Украин улсын ерөнхийлөгч Владимир Зеленский эх оронд нь өрнөж буй зэвсэгт мөргөлдөөний тухай сүүлийн үеийн мэдээллийг агуулсан бичлэгийг өөрийн цахим хаягуудаараа дамжуулан өмнөх мягмар гарагийн орой нийтэлжээ.

Мөн Стамбул хотод хоёр улсын төлөөлөгчдийн оролцсон хурлын үеэр ОХУ-ын Батлан хамгаалахын яам Украин улс дахь цэргийн хүчээ багасгах болсон гэдгээ мэдэгдсэн. Тэгвэл В.Зеленский уг бичлэг дээрээ, “ОХУ цэргийн хүчээ Киев болон Черниговын бүс нутгуудад багасгахаар болсон гэдгийг та бүгд мэдэж байгаа. Гэхдээ уг шийдвэрээс болж бид сонор сэрэмжээ багасгахыг хүсэхгүй байна. Тэд цэргийн хүчээ багасгасан хэдий ч дайны бэрхшээлийн цаг хүрээ өчүүхэн хэмжээгээр ч багасаагүй. Оросын арми одоо хүртэл манай улс руу довтлох цэргийн их нөөцтэй. Тэд манай хотуудад гал нээсээр байгаа. Мариуполь хот бүслэлтэд байна. Тэдний пуужингууд болон агаарын довтолгоонууд зогсоогүй байгаа. Мөн миний хувьд биднийг устгах санаа өвөртөлж буй улсын төлөөлөгчдийн үгэнд итгэж чадахгүй. Бид эх орныхоо аюулгүй байдлыг бодитоор хангах ёстой” гэж хэлжээ.

Эх сурвалж: CNN