2013 онд борлуулалтаараа тэргүүлж, уншигчдын сонирхлыг хамгийн ихээр татсан шилдэг номнуудыг танилцуулж байна.
1. Chimamanda Ngozi Adichie “Americanah”
Chimamanda Adichie, зохиолчдын “Orange Broadband” авардсын шилдэг шагнал хүртсэн билээ. “Americanah” бүтээлдээ тэрээр гурван тивд ээлжлэн өрнөх хайрын түүхийг хөгжилтэйгөөр өгүүлжээ. Зохиолд “Ифелему хэмээх Нигерь бүсгүй Америкт сурахаар найз залуугаа орхино одно. Ингээд харь оронд ирсэн даруйдаа блог хөтөлж эхлэх бөгөөд 13 жилийн дараа Йелийн их сургуулийн профессор болдог. Ингээд бүсгүй зүрх сэтгэлдээ хөтлөгдөн, төрөлх Лагос хотод буцаан ирэх боловч тэр өмнөх шигээ хар арьс эмэгтэй биш болсон байлаа. Бүсгүй “Americanah” болжээ. “Тэр хар арьстан учраас Америк явах сонголт хийсэн” хэмээн зохиолч бичжээ. Зохиолч хайр дурлал, үзэн ядалт, хар арьстнуудын амьдралын түүхийг гайхалтай харуулсан байна. Гэхдээ хөгжилтэй өнгө аясаар харуулсан нь уншигчдын нүдэнд баатрууд нь харагдахуйц болоход нөлөөлсөн юм.
2. Charles Graeber “Сайн сувилагч”
Энэхүү номыг Graeber бодит хүний амьдралаас сэдэвлэн бүтээжээ. Зохиолын гол дүр Чарли Кюллен 2003 онд Нью-Жерсид баривчлагдсан бөгөөд тэр сувилагчийн ажил хийж байхдаа 40 орчим өвчтөний амийг тасалжээ. Магадгүй үүнээс 10 дахин олон байж мэдэх юм. Тэрээр инсулин диксолин зэрэг аюултай эмнүүдийг өвчтнүүдийн амийг аврах нэрийдлээр тунг нь хэтрүүлэн өгдөг байжээ. “Сайн сувилагч” бүтээлийг цуврал алуурчинтай ярилцлага хийсний үндсэн дээр бичсэн гэнэ.
3. Aleksandar Hemon “Миний амьдралын ном”
Саражевод төрсөн зөгнөлт зохиолч уран зохиолоос хол хөндий гэр бүлд өсчээ. Александр анхандаа зөгнөлт зохиол биш эссе бичдэг байсан гэнэ. Харин энэ номонд амьдралынхаа түүхийг өгүүлсэн байна. Түүний амьдралд мартагдашгүй нэгэн толбо үлдсэн нь хайрт охин нь маш ховор төрлийн хорт хавдраар нас барсан явдал юм.
4. Rachel Kushner-н “Гал гаргагч”
Залуу зохиолч Кушнер энэ онд уншигчдын сэтгэл сэргээсэн бүтээлийг гаргажээ. Энэхүү номонд 1970-аад оны урлаг, улс, төр, хувьсгал болон аюулт үзэгдлийн талаар дурсамжит хөргүүдийг хүчтэй дүрсэлжээ.
Энэ романд жендерийн асуудлыг хөнджээ. Claire Messud “Би ямар их уурлаж байна гээч” гэсэн өгүүлбэрээр зохиолоо эхлүүлжээ. Зохиолыг Кэмбриж, Массачусетийн их сургуулийн багш 43 настай Франц гэр бүлээс гаралтай, Шахид эмэгтэйн түүхээс сэдэвлэн бүтээсэн юм. Наймхан настай Река Шадид охин Норагийн сургуульд эцэг, эхийнхээ хүслээр элсэнэ.
6. Philipp Meyer “Хүү”
Уг зохиолд гурван өөр үед амьдарч байсан баатрууд гарна. Тиймээс ч зохиолд гурван өгүүлэгч гарах бөгөөд эцгийнхээ хүн амины хэрэгт татан оролцсоны төлөө буруутан болж буй хүүгийн тухай гардаг байна. Мөн дунд хэсэгт 1836 онд амьдарч байсан шинэ цагийн хүүгийн дүрийг харуулдаг бол төгсгөлийн хэсэгт 2011 онд газар өмчилж, мөнгөтэй болсон нэгэн эмэгтэйн тухай гарна.
7. Roxana Robinson “Sparta”
Зохиолч Робинсон Америкийн тэнгисийн цэрэгт алба хааж байжээ. Робинсон Ирак иргэдийн амьдрал, үнэнч, шударга байдлыг дүрсэлжээ. Дайны үеэр амьд үлдэхийн тулд ямар бэрхшээлтэй тулгардаг тухай зохиолд тод бичсэн байна. Иракын дайны 10 жилийн жилийн ойг тохиолдуулан бичсэн зохиолд цэргүүдийн амьд үлдэхийн төлөө тэмцэл, бэрхшээлүүдийг харуулжээ.
8. George Saunders “Tenth of December”
Америк гаралтай зохиолч бүтээлдээ, Саундерс хар тамхи хэтрүүлэн хэрэглэдэг залуугийн тухай өгүүлжээ. 12-р сарын 10-ны өдөр болсон үйл явдал зохиолын гол зангилаа болно.
9. Bob Shacochis “Сүнсээ гээсэн эмэгтэй"
Нэг өгүүлэгчтэй адал явдалт уг зохиолд 1986 он буюу Хүйтэн дайны үеийг харуулжээ. Истамбулд аавынхаа толгойг авахуулсан байхыг олж харсан хүүгийн амьдралд огцом өөрчлөгдөнө. Хожим нь энэ хүү Америкийн дипломатч болох бөгөөд охин нь Гаитигийн гамшиг болсон газар очиж, өөрийгөө Жэки Скот гэж нэрлэнэ. Ингээд тэр нэгэн ламын тусламжтайгаар өөрийнхөө сүнсийг хайж эхэлнэ.
10. Marisa Silver “Mary Coin”
Энэ номыг 1936 онд буюу их хямралын үед фото зурагчин Дороди Лэнжигийн авсан цагаач эмэгтэйн хөргөөс сэдэвлэжээ. Оклахамагаас гаралтай цагаач эмэгтэй буюу Mary Coin хэмээх ээжийн амьдралыг харуулна.
Сэтгэгдэл (5)