Цагаан ордны харилцаа холбооны захирал Кейт Бедингфилд ОХУ-ын хийсэн Украин улсаас цэргээ татах тухай мэдэгдэлд АНУ-ын удирдагчид одоогоор итгэхгүй байгаа гэдгийг мэдэгдлээ. Тэрбээр өчигдөр CNN-д өгсөн ярилцлагынхаа үеэр, “Бид ОХУ-д итгэхийн тулд эхлээд тэдний бодитоор хэрэгжүүлж буй үйлдлүүдийг ажиглах ёстой. Дайн болж байна шүү дээ. Тэд худал мэдэгдэл хийж дайсныхаа анхаарлыг сулруулах аргыг хэрэглэж байж магадгүй. Тэд бүтэн нэг сарын турш Киев хотыг эзлэхийг оролдсон гэдгийг бид бүгд харсан. Тиймээс гэнэт Киев хотоос цэргээ татах болсон шийдвэрт нь шууд итгэж болохгүй. Мэдээж бид өөрсдийнхөө талаас чадах бүхнээ хийсээр байх болно.” гэж хэлжээ.

Харин АНУ-ын ерөнхийлөгч Жо Байден уг нөхцөл байдлын тухай, “Байдлыг ажиглацгаая. Би ОХУ-ын үйлдлийг харж байж юу хийх талаараа шийдвэр гаргах болно. Тэднийг анх өвөртөлж байсан зорилгынхоо араас явах эсэхийг харцгаая” хэмээжээ.

П.Тамир