УИХ-ын гишүүн Ж.Батзандан ах Ж.Батсүрэнгээ танхайрсан хэмээн ажлаас нь чөлөөлж өгөхийг хүссэн. Төрийн өмчит компанийн захирал ах нь гаалийн ажилтанг сүрдүүлсэн нь хариуцлагагүй үйлдэл байсан гэж тэрбээр үзсэн.

    Тэгвэл Ж.Батзандан гишүүнийг ийм хүсэлт гаргасных нь төлөө МоАХ-ны зарим гишүүд загнажээ. Учир нь ах Ж.Батсүрэн нь МоАХ-ны гишүүн аж. Харин Ж.Батзандан "Ах энэ зэргийн юмыг тоохгүй эр хvн. Ах нар үргэлж дүү нараа дотроо хайрлаж явдаг юм шүү дээ. Гэхдээ төрийн ажил бол өөр. Бид бүгдээрээ ах, дүүдээ хайртай. Гэхдээ буруу хайрлавал хорлосонтой адилхан шүү дээ. Ах тоохгүй бна. Тэр МоАХ-ын гишvvн болохоор найзууд нь л намайг загнаж байна. Амьдрал баян шүү дээ л гэж би хэллээ" гэлээ.