Өчигдөр хэсэг бүлэг эрдэмтэд дэлхийн бүх алт одон орны үйл явдлаас үүссэн тухай сонирхолтой мэдэгдэл хийлээ. Судлаачид алтыг нейтрон цэнэгтэй хоёр одны мөргөлдөөнөөс гардаг болохыг батлахыг оролджээ.
 
“Бид дэлхийн бүх алтны нөөц оддын мөргөлдөөнөөс үүссэн болохыг тооцоолсон” хэмээн Харвард Смитсоны астрофизикийн судалгааны төвийн одон орон судлаач Эдо Бернер ярьсан байна. Тэрээр хэвлэлийн хурлын үеэр тэдний судалгааны ажил “The Astrophysical Journal Letters” сэтгүүлд дэлгэрэнгүй нийтлэгдсэн болохыг дурдсан байна.

Судлаачдын ярьснаар нейтрон цэнэгт одод нь сөнөсөн оддын цөм байсан бөгөөд одоогоос олон сая жилийн өмнө дэлбэрсэн аж. Мөн нейтрон цэнэгт од нь өнөөгийн АНУ-ын Бостон хоттой тэнцэхүйц том хэмжээтэй буюу массаараа нарнаас 1.5 дахин хүнд байсан гэлээ. Татах хүчний нөлөөгөөр цацраг туяа орбит дахь хүчийг татсанаар нейтрон оддын мөргөлдөөн үүссэн хэмээн тайлбарлаж байна. Ийм шинж чанартай нейтрон цэнэгт хоёр од өндөр хурдаар мөргөлдөхөд алт үүсдэг гэж дүгнэсэн шалтгаанаа ингэж тайлбарлалаа.

Эрдэмтэд нейтрон оддын мөргөлдөөнөөс үүссэн гэж үздэг гамма туяаны задралыг судалжээ. Гамма туяаны задрал хэт улаан туяаны нэгдэл болон гялалзсан шар өнгийг үүсгэжээ. Энэ нь алтны өнгө, бүтцэд тун ойрхон байсан байна. Тиймээс одоо гамма туяанаас алт гаргах боломжтой гэж хэлэхгүй ч нейтрон оддын мөргөлдөөс их хэмжээний алтны үйрмэгүүд үүссэн хэмээн дүгнэж байна.

Хоёр нейтрон од мөргөлдөхөд сарны массаас 10 дахин их хэмжээний алт үүсдэг хэмээн судлаачид хэлжээ Энэ нь өнөөгийн зах зээлд 10 октиллион ам.доллар хүрэх хэмжээний алт аж. Октиллион нь ардаа 28 тэг багтаах тийм их тоо юм байна.