УИХ-ын чуулганы нэгдсэн хуралдаан 10:00 цагт эхэлнэ. Өнөөдрийн чуулганаар Эрүүгийн хуульд өөрчлөлт оруулах тухай хуулийн төсөл анхны хэлэлцүүлгийг явуулна. Мөн Монгол Улсын нэгдсэн төсвийн 2027 оны төсвийн хүрээний мэдэгдэл, 2028-2029 оны төсвийн төсөөллийн тухай хуулийн төсөлтэй хамт өргөн мэдүүлсэн хуулийн төсөл, Олон хүүхэд төрүүлж өсгөсөн эхийг урамшуулах тухай хуульд өөрчлөлт оруулах тухай хуулийн төслүүдийг хэлэлцэх эсэх зэрэг асуудлыг хэлэлцэх товтой байна.
Тухайлбал,
- УИХ-ын гишүүн С.Цэнгүүний өргөн мэдүүлсэн БНМАУ-ын Засгийн газарт эрх олгох тухай хууль хүчингүй болсонд тооцох тухай хуулийн төсөл
- Ж.Чинбүрэн нарын дөрвөн гишүүнийн өргөн мэдүүлсэн Цусны донорын тухай хуулийн төсөл
- Байгаль орчинд нөлөөлөх байдлын үнэлгээний тухай хуульд нэмэлт, өөрчлөлт оруулах тухай хуулийн төсөл
- Дэд хорооны бүрэлдэхүүнд өөрчлөлт оруулах тухай асуудал
- Улсын дээд шүүхийн шүүгчид нэр дэвшигчтэй танилцах тухай
- Б.Пунсалмаа нарын 13 гишүүн өргөн мэдүүлсэн Улсын төсвийн хөрөнгө оруулалтаар төсөл, арга хэмжээг санхүүжүүлэх талаар авч хэрэгжүүлэх зарим арга хэмжээний тухай” Улсын Их Хурлын тогтоолын төсөл
- Б.Пүрэвдорж нарын 42 гишүүний өргөн мэдүүлсэн Төрөөс төмөр замын талаар баримтлах бодлого”-ын хэрэгжилтийг хангах зарим арга хэмжээний тухай” УИХ-ын тогтоолын төсөл
- Бусад
