БОАЖ-ын Сайд Б.Бат-Эрдэнийн албан даалгаврын хүрээнд Хараа - Ерөө сав газрын захиргааны албан хаагчид Сонгинохайран дүүргийн 21 дүгээр хороо, Хүйн гол, Төв аймгийн Батсүмбэр сум Сөгнөгөр, Баянгол гол дагуух байрлалтай аялал жуулчлалын бааз, гэр буудлуудын нүхэн жорлон, бохир усны цооногийг устгав.

Онцгой хамгаалалтын бүсэд байршуулсан стандартын бус 8 нүхэн жорлон байсан ба мөн 2 хогийн цэгийг буулган ажиллав.

Цаашид Хараа, Ерөө гол дагуух аж ахуйн нэгж, айл өрхүүдийн стандарт бус нүхэн жорлонг буулгах, нүхийг булах ажил үргэлжлэх ба байгальд ээлтэй ЭКО-00 байгуулах юм.