Өнгөрч буй энэ долоо хоногийн хувьд АНУ-ын цагаачлалын эсрэг компанит ажил үргэлжилж, Д.Трамп дэлхийн анхаарлын төвд байж, Орос Украины нийслэлд халдаж, цөөнгүй осол, нурангийн гамшиг нүүрлэсэн дуулиантай долоо хоног байлаа. Тэгвэл бид та бүхэнд улирч байгаа долоо хоногийн сонин сайхныг 24 гэрэл зурагт багтаан хүргэж байна.
1-р сарын 16-ны өдөр Венесуэлийн сөрөг хүчний удирдагч Мария Корина Мачадо Пүрэв гарагт Цагаан ордонд болсон хувийн уулзалтын үеэр АНУ-ын Ерөнхийлөгч Доналд Трампад "Нобелын энхтайвны шагнал"-аа гардуулав.
Японы Ерөнхий сайд Санаэ Такайчи, Өмнөд Солонгосын Ерөнхийлөгч Ли Жэ Мён нар мягмар гарагт Өмнөд Солонгосын соёлын К-попын алдартай дуунуудыг дуулахаар гарч ирэхэдээ тулд костюмаа цэнхэр өнгийн спортын хувцсаар сольсон байлаа.
1-р сарын 11-ний ням гарагт холбооны цагаачлалын албаны ажилтан Миннеаполис хотод нэгэн айлын хаалгыг хүчээр эвдэв. Эзэн нь харин хариу үйлдэл үзүүлж байна. Миннесота мужид нийгмийн халамжийн луйврын дуулианы дараа Трампын засаг захиргаа цагаачлалын эсрэг тэмцлийн хүрээнд 2000 орчим холбооны төлөөлөгчийг Миннеаполис руу илгээсэн.
АНУ-ын Ерөнхийлөгч Доналд Трамп 1-р сарын 9-ний Баасан гарагт Вашингтон хотод "Marine One" онгоцонд суухаасаа өмнө Цагаан ордны Өмнөд зүлгэн дээр хэвлэл мэдээллийнхэнтэй ярилцлага хийж буй нь...
1-р сарын 12-ны Даваа гарагт Гренландын Нуук хотод байшингууд цасанд дарагдсан байна. Дани болон Гренландын удирдагчид АНУ-ын дэд ерөнхийлөгч Ж.Д.Вэнс, Төрийн нарийн бичгийн дарга Марко Рубио нартай уулзсаны дараа тус нутаг дэвсгэрийн ирээдүйн талаар Трампын засаг захиргаатай "үндсэн санал зөрөлдөөн" хэвээр байгааг мэдэгдэв. Гренланд бол Данийн өөрөө удирдах нутаг дэвсгэр юм.
SpaceX-ийн багийн гишүүд 1-р сарын 15-ны Пүрэв гарагт Калифорни мужийн Лонг Бич хотын эрэг орчмын Номхон далайд газардсаны дараахан капсул дотор байгаа нь... Тэд багийн гишүүдийн нэг нь эрүүл мэндийн асуудалтай байсан тул Олон улсын сансрын станцаас эрт буцаж иржээ. Зүүн гар талаас Оросын сансрын нисгэгч Олег Платонов, Америкийн сансрын нисгэгчид Майк Финке, Зена Кардман, Японы сансрын нисгэгч Кимия Юи нар байна.
1-р сарын 13-ны Мягмар гарагт Украины Киев хотод цахилгаан тасрав. Украины нэгэн эр гэртээ 2 настай охиндоо гэрлээ асаахад нь тусалж байна. Оросын нисгэгчгүй онгоцны хүчтэй дайралтын улмаас Киев мужид хэдэн зуун мянган өрх цахилгаангүй болсон гэж Украины Ерөнхийлөгч Владимир Зеленский мэдэгдэв.
1-р сарын 14-ний Лхагва гарагт Тайландын зүүн хойд хэсэгт барилгын кран унаж, галт тэрэг замаасаа гарсны дараа аврагчид сүйрлийн дунд ажиллаж буй нь... Наад зах нь 32 хүн нас барж, хэдэн арван хүн шархаджээ.
Энэтхэгийн Гувахати хотын бүжигчид 1-р сарын 15-ны Пүрэв гарагт болсон Бвисагу фестивалийн бэлтгэлийн үеэр Багурумба бүжиг болж байна.
Энэхүү зураг нь Японы сансрын нисгэгч Кимия Юигийн Олон улсын сансрын станцаас авсан зураг юм. Уг зурагт 1-р сарын 11-ний Ням гарагт дэлхий дээр туйлын туяа мандахыг харуулж байна.
Мотоциклчин Рики Брабек 1-р сарын 11-ний Ням гарагт Саудын Арабын Рияд болон Вади ад-Давасир хотуудын хооронд болсон Дакар раллигийн долоо дахь шатанд өрсөлдөж байна.
1-р сарын 12-ны Даваа гарагт Миннеаполист алагдсан Рене Николь Гудын түр зуурын хөшөөнд зочилж буй хүмүүс тэврэлдэж байна. АНУ-ын 37 настай иргэн Гуд энэ сарын эхээр болсон мөргөлдөөний үеэр Цагаачлал, Гаалийн албаны ажилтан түүний машин руу буудсаны улмаас амиа алдсан юм. Гэвч албаны ажилтан өөрийгөө биеэ хамгаалсан хэмээн өмөөрч байгаад хүмүүс ундуйцсан.
1-р сарын 9-ний Баасан гарагт Оросын нисгэгчгүй онгоцны дайралтын улмаас Украины Киев хотод орон сууцны барилга эвдэрчээ.
Жүжигчин Теяна Тейлор 1-р сарын 11-ний ням гарагт Алтан бөмбөрцөг шагнал гардуулах ёслолын улаан хивсэн дээр Шиапареллигийн даашинз өмссөн байна. Тэрбээр уг наадмаас "шилдэг туслах эмэгтэй дүр"-ийн шагнал хүртжээ.
Филиппиний Себу хотод хогийн цэгийн байгууламж нурж, нуранги дороос аврагчид амьд үлдсэн хүмүүсийг хайж байна.
1-р сарын 11-ний ням гарагт Токиогийн Теппозу Инари сүмд хүмүүс хүйтэн усанд орох зан үйл хийж байна.
1-р сарын 15-ны Пүрэв гарагт Уганда улсын Кампала хотод нэгэн эр сонгуулийн сурталчилгааны зурагт хуудаснууд наасан гудамжаар хажуугаар алхаж байна. Сая сая Угандачууд поп од асан болон тус улсын удаан хугацааны авторитар удирдагчийн хоорондох чухал өрсөлдөөнийг гэрчилнэ. Угандачууд энэ сонгуулиар өнгөрсөн 40 жилийн засаглалаа нураах боломжтой.
Райан Бедард, Челси Лю нар 1-р сарын 9-ний Баасан гарагт Сент-Луис хотод болох АНУ-ын уран гулгалтын аварга шалгаруулах тэмцээнд өрсөлдөж байна. Ирэх сар өвлийн олимп болно.
1-р сарын 14-ний Лхагва гарагт Миннеаполис хотод холбооны агентууд нулимс асугаруулагч болон резенин сум, чинжүүний бөмбөгөөр галлаж байх үеэр уг зургийг буулгажээ.
1-р сарын 12-ны Даваа гарагт Венесуэлийн Каракас хотын цагдан хорих төвийн гадна улс төрийн хоригдол Рене Хесус Чуриогийн ээж Флор Замбрано уйлж буй агшин... Венесуэл даяар Мадурогийн баривчилгааны дараа олон зуун гэр бүл хайртай хүмүүсээ суллагдахыг зовж шаналан хүлээж байна.
1-р сарын 12-ны Даваа гарагт засгийн газрын хүчин болон Курдын дайчдын хооронд хэдэн өдөр үргэлжилсэн тулалдааны дараа Сирийн Алеппо хотын Ахрафиех хороолол руу буцаж буй дүрвэгсдийг тээвэрлэж буй автобуснууд балгас болсон барилгын хажуугаар өнгөрч байна.
1-р сарын 13-ны Мягмар гарагт Болгарын Светля тосгонд хүмүүс түүдэг галын дэргэд эртний Сурва паган шашны зан үйл хийж байна. Баг зүүсэн бүжиг нь муу ёрын сүнснүүдийг хөөн зайлуулж, эрүүл мэнд, үржил шим, хөгжил цэцэглэлтийг авчрах зорилготой юм.
Унгарын Замарди хотын ойролцоох мөстсөн Балатон нуурыг 1-р сарын 12-ны Даваа гарагт гэрэл зурагт буулгажээ. Зүрхэн хэлбэртэй байгааг нь анзаарав уу...
1-р сарын 13-ны Мягмар гарагт Ромын форум болон Колизей дээгүүр цахлай нисч байна
1-р сарын 15-ны Пүрэв гарагт Камбожийн Пномпень хотын захад загасчилж яваа аав хүү хоёр...
Чикаго Буллз багийн Тре Жонс 1-р сарын 10-ны Бямба гарагт Чикаго хотод болсон NBA-ийн тоглолтын үеэр Далласын эсрэг доволгоо хийж буй нь...
Л.Баяр
