Хятадын Цаг уурын төв товчооны мэдээлснээр Өвөр Монголд онцгой хүйтэрч байна. Хойд зүгээс орж ирсэн хүйтэн агаар тус Хятадын умард нутгаар цагаан сарын баярыг тун тухгүй болгожээ. -40 хэм илүү гарсан жавар тус бүс нутагт долоо хоног гаран тогтоод байна. 1 дүгээр сарын 30-нд Манжуур хотод агаарын температур -44,9 хэм хүрчээ. Энэ өдөр Хөлөнбуйрт  хүйтний хажуугаар өтгөн манан бууж 50 метрээс цааш юмс үзэгдэхгүй байв. Тус мужийн Гиньхэ, Тулихэ хотуудад -46,9 хэм хүрчээ. Харин Монгол улсын Завхан аймгийн Тосонцэнгэл суманд өнгөрсөн 7 хоногт -48 хэм хүрч хүйтэрсэн юм.

    Хятадын цаг уурчдын тооцоолсноор ойрын 3 хоногт Орос, Монголын зүгээс нэвтэрсэн хүйтэн агаарын фронт төв болон дорнод Хятадад салхи шуурга дэгдээж, агаарын температурыг 4-10 хэмээр буулгана.