Орос-Украины нөхцөл байдалтай холбоотойгоор Европын холбооны болон бусад хэсэг улсууд ОХУ-ын эсрэг хориг тавьж дэлхийн томоохон брэндүүд ОХУ дахь үйл ажиллагаагаа зогсоон орхин гарцгааж байгаа билээ.

Тэгвэл Дани улсын шар айргийн компани болох Карлсберг ОХУ дахь үйл ажиллагаагаа бүрэн зогсоохоор болсон байна. Тус компани нь ОХУ-д 8,400 гаруй ажилчидтай бөгөөд борлуулалт дуустал ажилчдынхаа гэр бүлийг санхүүгийн хувьд дэмжих үйл ажиллагаануудыг хийсээр байх юм байна.

Тус компанийн ерөнхий захирал Сис т Харт, “Украин улсад өрнөж буй дайн хүн төрөлхтнийг хүмүүнлэгийн болон дүрвэгсдийн хямралд оруулж буйд бид ихээр харамсаж байна. Цаашид амь насаа алдах хүмүүсийн тоог бага байлгахын тулд манай компанийн зүгээс ОХУ-д тавьж буй хоригоо үргэлжлүүлсээр байх болно” гэж хэлжээ.

Харин Нидерландын шар айргийн Хайнекен компани ОХУ-д бараагаа үйлдвэрлэх, худалдаалах, зар сурталчилгаа явуулах гэх зэрэг бүх шатны үйл ажиллагаануудаа зогсоосон бөгөөд одоогийн байдлаар ОХУ дахь оффис болон тоног төхөөрөмжүүдээ нүүлгэн шилжүүлж байгаа юм байна. ОХУ-ын иргэд эдгээр компаниудад их хэмжээний ашиг оруулдаг байсан хэдий ч бусад компаниудын адилаар тэд ч мөн ийнхүү ОХУ-ыг орхин гарцгаалаа.

Эх сурвалж: CNN