Увс аймгийн Тэс суманд өнгөрсөн сарын 23-нд Цагдаагийн тасгийн дарга нь хоёр цагдаатайгаа 57 настай иргэн Ч-г, дүүтэй нь, бас гудамжаар явж байгаад тусалсан иргэн Ч-г хамтад нь зодож, гэмтээсэн хэрэг гарсан талаар хэвлэл мэдээллийн хэрэгслээр мэдээлсэн. Улмаар хохирогч иргэд гомдол гаргаж хуулийнханд ч хансдан байдаг.  Тэгвэл Увсын цагдаагийн газар уг хэрэгт эрүүгийн хэрэг үүсгэн иргэдийг ч, цагдаа нарыг ч шалгаж эхэлсэн талаар бид мэдээлсэн. Харин энэ талаар УПЕГ-ын Ерөнхий прокурор Д.Дорлигжав ийн ярилаа. “Увсын Тэс суманд цагдаа иргэнийг яргалаад хаячихсан бололтой аймшигтай мэдээлэл нэг хэсэг явсан. Яг тэр үед би Увсад өөрөө ажиллаж явсан. Тэс сумаар ч очиж тэр цагдаагийн нөхдүүд болоод зодуулсан залуустай уулзсан. Гэтэл хэвлэл мэдээллийн байгууллагаар бичсэнээс тэс өөр зүйл болсон байсан. Цагдаагийн хошууч 33 настай залуу “би болохгүй бол ажлаа өгөөд явна. Хулгайч, архичингууттай зууралдах хүмүүс нь зууралддаг юм байгаа биз. Би одоо үүрэгт ажлаа биелүүлснийхээ төлөө хэвлэлээр шуугиулаад над дээр эрүүгийн хэрэг үүсгүүлээд явж байна” гэж байсан. Ингээд 30 гарч байгаа залуухан цагдаа гомдоод явж байх шиг. Тийм учраас хүнийг буруутгаж, хүнийг ялласан мэдээлэл тараахдаа маш хянуур болгоомжтой байгаач ээ гэж хүсч байна” гэв.