БНХАУ-ын дарга Ши Жинпин энэ сарын 21-22-ны өдрүүдэд манай улсад албан ёсны айлчлал хийх гэж байна. Түүний айчлалтай холбогдуулан сүүлийн өдрүүдэд манай сонин, хэвлэлд БНХАУ-ын дарга болон Хятад улсын тухай мэдээллүүд голчлон гарах боллоо.

Гэхдээ БНХАУ-ын даргын нэрийг Си Зиньпин, Ши Жинпин гэж хоёр янзаар бичиж байгаа юм. Манай улсын албаны байгууллагууд болон өдөр тутмын сонин, хэвлэлүүд Си Зиньпин хэмээн бичиж байгаа. Тэгвэл энэ талаар манай хэл шинжлэлийн мэргэжилтнүүд Ши Жинпин гэж бичих нь зөв гэдэг тайлбарыг хэлж байна. Учир нь Си гэдэг нь Орос хэлний дуудлага гэж үзэж байгаа аж. Мөн Хятадын элчин сайдын яамны албан ёсны мэдээлэлд  Ши Жинпин гэж бичсэн байна. Гэхдээ Хятадын мэдээллийн монгол хэл дээр гардаг сүлжээ сайт дээр Ши Жиньпин хэмээн "ь"-тэй бичжээ.