Тэрээр өөрийн номондоо хүмүүсийн нуруу өвддөг нь дэлхийн татах хүч бага байдагтай холбон тайлбарлажээ. Татах хүч бага байдгаас наранд амархан борлодог мөн шинэ хүн төрүүлэхэд хэцүү байдаг гэнэ. Харин хүнээс өөр ямар ч амьтан үр хүүхдээ бусдын оролцоотойгоор төрүүлдэггүй. Түүнийхээр хүн төрөлхтөн бол энэ гариг дээрх хамгийн төгс хувьссан бөгөөд мэдрэмтгий амьтан ажээ. Доктор Эллис Силвер хүн төрөлхтнийг дэлхий дээр, нарны гэрэл дор амьдрахад тохиромжгүй гэж үздэг. Учир нь хүмүүс хоёр долоо хоногоос илүү хугацагаар наранд шарж чадахгүй. Харин гүрвэл ямар нэгэн асуудалгүйгээр өдөр бүр наранд байдаг. Мөн хүмүүс байнга өвдөж, унтаж байх хооронд бие нь хувьсаж байдаг ажээ. Байгалийн дарангуйллаас хараат, арга аашийг нь олох боломжгүй энэ гаригийг “шорон” гэж Эллис нэрлэсэн байна. Доктор Эллис шинжлэх ухааны онолуудыг няцааж, маргаан дэгдээж болохуйц хэд хэдэн үндэслэлийг гарган тавьсан ажээ.
     Тухайлбал, хүмүүс дэлхий дээр биш, бидний өнөөдөр мэдэгдэж байгаа төрөл зүйлийг хувьсаж эхлэхээс өмнө солир, сүүлт одон дээр үүссэн байж магадгүй гэжээ. Ингэснээр хүмүүс дэлхийн байгальд дасан зохицож биш, дэлхий болж хувьссан өөр гаригийн бүтээл гэж батласан байна. Энэ нь ойролцоогоор 60-200 мянган жилийн өмнөх үед хамаарах юм. Түүнээс өмнө Наса-гийн биологич Крис Маккей сансрын өөр эрхсээс дэлхий дээр бактери орж ирсэн гэж үзэж байжээ.