Аливаа улсын хөлбөмбөгийн лигийн тэмцээнүүдэд хамгийн хүчтэй хоёр багийн хооронд ширүүн тэмцэл болдог.  Үүнийн хамгийн тод жишээ бол Барселона болон Реал Мадрид клубуудын хооронд болдог Эль Классико юм. Тэгвэл өнөө шөнө 00:00 цагаас Ла лигийн хүрээний 228 дэх удаагийн Эль классико болно. Та бүхэнд хоёр багийн гал гарсан тулааны талаарх сонирхолтой 24 баримтыг хүргэж байна.

1.    Эдгээр багууд нь Испанийн хоорондоо таарамжгүй харилцаатай байдаг Кастиль болон Каталон мужуудын нийслэл хотуудын баг бөгөөд дээрх хоёр үндэстэн спортоор төдийгүй соёл, урлаг, улс төрийн үзэл бодлогоороо хүртэл сөргөлддөг ажээ.

2.    Энэ хоёр багийн тулааны эхлэл 1902 онд тавигджээ. "Реал” тэгэхэд үүсэн байгуулагдаад дөнгөж гурван жилийн нүүр үзэж буй "Барселона” -д 3:0-ээр хожигдсон юм. Энэ тулаанаас л ирээдүйн мөнхийн өрсөлдөөн эхэлсэн.

3.    2008 - 2009 оны улиралд Барсатай хоёр удаа тааран тоглохдоо 2-0 ба 6-2 харьцаатайгаар аль алинд нь Реал хожигдсон билээ. Энэхүү тоглолт нь Реалыг гутамшиг болгож, клубын удирдлага, дасгалжуулагчдыг солигдоход хүргэсэн юм.

4.    Хоёр багийн лиг дэх анхны тулаан 1929 оны 2 сарын 17 -нд тохиосон ба Морерагийн хоёр гоолоор Реал ялсан юм. Харин Барса лигтээ түрүүлж ,анхны аваргаар тодорсон эжээ.

6.    2001 – 2002 оны Аваргуудын лигийн хагас шигшээн тоглолт олон хүний анхаарлыг татаж байв. Алдарт Классико энд тохиосон ба үр дүн нь эзэн хааны багт шийдэгджээ. Барса Ноу Кампдаа 2 : 0 -р ялагдаж фенүүдээ гонсойлгосон юм.

7.    Мөн Барса - аас Реалд , Реалаас Барсад шилжсэн ”урвагчид” эдгээр жилүүдэд цөөнгүй гарсан бөгөөд энэ урвагч хэмээх үг Мадрид , Барселона хотуудад өөр өөр утгатай байдаг. Реалаас Барса -д урвасан бол хөлбөмбөгөөс гадуур амар тайван байж болох бол Барсагаас урвасан бол хэзээ ч сайнаа үзэхгүй. Бүр амиа алдаж ч болох аюултай гэгддэг.

8.    Түүхэн дэх хамгийн анхны урвагчыг Альфонсо Албуниз гэдэг бөгөөд 1902 онд Барсагаас урвасан юм. Харин хамгийн их шуугиан тарьсан ”урвагч” бол Луиш Фигу юм. Португал эр 2000 оны зун асар их мөнгөөр Мадридад газардахаасаа хэдхэн цагийн өмнө “Би яасан гэж Реалд очих билээ” гэж байсан гэдэг. Тиймээс түүнийг одоо дэлхий дээрх Барсагийн фенүүд нэг нүдээрээ ч үздэггүй.

9.    Харин хамгийн сүүлд Хавьер Савиола урвагчдыг тоог нэгээр нэмсэн билээ.

10.    Энэ удаагийн Эль Классикод Гарет Бэйл гэмтлийн улмаас оролцохгүй.

11.    Тэгвэл эсрэгээрээ энэ жил шинээр ирсэн Луйс Суарез Барселона клубын төлөө анхны тоглолтоо хийнэ.

12.    Европын хамгийн олон гоол оруулсан хөлбөмбөгчинд өгдөг шагнал болох “Алтан шаахайг” Криштиану Роналду тоглолтын өмнө гардаж авна.

13.    Энэ удаагийн Эль Классико Реал Мадрид клубын талбай Сантиого Бернабау цэнгэлдэх хүрээлэнд болно.

14.    Мэргэжилтнүүд Эль Классиког шөнийн 00:00 цагаас эхлэх болсон нь Испанийн хөлбөмбөгийн холбооноос зохион байгуулсан мөнгө олох бодлого гэж тайлбарлаж байгаа.

15.    Алдарт “Урвагч” Луиш Фигу руу Барселона клубын хөгжөөн дэмжигч гахайн толгой, дотуур хувцасаа хүртэл шидэж байжээ.

16.    Тус тоглолтын уур амьсгал маш гайхалтай болдог бөгөөд фанатуудын хооронд зодоон болох нь энгийн үзэгдэл.

17.    Европын аль ч дэрбигээс илүү цуутай, шуугиантай өрсөлдөөнтэй хөлбөмбөгийн тулаан бол энэ хоёр багийн хооронд өрнөдөг.

18.    Барселона клубын супер од Леонал Месси одоогийн байдлаар Эль Классикод хамгийн олон буюу 21 гоол хийгээд байна.

19.    Өнөөдөр талбайд гарах хөлбөмбөгчдөөс тус тулаанд хамгийн олон оролцсон нь Xavi Hernández. Тэр нийт 40 удаа Эль Классикогийн “утааг” үнэрлэсэн.

20.    Өнөөдрийн тулаан бол энэ улирлын анхны Эль Классико.

21.    Магадгүй өнөө шөнийн тоглолт Криштиану Роналду, Леонал Месси хоёрын хэн нь энэ жил дэлхийн шилдэг хөлбөмбөгчин болох вэ гэдгийг шийдэж ч магадгүй.