2019 оноос олон нийтэд хүрч эхэлсэн “Crash Landing on You” кдрамын жүжигчид болох Хён Бин болон Сон Ежин нар хуримаа хийхээр болсон гэдгээ энэ оны хоёрдугаар сарын эхэнд зарлаад байсан билээ. Тэгвэл тэдний хурим гуравдугаар сарын 31 буюу өнөөдөр тохиож байна.

Тэдний нэрс 2011 онд “Secret Garden” гэх кдрамад хамт тоглосон цагаас хойш холбогдож эхэлсэн ба 2014 оны Бүчоны олон улсын кино наадмын үеэр тэд хамт сууж байсан билээ. Гэхдээ тэд Secret Garden кдрамад тоглох үедээ хоорондоо нэг ч удаа тааралдаж байгаагүй. Улмаар тэд 2017 онд “Negotiation” гэх кдрамад тоглох үедээ анх удаа хамтран ажилласан.

Тухайн үедээ Сон Ежин, “Анх Хён Бинийг харах үед надад түүүний үс болон арьс маш цэвэрхэн харагдсан. Тэр бол яах аргагүй эмэгтэй жүжигчдийн сэтгэлийг татдаг төрлийн залуу” гэж хэлж байжээ. Тухайн цаг үеэс тэдний харилцаа гүнзгийрч эхэлсэн бөгөөд 2018 оны есдүгээр сард Хён Биний төрсөн өдрийг хамт тэмдэглэсэн тэд 2019 онд "Crash Landing on You" кдрамын төсөлд хамт ажиллах болсон. Улмаар 2021 онд “Korea Dispatch” тэднийг найман сарын турш болзож байгаа гэдгийг зарласан бөгөөд жүжигчдийн хувийн агентууд ч мөн адил уг мэдээг үнэн гэдгийг баталсан.

П.Тамир