Дүүргийн 1 дүгээр прокурорын газраас 2013, 2014 оны эхний 5 сарын байдлаар Баянзүрх, Чингэлтэй, Сүхбаатар дүүргийн нутаг дэвсгэрт үйлдэгдсэн хөдөлмөрийн болон аюулгүй ажиллагааны журам зөрчсөн буюу Эрүүгийн хуулийн 138, 183 дугаар зүйлд заасан гэмт хэргийн талаар судалгааг хийлээ.

Судалгаанаас үзэхэд дээрх 3 дүүргийн нутаг дэвсгэрт энэ төрлийн нийт 38 гэмт хэрэг үйлдэгдэн гарсан байх бөгөөд хэргийн улмаас 8 хүн амь насаа алдаж, 35 хүн гэмтэж, эрүүл мэндээрээ хохирчээ.

Судалгааны дүнг үндэслэн тус прокурорын газар цаашид дээрх 3 дүүргийн нутаг дэвсгэрт хөдөлмөр хамгаалал, эрүүл ахуйн болон аюулгүй ажиллагааны журам зөрчих гэмт хэргийн гаралтыг бууруулах, шалтгаан нөхцлийг арилгах, иргэдийн эрүүл мэнд, амь нас, эрх чөлөөг хамгаалах, хангах зорилгоор Нийслэлийн мэргэжлийн хяналтын газартай хамтран ажиллах төлөвлөгөөг гаргасан байна.

Төлөвлөгөөнд тусгагдсны дагуу Нийслэлийн мэргэжлийн хяналтын газартай хамтран 2014 онд барилгын ажил эрхлэх зөвшөөрөл шинээр авсан аж ахуй нэгж, байгууллагын нийт 56 ажил олгогч, гүйцэтгэгч, хөдөлмөр хамгааллын аюулгүй байдлыг хариуцсан инженер, ажилтнуудад зориулсан сургалт зохион байгуулж, “Хөдөлмөрийн болон аюулгүй ажиллагааны журам зөрчих гэмт хэргээс урьдчилан сэргийлэх нь” сэдвээр яриа таниулга хийжээ.