Улаанбаатар хотын Ерөнхий менежер М.Баяраа ногоон байгууламжийн арчилгаа болон цаг үеийн асуудлаар мэдээлэл өглөө.
Тэрбээр “Улаанбаатарын хотод энэ онд 28,1 км дулааны шугам сүлжээг өргөтгөх, шинээр хийх зэрэг ажлууд хийгдэнэ. Тухайлбал, энэ оны зун дулааны гол шугам сүлжээний 19 байршилд засвар шинэчлэлийн ажлыг тавдугаар сарын 15-наас есдүгээр сарын 15 хүртэлх хугацаанд хийхээр төлөвлөсөн. Иргэдийг зуслан, хөдөө орон нутагт зорчих хугацааг ашиглаж, дунджаар 10-14 хоногийн хугацаанд дулааны шугамын өргөтгөл, халуун усны шугамын өргөтгөлийн ажлуудыг хийж гүйцэтгэнэ.
Дулааны шугамын зогсолтын график хугацаатай уялдуулан нийтийн орон сууцны ашиглалт хариуцсан конторууд болон ААН-үүд их урсгал засварын ажлуудаа хийж гүйцэтгэнэ. Иргэдийн зуслан, хөдөө орон нутаг руу зорчсон үед хийхээр төлөвлөж байна. Мөн 2023 онд нийтийн эзэмшлийн ногоон байгууламжийн арчилгааг 135,4 га талбайд хийнэ " гэв.
Д.Батчулуун
