Америкчуудын нэг цагийн цалинг 10,1 долларт хүргэж байж 5 сая хүнийг ядуурлаас аварна гэсэн судалгааг Массачусетын их сургуулийн эдийн засагчид гаргажээ. Хэрвээ Барак Обама цагийн хөлсийг 7,25 доллараас 10,1 долларт хүргэвэл ядуурлын түвшинг 1,7 хувиар бууруулна гэж үзэж байна. Ингэснээр 85 мянган шинэ ажлын байр бий болж, эдийн засаг 22 тэрбумаар өснө гэж тооцоолжээ. Шинээр бий болж буй ажлын байрны тавны гурав нь бага цалинтай гэсэн судалгааг 2012 онд гаргасан байдаг. Америкчуудын дийлэнх нь бага цалинтай ажил хийж байгаа нь ядуурлын түвшинг 3,4 хувиар өсөхөд нөлөөлсөн юм. Эдийн засагчид хөдөлмөрийн хөлсний доод хэмжээ ядуурлын түвшинд нөлөөлж байгаа эсэх талаар удаан хугацаанд маргаж ирсэн байна. Гэхдээ цалингийн доод түвшинг нэмэгдүүлэх нь цагийн хөдөлмөр эрхэлж байгаа залуусыг хамгаална гэдэгт санал нэгджээ.