Миланы загварын 7 хонгийн сониноос  дуулгая

Италийн топ брэндүүд Миланы Загварын Долоо хоногийн үеэр шинэ загваруудаа танилцууллаа

Фэнди, Прада, Версаче зэрэг Италийн топ загварын брэндүүд Миланы загварын долоо хоногийн үеэр 2013 оны хавар-зуны шинэ загваруудаа танилцууллаа. Миланы загварын долоо хоногийг Гуччи брэнд шинэ загваруудаараа нээсэн байна. 9-р сарын 19-өөс 25-ны хооронд зохион байгуулагдсан загварын долоо хоногийн үеэр Италийн 68 загвар зохион бүтээгчээс гадна олон улсын, алдартай брэндүүд загваруудаа сонирхууллаа. Мөн загварын брэндүүд шинэ дэлгүүрүүдээ нээн, коктейльний танилцуулга, үдэшлэг, шоунууд болсон юм. Рок бүтээлүүдээрээ олонд танигдсан Их Британийн загвар зохион бүтээгч Жон Ричмонд, Прада, Армани, Италийн загварын ордон Этро, Версаче, Москино зэрэг брэндүүд бүтээлүүдээ танилцуулан загварын шоугаа зохион байгууллаа. Мөн загварын долоо хоногийн сүүлийн өдрүүдэд шинээр төрөн гарч ирж буй авьяаслаг залуу уран бүтээлчид загваруудаа танилцуулсан байна. Харин загварын долоо хоногийн нээлтийн өмнөх бэлтгэл ажлууд Милан хотын түүхэн дурсгалт газрууд, цэцэрлэгт хүрээлэнгүүдэд зохион байгуулагдсан юм. Дэлхийн томоохон загварын ордонууд Бразил, Хятад зэрэг эдийн засгийн хүчин чадал нь өсөн нэмэгдэж буй улс орнуудад үйл ажиллагаагаа тэлэхэд анхаарал хандуулах болсон. Гэвч Италийн худалдааны нийслэл одоо болтол баян чинээлэг үзэгчдийн анхаарлыг татсан хэвээр байгаа нь Загварын Долоо хоногийн үеэр харагдаж байлаа.


Францын Эзэн хаан 14-р Людовик, Шинэ Каледониягийн Канакчууд, панк урсгалынханд адил төстэй ямар зүйл байдгийг та мэдэх үү? Тэд бүгд л үсэндээ ихээхэн ач холбогдол өгдөг байна. Энэ тухай сонирхолтой үзэсгэлэнг Парисын музейд гарсан шинэ үзэсгэлэнгээс харж болно. Хүн төрөлхтөн 21,000 жилийн тэртээгээс үсээ тайрч, янзлан, янз бүрийн хэв загвартай болгож эхэлсэн түүхтэй гэж үзэсгэлэнг зохион байгуулагч Ив Ле Фу ярьлаа. Үнэт чулуун зүүлт, толгойн гоёл, хиймэл үснээс эхлээд сахиус, эртний хүний гавлын ёс, зэрэг Африк, Латин Америкаас авчирсан түүхийн үнэт бүтээлүүдийг энд үзүүлжээ. Үзэсгэлэнд 1,000 гаруй жилийн тэртээгээс өнөөг хүртэл хүн төрөлхтний үсний засалт, хэв маяг хэрхэн өөрчлөгдөж ирснийг харуулсан байна. Мөн хүмүүс яагаад үсээ ургуулж, олон янзаар янзалдаг байсан тухай, мөн ямар тохиолдолд үсээ хусч, тайрдаг байсан зэрэг сонирхолтой түүхийг өгүүлжээ. 14-р зууны үеийн Мария Магдалинагийн хөшөөнөөс тухайн үеийн барууны хэв маягийг тодорхойлсон үсний засалтыг харж болно. Харин 20-р зууны үсний засалтуудыг шаргал үстэй жүжигчин Брижит Бардо, тод хор үстэй цагаан арьст бүсгүй гэгддэг, Америкийн жүжигчин Ава Гарднер нарын дэлгэцэнд мөнхөрсөн дүрээс нь харж болох юм. Манай Эриний 7-р зуун буюу Каролингийн гүрний үед урт үс, язгууртан гаралтай хүмүүсийг илэрхийлдэг байжээ. Түүнээс гадна урт үс нь шашны сүсэг бишрэл, хиппи урсгалыг дэмжигчид, уй гашуудал зэрэг олон утга санааг илэрхийлдэг. Харин цэргүүд, лам нар үсээ хуссан халзан толгойгоороо ялгарч харагддаг. Энд мөн Габон, Гвиней, Япон, Бразил зэрэг улсуудын 1950-80 оны үеийн үс хусах ёслолыг харуулсан архивын түүхийн бичлэгүүдийг үзүүлж байгаа ажээ.




Одоо гутлаа солих шаардлагүй боллоо. Зөвхөн өсгийг нь солих хялбархан ажлыг хийхэд л өөр гутал өмсөх боломжтой болсон байна. Уг гутлын ачаар өдөр бүр намхан ултай хөлд эвтэйхэн гуталтай явж, харин онцгой тохиолдолд өсгийг нь сольж өмсөх боломжтой болж байгаа юм. Түүний шинэ санаа харахад энгийн мэт боловч Канадын загвар зохион бүтээгч Танья Хэтийн хувьд загварын том өөрчлөлт юм. Магадгүй тэр орчин үеийн эмэгтэйчүүдийн өмнө тулгамдсан том асуудлын хариултыг олсон байх.
Гутлын энэхүү шинэ ойлголт нь худалдаачдын хувьд хүнд санагдаж болох юм. Харин Танья аль хэдийн 120 гаруй төрлийн өсгийтэй 30 өөр загварын гутал бүтээжээ. Сонгодог, энгийн, секси зэрэг олон төрлийн өсгийнүүдийг сольсон ч түүний гуталнууд зохицол сайтай харагддаг байна. Мелани бол зөвлөх бөгөөд бас загварын шүтэн бишрэгч юм. Тэр өдрийн турш 4 сантемитрийн өсгийтэй гутал өмсдөг байна. Харин өнөө орой тэр гадагшаа гарах хэрэгтэй болжээ. Мелани аль хэдийн үдшийн даашинзаа сольж өмсчээ. Одоо илүү өндөр өсгийтэй гутал хэрэгтэй байна.
Францад үйлдвэрлэсэн 250 еврогийн үнэтэй гуталнууд энд хувьсгал хийжээ. Удахгүй шинэ загварын гуталнууд Францын хилээр алхаж хилийн чанадад тархах биз ээ.