Та хар тахиа байдаг гэж сонсож байсан уу? Тэгвэл “Хятадын Силки” хэмээх хун шиг цагаан арьстай шувуу бий. Энэ шувуу нь үнэн хэрэгтээ тахиа боловч дотор эрхтэн нь хар гэнэ. Барууны орнуудад силки шувууны махыг гоёл чимэглэлийн зориулалтаар хэрэглэх нь түгээмэл бол Хятадад дээд зэрэглэлийн хоолд тооцогддог байна. Хятадын ард түмэн хэдэн зуун жилийн өмнөөс силки шувууны махыг эмчилгээний зорилгоор идсээр ирсэн юм. Өнөөдөр жирэмсэн ээжүүдийг хүүхдээ төрүүлсэнийхээ дараа эрч хүчээр сэлбүүлэх зорилгоор хэрэглэдэг бөгөөд уушиг, ходоодонд сайн гэж итгэдэг ажээ.
Маш ховорт тооцогдох энэ тахиаг эрдэмтэд 2011 онд судлаж үзээд, генийн өвөрмөц хувьслаас хар тахиа үүссэн гэж үзжээ. Тахианы эсэн дэх нөсөөт бодисууд ихэссэн учраас өнгө нь хувирчээ. Тиймээс яс, арьсных нь өнгө өөрчлөгдөлгүй зөвхөн дотор эрхтнүүд нь хар болсон байна. Сонирхолтой нь, хар тахиаг булчин хөгжүүлэх, насжилтыг бууруулахад хэрэглэдэг гэнэ. Хар тахианы махыг идэхэд эвгүй санагдаж байгаа ч уламжлалт тахианаас ялгагдахааргүй амттай юм байна.
