ДЭМБ эрхтэн шилжүүлэн суулгуулсан хүмүүсийн спортын наадмыг дэлхийн хэмжээнд хийдэг уламжлалтай. Манай улс энэ наадмыг 2009 онд нэг л удаа зохион байгуулжээ. Түүнээс хойш манай улсын тамирчид олон улсын ийм тэмцээнүүдэд оролцож, ширээний теннис, зээрэнцэг шидэлт, гар бөмбөг зэрэг спортын төрөлд өрсөлдөж байжээ. Тэгвэл Улсын нэгдүгээр төв эмнэлэгийнхэн ирэх есдүгээр сард улсын болон гадаадын эмнэлэгт эрхтэн шилжүүлэн суулгасан хүмүүсийн дунд тус наадмыг зохион байгуулах гэж байна. Тэд энгийн хүмүүстэй адил гүйж, харайж, тоглож нааддагийг харуулах нь энэ тэмцээний зорилго юм. Энэ жилийн наадамд 200 гаруй хүн олс татлага, хөнгөн атлетик, гар бөмбөгийн төрлөөр өрсөлдөнө. 
