Их Британийн тагнуулын агентлагийн засгийн газрын харилцаа холбооны штабын дарга Жереми Флеминг Австралийн үндэсний их сургуульд тавьсан нэгэн илтгэлийнхээ үеэр одоогийн Орос-Украины нөхцөл байдлын тухай дурджээ.

Тэрбээр, “Бидний үзэж буйгаар ОХУ-ын ерөнхийлөгч Владимир Путин дайны талбар дээр юу болж байгааг бүрэн мэдэхгүй байгаа. Тэр эх орныхоо зэвсэгт хүчнийг хэт өндрөөр үнэлж Украин цэргүүдийг дутуу үнэлэн нь тодорхой. Манай байгууллагын цуглуулсан мэдээллүүдээс үзэхэд Орос цэргүүд ёс суртахууны болон зэвсгийн эрдэмт тийм ч чадварлаг биш.

Тэд тушаал биелүүлэхээс татгалзах болж өөрсдийн зэвсэг хэрэгслүүдээ эвдлэн сүйтгэж эхэлсэн. Мөн Орос цэргүүд дутмаг байлдааны ур чадвараасаа болж өөрсдийн онгоцоо сөнөөсөн гэдгийг дурдмаар байна. Бидний үзэж байгаагаар Владимир Путины зөвлөхүүд дайны жинхэнэ нөхцөл байдлыг түүнд хэлэхээс айж байгаа байх. ОХУ-ын гадаадын болон дотоодын хөлсний цэргүүдийг армидаа нэгтгэж буй нь тодорхой. Тэдний нэг болох ерөнхийлөгч Владимир Путины хувийн арми болох Вагнер групп олон тооны мэргэжлийн цэргүүдийг Украин руу илгээхээр бэлдэж байгаа” гэж хэлжээ.

Эх сурвалж: CNN