“Дуучин төрлөө”: “Зууны манлай эстрадын дуучин” хэмээх дуурсах алдрыг түүнд ард түмэн өгсөн. Харин дуудах нэр нь Батмөнхийн Сарантуяа. Тэрээр 1970 оны 4 дүгээр сарын 20-нд Улаанбаатар хотноо мэндэлсэн. Эцэг, эхээс гурвуулаа бөгөөд эгчийг нь Б.Сарангуа, эрэгтэй дүүг нь Б.Төмөр гэдэг. Хавар цэцэг ногоо дэлгэрэх үетэй зэрэгцэн хожмын алдарт дуучны амьдрал ингэж эхэлсэн байна.

“Любовь Антоновна”: Түүний хувьд хүүхэд насных нь хамгийн нандин үе нь дунд сургуульд сурч байх үе гэдэг. Тэрээр нэг зүйлийг илүү ихээр санадаг. Тэр нь анх 23 дугаар сургуулийн 1 дүгээр ангид Любовь Антоновна хэмээх шаргал үстэй багшийн сурагч болсон мөч. Мөн дуучин болох, дуунд дуртай болоход нь хамгийн их нөлөөлсөн хүн нь тэр билээ.

“Монташка”: Зөвлөлтийн “школ” салхилсан үед “Зөвлөлтийн 9 дүгээр сургууль” төгссөн болоод ч тэр үү орос хэлээр тун дажгүй ярьчихдаг. Мөн англи, герман хэлээр ч хүнтэй ойлголцчихдог. Нэг нууц хэлэхэд Сарааг монхор хамартай болохоор “Монташка” хэмээн хочилдог байсан юм шүү. Эгч Б.Сарангуа, дүү Б.Төмөрийн хамт. 1991 он.

“Мөнгөн харандаа”: Сараа багаасаа л “од” байсан. Хөвгүүдийн захиа бөөн бөөнөөрөө орж ирнэ. Дунд сургуульд байхдаа л дуулах дуртай байв. Ингээд хамгийн анх “Мөнгөн харандаа” хэмээх хамтлагийн дуучин болж уран бүтээлийнхээ гарааг эхэлжээ. Тухайн үедээ “Модерн токин”, “Битлз” хамтлагийн дуунуудыг дуулж албан байгууллага, дунд сургуулиудын арга хэмжээнд уригдана. Энэ зургийг Берлинд даруулсан.

“Тэшүүрчин”: Энэ нэлээд олон жилийн өмнөх зураг. Түүний талаар нэг сонирхолтой зүйл дуулгахад багадаа тэшүүрийн спортоор хичээллэдэг байсан ба 1996 оноос одоог хүртэл бялдаржуулах урлагаар хичээллэж байгаа. Эмэгтэй хүн гоо сайхан байх хэрэгтэй гэж үздэг.

“Мартъя”: Энэ бол түүний “Мартъя” хэмээх дууны зураг. Нэг хэсэгтээ л байлдан дагуулсан. “... мартъя хайрт минь чинийхээ төлөө би өөрийгөө мартъя...” гээд л. Та бүхэн санаж байгаа бол энэ дуун дээр Сараа гүйлтийн спортоор хичээллэдэгийнхээ шидийг гаргасан даа.


“Ээж”: Түүний аав Монгол, харин эжж нь Якут гэдгийг олон хүн мэдэх биз. Хөдөө эмээгийндээ очихдоо нэг баярлана, Якутын буухал ээж дээрээ очихдоо дахин нэг баярладаг.

“Гэр бүл”: “Шинэ төгөл” хэмээх хотхонд хүүхдүүдийн хамт амьдардаг. Хүүхдүүдийнхээ эцгүүдтэй сайхан харилцаатай байдаг. Өнгөрснөө сөхөөд байдаггүй шударга эмэгтэй. Тэрээр “Голомт” банкны Л.Болдхуягтай ханилж байсан бөгөөд нэгэн ярилцлагадаа “би Болдхуягийг ирэхэд нь сайхан хуушуур хайрч өгөөд л явуулдаг. Гэхдээ иймээ тиймээ харилцаа байхгүй” гэж хэлж байсан удаатай. Хүүхдүүдийн хамт.


“Бялуу”: Дуучин Сараа төрсөн өдрөө нэлээд өргөн тэмдэглэдэг. Түүний төрсөн өдрийн бялууны дизайн “олон давхар”.



“Шагнал”: 1988 онд нийслэлийн хамтлагуудын шилдэг дуучны шагнал хvртэж байсан "Зууны манлай эстрадын дуучин” маань "Ая дууны жигvvр” наадмын улирлын болон жилийн тэргvvн байрын шагналыг гурван удаа гардсан тeдийгvй "Пентатоник” наадмын шилдэг дуучнаар мeн гурвантаа шалгарч байв. "Алтан микрофон” наадмын "Шилдэг менежмент”, "Аялан тоглолт”, "Медиа стар” шагналын эзэн тэрбээр БНХАУ-ын Шанхай хотод 1991 онд болсон Азийн дуу дуулаачдын наадмаас мeнгeн медаль, Казахстанд 1993 онд зохиогдсон "Азийн дуу хоолой” наадмаас “Гран-при” шагнал, 1994 онд "Супер стиль” наадмаас цомын шагнал авч байжээ.

“Поп дива”: Монголчуудын хайр хүндэтгэлийг хүлээсэн “Поп дива” нар. Наран, Сэрчмаа, Ариунаа, Алтанцэцэг. Олон хүмүүс түүнийг дуучин Т.Ариунаатай жишиж, харьцуулж, өрсөлдүүлэн ярьдаг. Гэхдээ уран бүтээийн тал дээр үй зайгүй андууд гэнэ шүү.

“Гавъяат”: 2005 онд хөдөлмөр, авъяасыг нь үнэлэн түүнд гавъяат жүжигчин цол хүртээв. “Зүүдний говь”, “Инээмтгий хүн”, “Аргагүй амраг”, “Миний дуу”,  “Эгэл сэтгэл”, “Хайрын зөрлөг”, “Тэгвэл хоёулаа”, “Saraa De Mооn”, “Би жаргалтай”,  “Шинэ жилийн аялгуу”, “Өнөөдөр ирсэн дурлал”, “Төрсөн өдрийн аялгуу” зэрэг цомгууд гаргаж байсан.


“Бясалгал”: Өөрийгөө бясалган дотоод сэтгэлээ мэдрэхийг хичээдэг.

“Б.Сарантуяа”: “Бусад шиг алтан дундаж бариад магтуулах ч үгүй муулуулах ч үгүй яваад байх надад зохидоггүй. Тий учраас үргэлж шинийг хийж өнөөгийн залуустай хөл нийлүүлэн алхахыг хүсдэг”.