Германы “Die Welt” сонинд гарсан Монголын талаарх нийтлэлийг хүргэж байна.

    Монгол байгалийн түүхий материалаар баялаг төдийгүй, олон саятнуудтай хэдий ч хөгжил нь удааширч, Засгийн газар нь тоолж баршгүй асуудалтай тулгарч байна.

Улаанбаатар хотын хойд хэсэгт орших Дэнжийн 1000 хорооллын зах дээр мах зардаг. Энэ нь хонийг толгой, хөл, арьснаас салгаж гулуузалсан мах юм. Эрэгтэй, эмэгтэй худалдаачид махныхаа өмнө сандал тавин сууж, үйлчлүүлэгчдээ хүлээнэ. Хажуу талд нь гурил, 00-ийн цаас, цэвэрлэгээний бүтээгдэхүүн зэрэг төрөл бүрийн зүйлийг чингэлэг дотор зарна. Монголчууд Гэр хэмээх атиралдсан дээвэртэй, гэрэл цахилгаан, бохир зайлуулах системгүй сууцад амьдардаг. 15 жилийн өмнө хотын зах нь уул, толгодууд байсан бол одоо хүртэл хөгжөөгүй байна.


Барилга, бүтээн байгуулалтын тэсрэлт ба ядуу оршин суугчид

Энд ядуурал хаа сайгүй байгааг харж болно. Бохир заваан нь дэндсэн газар VW Touareg машин зогсов. Машин тавьсан газраас хэдхэн метрийн зайтай өсвөр насны хоёр хүүхэд хогоор тоглоно. Энд тохилог орон сууц, хаус цөөхөн газруудад байрлах бөгөөд нэг сая доллараас дээш үнэтэй байх жишээтэй. Улаанбаатарт хэдхэн жилийн өмнөхөөс юу ч өөрчлөгдсөнгүй. Ард иргэд нь сайхан амьдарна гэж итгэн нүүдэллэсээр Улаанбаатартаа бөөгнөрчээ. Германаас тав дахин том газар нутагтай Монгол улс 3 сая хүн амтай боловч нэг сая нь Улаанбаатарт амьдардаг.

2011 онд 17,5 хувиар өсч байсан Монголын эдийн засаг гадаадын хөрөнгө оруулагчид буцсанаас болоод саарчээ. Монголчууд асар их зэс, нүүрс, алтан дээр суусан боловч баялгийн хараал хүртсэн байна. Засгийн газар нь энэ бүхэнд дэд бүтэц, дотоодын үйлдвэрлэлд хөрөнгө оруулалт хийж байна гэж хариулдаг.

Бялуу улам томорч байна

Оюутолгойн 3 тэрбум еврогийн өртөгтэй хоёр дахь шатны бүтээн байгуулалт өрнөвөл Монгол дахь шинэ мөнгөний урсгал бий болж, гадаадын хөрөнгө оруулагчид эргэж ирэх болно. Дотоодын бизнес эрхлэгчид үүнд өөдрөг төсөөлөлтэй байна. Бялууг аль хэдийнэ амтлаад эхэлсэн энэ улс гадаадын хандивлагчдад талархалтай ханддаг. “Оюутолгой гадаадын хөрөнгө оруулалтад түлхэц өгдөг” хэмээн Бизнес зөвлөлийн захирал Жим Дуайер хэлэв.