаас гарч ирсэн зурагт бол манай УИХ-ын гишүүд хүртэл цуглаанд нь очсон байгаа харагдсан. Үүний учрыг тайлах болов уу гээд л түм буман асуулт байсан юм. Гэвч түүний хийж байсан "МҮҮНЧИД"-ийн тухай нэвтрүүлэг сураг алдарч, усанд хаясан чулуу шиг таг болж, энэ талаар сөхөхгүй байсаар өдийг хүрсэн. Ний нуугүй хэлэхэд Л.Мөнхбаясгаланг мөнгө төгрөгний нөлөөнд автаж энэ нэвтрүүлэгээ зогсоосон байх гэсэн таамаглал байсан юм. Гэтэл нэвтрүүлэгийг хэн зогсоосныг, хэн хэвлэлийн амыг барьж байсныг мэдээд цочирдов. БСШУ-ны сайд асан шүү дээ.  Ардчилсан намын хамгийн даруухан дөлгөөн, дуу багатай, залуу халаа гэгддэг Лу.Гантөмөр. Дуугүй хүний доодох нойтон гэдгийн үлгэр жишээ энэ буюу. Энэ талаар сэтгүүлч Л.Мөнхбаясгалан өөрийн нүүр номондоо баримттайгаар нийтлэснийг бүрэн эхээр нь хүргэе.

-нэвтрүүлэг гараагүйн шалтгаан -

Үнэнийг хэлэх цаг болов. Учир нь АН-ын даргад нэр дэвшиж буй 5 эрхэмийн хэн нь ч надад таалагдахгүй байгаа. Гэхдээ Лу.Гантөмөр л биш бол хэн нь байсан яахав. Яагаад гэвэл энэ хүн шашины гаж урсгалын номлогч нарыг дэмжиж, багш сурган хүмүүжүүлэгч нарыг тэр сурталд оруулах ажлыг бодлогоор хийж байсныг Цензургүй баг баримтаар олж мэдсэн учраас манай нэвтрүүлэг хаагдсан гэж би боддог.

АН- ын толгойд шашины гаж урсгалыг дэмжигч, Монголын боловсролын тогтолцоонд гаж урсгалыг нэвтрүүлэхээр оролдож байсан хүн гарах учиргүй гэж ардчиллыг дэмжигч хүний хувьд бодож байна.

Энэ тухай өгүүлье . Өнгөрсөн жил Цензургүй баг нийгэмд эд шуугиан тарьж байсан Мүүний гаж урсгалын тухай хоёр ангит нэвтрүүлэг хийснийг ТВ гээр гарахыг хориглосон билээ. Анхандаа мүүнийг зүгээр л нэг шашины урсгал биз, шүгэл үлээгч Цэрэн хэтэрхий сенсаацилсан биз гэж бодож байсан нэвтрүүлгийн баг мүүний мөрөөр явах тусам ямар аюултай, асар их сүлжээтэй, маш их хөрөнгөтэй гаж урсгал болохыг мэдэж тогтоосон билээ.

Бас энэ гаж урсгалд монголын төрийн өндөр албан тушаалтнууд оролцсоныг ч бид баримтаар нотолсон.

Харин эхний хоёр ангид тухайн үед БСШУС ын сайд байсан лу.Гантөмөрөөс ярилцлага авсан юм. Тухайн үед би Лу. Гантөмөрийг мүүнтэй холбоогүй гэж бодож байсан. Нэвтрүүлэг ч тэгж гарсан. Гэтэл нэвтрүүлэг гарахын өмнөөс намайг ажилгүй болгох гэж, бас надад ямар нэгэн юм амлах гэсэн оролдлогууд эхэлсэн. (энэ бүх зүйл надад бичлэгээр буй болно. )

Эцсийн мөчид тэд С1 ТВ гийн хөтөлбөрийг зогсоож "Монгол дахь Мүүн ажиллагаа" нэвтрүүлгийг минь зогсоож чадсан. Хөдөөний ТВ нүүд манай нэвтрүүлгийг гаргахаар болж цаг товлонгуут засаг дарга нь юмуу Боловсролыг газраас нь болиулж байсан.

БСШУ-ны сайд Лу.Гантөмөр Мүүний шашины нэгэн урсгал болон АНУ ын зөгнөлт зохиолч Рональд Хаббордын 1950 аад оны үед үүсгэн байгуулсан Сиентологийн шинжлэх ухаан гэх гаж сектэд Монголын 24700 багш сурган хүмүүжүүлэгчид, арга зүйч, удирдах ажилтануудыг , бас сурагчдыг сургасан болохыг олж мэдсэн юм. Нийтдээ нэг 73 сая төгрөгөөр сургасан гэж Боловсролын яамны тайланд тусгасан байсан.

Энэ хүртэл би Лу.Гантөмөрийг хардаагүй явсан. Гэтэл аливаа юманд бууж өгөх дургүй шазруун зан минь хөтөлж Мүүний тухай нэвтрүүлгийнхээ 3-р ангийг хийвэл яах вэ гэдэг санал асуулгыг ФБ ээр явуулсан. Шууд хий гэсэн санал 20 мянга гаруй ирсэн. Ингээд 3-р ангийнхаа судалгаанд гарч ярилцлагуудаа хийж эхэллээ.

Гэтэл нэг аймаар факт олсон. Үүнээс болж 3 р анги зогссон. Энэ бол БСШУС ын сайд Лу.Гантөмөр Мүүний шашины нэгэн урсгал болон АНУ ын зөгнөлт зохиолч Рональд Хаббордын 1950 аад оны үед үүсгэн байгуулсан Сиентологийн шинжлэх ухаан гэх гаж сектэд Монголын 24700 багш сурган хүмүүжүүлэгчид, арга зүйч, удирдах ажилтануудыг , бас сурагчдыг сургасан болохыг олж мэдсэн юм. Нийтдээ нэг 73 сая төгрөгөөр сургасан гэж Боловсролын яамны тайланд тусгасан байсан.

Мөн нэг номлогчид 8 доллар өгч байсан бөгөөд нийт дүн нь 400 гаруй сая төгрөг болсон гэх хүн ч бий. Энэ бол амжилтад хүрч, албан тушаал мөрөөддөг хүмүүсийн тархийг кодлож үзэл сурталжуулан, тоталитар дэглэмийг номлодог гаж урсгал шүү дээ. Бас өөрсдийг нь эсэргүүцсэн, энэ гаж урсгалд дургүйцэгсэдийг үзэн ядаж сургадаг. Эхний ээлжинд ээж ааваа үзэн ядахад хүрнэ, тэгээд багшаа. Энэ гаж урсгал нь хүний биеийн организм болон сэтгэхүйг нь устгахад чиглэсэн хэмээн үзэж дэлхий олон орон эсэргүүцдэг.

Мөн АНУ-д бөөнөөрөө амиа хорлодог учраас зарим мужуудад нь хориглосон байгаа. ОХУ-д хориглож шүүхийн шийдвэр гарсан байдаг. ...Үүнийг Монголын боловсролд оруулж ирэхийг хүссэн Лу.Гантөмөр, Б.Насанбаяр нарын үйл ажиллагааг илчилсэн "Монгол дахь Мүүн ажиллагаа -3" нэвтрүүлэг маань өнөөг хүртэл ТВ- гийн босго давж чадахгүй байна.

Бид бүх баримтаа хэд хэд хувилж энэ тэнд нуусанаас өөрөөр хэтэрсэнгүй. Одоо та бүхэнд хэдхээн баримтыг хүргэе. Сиентлогийг үүсгэн байгуулагч Рона Хаббордын нэрэмжит сертификат, болон Боловсролын яамнаа 2013 онд батлан хэрэгжүүлсэн тайланг хүргэе. Гэрчүүдийн яриа жичдээ байгаа болно.

Монголын хэвлэлийн эрх чөлөө ийм байгаад тэд харамссан

Харин өнгөрсөн жилийн 4 р сараас эхлээд "Монгол дахь Мүүн ажиллагаа-3" нэвтрүүлгийг хорьсоноор Лу. Гантөмөр санаа амар УИХ-д нэр дэвшсэн билээ.

Харин намайг АН-д "гай тарихгүй" байхыг үүрэгдэж С1 ТВ- гээс хөөхийг сануулсан юм. Энэ мөчид л би Лу.Гантөмөрийг ойлгосон юм. Надад олон багш нар энэ талаар ярих гэж, бас Монголын боловсролыг хэрхэн үгүй хийснийг хэлж өгье гэж ирсэн. Харамсалтай нь тэр бүгд гараагүй. Багш нараас би уучлал гуйсан. Монголын хэвлэлийн эрх чөлөө ийм байгаад тэд харамссан. Одоо үүнийг илчлэх цаг болжээ. АН-ын толгойд ийм хүнийг гаргах эсэхээ АН-ын гишүүд өөрсдөө мэд. Түүнийг УИХ-ын сонгуульд ялагдсан учраас би дуугүй байсан. Харин Ардчиллын амин сүнсийг тээх энэ том намын толгойд гарч болохгүй учраас өнөөдөр үнэнийг дэлгэв. Намайг одоо хараавал хараа, гүтгэвэл гүтгэ, шорондоо хийвэл хий дээ!!!!