1989 оны зургадугаар сарын 4-ний өдөр Хятадын арми бослого хөдөлгөөн өрнүүлсэн олон мянган оюутан залуусыг зэвсгийн хүчээр хөнөөсөн. Энэ хэргийн талаар Хятадын удирдагчид тайлбар өгдөггүй болохоор судлаачид янз бүрээр дүгнэдэг. Тиймээс уншигч танд тухайн үеийн гэрэл зургуудыг тайлбартайгаар хүргэж байна.

    Ардчиллын төлөө тэмцэгч оюутнууд Тянь-Ань Миний талбайн Ардын хурлын танхимын гадаа цагдаа нартай нүүр тулав. 1989 оны дөрөвдүгээр сарын 22-ны өдөр Хятадын коммунист намын удирдагч асан, либерал шинэчлэгч Ху Яаобаны оршуулах ёслол болж эмгэнэн гашуудаж байв. Ху Яобаны үхэл ардчилсан хөдөлгөөнийг идэвхжүүлэв.

Хятад оюутнуудыг удирдагч Ван Дан гадаадын сурвалжлагчид хандаж мэдэгдэл хийв.

Тянь-Ань Миний талбайг эзэлсэн босогчид 1989 оны тавдугаар сарын 30-нд 10 метр өндөртэй Ардчиллын эх дагины хөшөөг босгожээ.
Хэдэн зуун мянган босогчид Тянь Ань Миний талбайн Ардчиллын хөшөөн дээр цугларав. Зургадугаар сарын 2-нд болсон үймээний үеэр алагдсан тэмцэгчдийн ар гэрийнхэн Хятадын эрх баригчдаас тайлбар өгч, цус урсгахын оронд яриа хэлэлцээр эхлүүлэхийг шаардсан юм.
Хятадын цэргүүд болон босогчдын дунд хавчуулагдсан охин. Бээжин хотын Ардын хурлын танхимын ойролцоо зургадугаар сарын 3-ны өдөр зогсож байсан түүнийг цэргүүд хүчээр холдуулсан байна. Энэ үед босогчид Тянь-Ань Миний талбайг хэдэн долоо хоногийн турш бүслээд байлаа.
Ардын чөлөөт армийн цэргүүд хашлагыг даван харайж, мөргөлдөөнд оролцов. Зургадугаар сарын 3-ны өдөр босогчид талбайг бүсэлж хоноцгоожээ.
1989 оны зургадугаар сарын 4 буюу бослого хөдөлгөөний сүүлчийн өдөр Хятадын арми талбайд танк оруулжээ. Үүр цайхаас өмнө талбайд цугларсан босогчдыг бүгдийг нь танкаар дайрч хөнөөсөн юм.
    Хятад эр танкны өмнө ганцаараа зогсож байна. Энэ зургийг зургадугаар сарын 5-нд авчээ. Зарим эх сурвалжууд уг зургийг үймээнийг дарсаны дараа аймшигт явдлыг харсан гэрчүүдийг танкаар хөнөөж байсны нэг жишээ гэж тайлбарладаг.
Зургадугаар сарын 6-ны өдөр Ардын чөлөөт армийн танкууд Тянь-Ань Миний талбайг хамгаалж байна.