Орчин үеийн залууст зориулсан “Хариуцлагатай залуу манлайлагч” сургалт энэ сарын 25-27-ны өдөр Улаанбаатар хотод зохиогдох гэж байна.

Увс, Хөвсгөл, Говь-Алтай, Дорнод, Сүхбаатар, Ховд, Баян-Өлгийзэрэг 7 аймаг, нийслэлийн 9 дүүргийн залуусын төлөөлөл хамрагдах сургалтад Орхон аймгийн “Залуу манлайлал” клубын үүсгэн байгуулагч Д.Ганболд урилгаар хичээл заах юм. Сургалтын зорилго нь нийгэмд оролцох залуучуудын дуу хоолойг нэмэгдүүлэх, тэднийг нийгмийн идэвхтэй иргэн болоход нь нөлөөлөх, нийгмийн хөгжил, өөрчлөлтөд үзэл бодлоо илэрхийлэн, оролцоогоо нэмэгдүүлэхэд чиглэсэн байна. Хөтөлбөрийг НҮБ-ын дэргэдэх ЮНЕСКО-оос хэрэгжүүлж байна.

ЮНЕСКО-ын Бээжин дэх салбар, Боловсролын хамтын ажиллагааны нийгэмлэг, Нийгмийн хөгжлийн хэлтэс хамтран 2014 оноос Бодлогын нөлөөлөлд залуусын оролцоо, манлайллыг нэмэгдүүлэх, чадавхижуулах зорилготой төсөл хөтөлбөрийг Азийн орнуудад хэрэгжүүлж эхэлсэн байна. Уг төсөл хөтөлбөрийн хүрээнд ЮНЕСКО-оос Монгол улсын залуусыг чадавхжуулах, тэдний нийгэмдэх үүрэг оролцоог нэмэгдүүлэх зорилготой сургагч багш бэлтгэх сургалтыг өнгөрсөн онд явуулж, 7 аймгийн залуусын төлөөллийг хамруулжээ. Манай аймгаас уг сургалтад Баян-Өндөр сумын ИТХ-ын төлөөлөгч Д.Ганболд хамрагдаж, орон нутгийн залууст хамтдаа хөгжих, чадавжих, асуудлаа шийдвэрлэх, үзэл бодол илэрхийлэх, цаашлаад олон улсад дуу хоолойгоо хүргэх боломж нээгдсэн юм. Ингэснээр манай аймгийн залуусын төлөөлөл Баян-Өндөр сумын ИТХ-ын төлөөлөгч Д.Ганболд НҮБ-ын данстай дэлхийн иргэн болжээ.

Хөтөлбөрийн хоёрдугаар шат буюу тус хөтөлбөрийг орон нутагт хэрэгжүүлэх ажлыг 2015 оны 10 дугаар сараас эхлүүлж, аймаг бүрээс сургалтад хамрагдсан сургагч багш нар орон нутагтаа ажиллаж амьдарч байгаа залуусыг оролцуулан тэдэнд болон орон нутагт тулгамдаж буй асуудлыг шийдвэрлэх, бусад залууст дуу хоолойгоо хүргэх зорилготой “Хариуцлагатай залуу манлайлагч” сургалтыг зохион байгуулсан. Уг ажлынхаа үр дүнгээр манай аймаг тэргүүлж, сургагч багш Д.Ганболд мэргэжлийн багш нартай хамтран энэ удаагийн сургалтад багшлах урилга гарджээ.

Дээрх сургалтаар Хүний эрхийн түгээмэл тунхаглал, “Залуучууд хүний эрхийн сахих хариуцлага”, “Эмэгтэйчүүдийг алагчлах бүх хэлбэрийг устгах”, “Манлайлал ба удирдлагын ялгаа, Өөрийн эрхийг мэдэх ба түүнийг шаардах тухай”, “Сайн засаглал ба иргэний оролцоо”, “Хүчирхийллийн бус аргаар зөрчилдөөнийг шийдвэрлэх нь”, “Идэвх ба хэвлэл мэдээллийн хэрэгсэл”, “Саад тотгор ба сорилтыг даван туулах нь”зэрэг нийгэмд тулгамдсан олон сэдвээр яриа таниулга, хэлэлцүүлэг өрнүүлэх ажээ. Түүнчлэн залуучуудын нийгэмд эзлэх байр суурийг нэмэгдүүлэх, бодлого боловсруулах явцад залуусын оролцоог дээшлүүлэхэд чиглэсэн тэдний хөгжил, оролцоо, боловсролыг дэмжиж, ардчилсан нийгмийн идэвхтэй иргэн болон төлөвшихөд нь дэмжлэг болох юм. Сургалт залуучуудын оролцоонд тулгуурлан явагдаж тэд олж авсан мэдлэг мэдээлэл дээрээ тулгуурлан орон нутагтаа тулгамдсан асуудлуудыг шийдвэрлэхэд оролцох боломж бүрдэнэ. Мөн бусад олон залуусын дуу хоолой болж үзэл бодлоо илэрхийлэх, өөрт хамаатай тодорхой асуудлуудаар бодлогод нөлөөлөхөд суралцах юм.

Хүн зөв сайхан зүйлс бодож буруу муухайг өөрөөсөө холдуулах дасгал хийж байвал хүний бие ч цэвэршиж эрүүл саруул урт удаан наслах нөхцөл бүрддэг.


Дасгал 1: Өглөө сэрэнгүүтээ орноосоо босож явалгүй нуруу эгц суугаад 7 удаа гүн амьсгаа авч гаргана. Амьсгаа авахдаа сайн сайхан зүйлийг бодож хамрын баруун нүхээр орж буйгаар, муу муухай бодол сэтгэл, өвчин зовлон хамрын зүүн нүхээр гадагшилж байна хэмээн төсөөлж гаргана.


Дасгал 2: Гар нүүрээ угааж хувцас хунараа өмссөний дараа нам гүм орчинд шалан дээр нуруу цэх завилж бясалгалын хэлбэрээр гарын алгаа дээш харуулан зөрүүлж гуяан дээрээ байрлуулан 2 эрхий хуруугаа нийлүүлэн сууна. Толгой бага зэрэг тонгойн нүдээ тааваар нь анина. Ингээд дээрхи дасгалтай адилаар сайн сайхан зүйлийг бодож амьсгал авч саар зүйлийг гадагшлуулан төсөөлнө. Энэ дасгалын үед 3 удаа хамрын баруун нүхээр амьсгал авч зүүнээрээ гаргах, 3 удаа зүүн хамрын нүхээр авч баруунаараа гаргах, 3 удаа хоёр нүхээр зэрэг авч гаргах байдлаар 9 удаа, түүнийгээ дахин давтах байдлаар нийт 2-3 минут хийх юм.

“Эдгээр дасгалуудыг ёсоор нь хийгээд заншвал бие эрүүл, ухаан саруул байснаар бие өвдөх нь багасч эм ихээр хэрэглэдэг байсан бол эмийн хэрэглээ багасна. Архи тамхи, янз бүрийн мансууруулах зүйлс сэтгэлийг хормын төдий л хөөргөдөг, дараа нь илрэх хор уршиг нь их байдаг бол ингэж дасгал хийснээр байнгын баяр баясгалантай эрүүл саруул байх нөхцөл бүрдэнэ”

Аргын тооллын 8 сарын 29, Сумъяа гараг. Билгийн тооллын 27, Найралт эх одтой, харагчин хонь өдөр.

Өдрийн наран 6 цаг 09 минутад мандан, 19 цаг 41 минутад жаргана.

Тухайн өдөр гахай, туулай жилтнээ аливаа үйлийг хийхэд эерэг сайн. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, хишиг даллага дуудуулах, насан бүтээл хийлгэх, мал худалдан авах, мал түгээх, сахил санваар авах, хануур, төөнүүр хийлгэх, хийморийн дарцаг хатгахад сайн. Эрдэнийг гадагш өгөх, уул овоо тахихад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулбал өлзийтэй сайн.

БАРУУН АЙМГУУДЫН НУТГААР: Үүлэрхэг. Нутгийн өмнөд хэсгээр бага зэргийн бороо орно. Дуу цахилгаантай. Салхи зүүн өмнөөс секундэд 6-11 метр. Алтай, Хангайн уулархаг нутгаар шөнөдөө 1-6 градус, өдөртөө 16-21 градус, Алтайн өвөр говиор шөнөдөө 14-19 градус, өдөртөө 25-30 градус, бусад нутгаар шөнөдөө 6-11 градус, өдөртөө 21-26 градус дулаан байна.

ТӨВИЙН АЙМГУУДЫН НУТГААР: Үүлшинэ. Зарим газраар бороо орно. Дуу цахилгаантай. Салхи баруун өмнөөс баруун хойш эргэж секундэд 7-12 метр. Хангай, Хөвсгөл, Хэнтэйн уулархаг нутгаар шөнөдөө 1-6 градус, өдөртөө 14-19 градус, бусад нутгаар шөнөдөө 8-13 градус, өдөртөө 18-23 градус дулаан байна.

ЗҮҮН АЙМГУУДЫН НУТГААР: Үүлшинэ. Шөнөдөө бороо орохгүй. Өдөртөө нутгийн баруун хэсгээр бороо орно. Дуу цахилгаантай. Салхи зүүн өмнөөс секундэд 6-11 метр. Шөнөдөө 6-12 градус, өдөртөө 21-26 градус дулаан байна.
ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Шөнөдөө бороо орохгүй, өдөртөө түр зуурын бороо орно. Салхи зүүн өмнөөс секундэд 5-10 метр. Шөнөдөө 8-10 градус, өдөртөө 24-26 градус дулаан байна.

ГОВИЙН АЙМГУУДЫН НУТГААР: Үүлшинэ. Нутгийн баруун хэсгээр түр зуурын бороо орно. Дуу цахилгаантай. Салхи зүүн өмнөөс секундэд 7-12 метр. Дундговийн нутгаар шөнөдөө 9-14 градус, өдөртөө 19-24 градус, бусад нутгаар шөнөдөө 14-19 градус, өдөртөө 23-28 градус дулаан байна.

УЛААНБААТАР ХОТ: Үүлшинэ. Түр зуурын бороо орно. Дуу цахилгаантай. Салхи зүүн өмнөөс секундэд 5-10 метр. Шөнөдөө 11-13 градус, өдөртөө 18-20 градус дулаан байна.

Сүхбаатар аймгийн захиргаа 2014 оноос эхлэн Ганга нуурын чуулган хэмээх арга хэмжээг зохион байгуулж ирсэн бөгөөд энэ жилийн Ганга нуурын чуулган наймдугаар сарын 27, 28-ны өдрүүдэд болох гэж байна.

Энэхүү түүх соёл, байгаль экологи, аялал жуулчлалын төсөл нь байгаль экологи, түүх соёл нүүдэлчний зан үйлийн өвөрмөц онцлог бүхий Дарьганга нутгийн ай савыг хамгаалах, бүс нутгийн хөгжлийг дэмжих, аялал жуулчлалыг хөгжүүлэх, Дарьганга ёс заншлыг сэргээхэд чухал алхам болох аж. Мөн Монгол нутгийн нэгэн гайхамшигт баян бүрд болох Ганга нуурыг хамгаалахад бүх нийтийн анхаарлыг хандуулахад уг хөтөлбөрийн нэгэн чухал зорилт ажээ.

”Ганга нуурын чуулган 2016” үйл ажиллагааны хөтөлбөрийг хүргэж байна.

08.27 Бямба гарагт:

09:00-11:00 Дарьганга нүүдэлчний өв

Дарьганга гэр бүхий нүүдэлчдийн эд өлгийн соёлын үзэсгэлэн

(Дарьганга, Онгон, Асгат, Халзан, Наран,Баяндэлгэр)

11:00-13:00

Нээлтийн ажиллагаа: Дарьганга, Онгон, Асгат, Халзан, Наран, Баяндэлгэр сумдын ардын авьяастнуудын тоглолт

• Морин хуурын татлага

• Цагаан идээний үзэсгэлэн худалдаа

• Угсаатны зүйн музейн Дарьганга мөнгөн урлалын ховор үзмэрүүд тус тус дэлгэж үзүүлнэ.

13:00-15:00 Завсарлага

15:00-18:00 Дарьганга адууны соёл

• Дарьганга мөнгөн эмээл хазаар бүхий хос морьтны үзүүлбэр

• Дарьганга мөнгөн эмээл хазаар бүхий жороо морины үзүүлбэр

• Дарьганга марзай дуудах уралдаан

• Адууны дэл засах уралдаан

18:00-19:00 Урлаг соёлын хөтөлбөр

• “Жаахан Шарга” ХЖТ-ын тоглолт

• Үдшийн цэнгүүн

2016.08.28 Ням гараг

08:00 – 16:00 Дарьганга нүүдлийн соёл

/Өргөний голд/

Дарьганга нүүдэллэх зан үйл, ёс уламжлалын өдөрлөг

• Шинэ нутаг сонгох

• Нүүдэллэх ёс

• Гэр барих

• Дарьганга шавар зуух барих

• Шинэ нутгийн цай чанах, идээ тахил өргөх

• Шимийн архи нэрэх ёс

• Уламжлалт зан үйлийг сэргээх хөтөлбөр

• Дарьгангын уламжлалт аман билиг, зан үйлийг харуулсан зохиомжит жүжигчилсэн тоглолт

• “Жаахан шарга” дууны найр

16:00 – 20:00 Хаалтын ажиллагаа

/Ганга нуурын хөвөөнд/

• Ганга нуурын хамгаалалтын талаар

• Шагнал гардуулах ёслол

Чөлөөт бөхийн залуучуудын ДАШТ Францын Маконь хотод энэ сарын 30-наас ирэх сарын 4-нийг хүртэл гурван төрлөөр үргэлжилнэ.

Тэмцээн эрэгтэй 50, 55, 60, 66, 74, 84, 96, 120, эмэгтэй 44, 48, 51, 55, 59, 63, 67, 72 кг жинд болно.

Залуучуудын ДАШТ-ээс манай эрэгтэй бөхчүүд алт 4, мөнгө 6, хүрэл 14, эмэгтэй бөхчүүд алт 3, мөнгө 2, хүрэл 10 нийт 39 медаль хүртээд байна. Эрэгтэй бөхчүүдээс Гавьяат тамирчин Э.Бэхбаяр 2012 онд, эмэгтэй бөхчүүдээс олон улсын хэмжээний мастер А.Батцэцэг 2014 онд хамгийн сүүлд алтан медаль хүртээд байна.

Энэ удаагийн залуучуудын ДАШТ-нд оролцох манай багийн бүрэлдэхүүнийг танилцуулъя.

Эрэгтэй чөлөөт бөх

50 кг, Нармандахын Насанбуян

55 кг, Занданбудын Занабазар

60 кг, Алтансувдын Мөнх-Эрдэнэ

66 кг, Ганхуягийн Ханбүргэдэй

74 кг, Занданбудын Сумьяабазар

84 кг, Бат-Эрдэнийн Бямбадорж

96 кг, Болдын Түвшинтулга

Эмэгтэй чөлөөт бөхийн баг

48 кг, Цогт-очирын Намуунцэцэг

51 кг, Болормаагийн Дөлгөөн

55 кг, Бат-Оршихын Болор-Эрдэнэ

63 кг, Хүрэлхүүгийн Болортуяа

72 кг, Мөнхбатын Хишигмаа

Багийн ахлагч

Болдбаатарын Азжаргал,

Магсарын Ганхүлэг, “Харгант-Цамхаг” группийн ерөнхийлөгч, “Харгант-Цамхаг” клубын захирал

Дасгалжуулагчид

Цэрэнбаатарын Хосбаяр, өсвөр, залуучуудын шигшээ багийн ахлах дасгалжуулагч, “Алдар” спорт хорооны дасгалжуулагч, Гавьяат дасгалжуулагч

Ёндонпүрэвийн Батдархан, Дархан-Уул аймгийн Биеийн тамир, спортын газрын болон “Дархан-Хасу-Мегастарс” клубын дасгалжуулагч

Цэрэндалайн Баярсайхан, ҮБТДС-ийн багш, докторант

Цогбадрахын Гантөгс, ҮБТДС-ийн багш, “Арслан” клубын дасгалжуулагч

Жамсрангийн Дандар, нийслэлийн Баянгол дүүргийн 73 дугаар сургуулийн биеийн тамирийн багш, “Харгант-Цамхаг” клубын дасгалжуулагч

Даваацэрэнгийн Мөнхбаяр, нийслэлийн Налайх дүүргийн Биеийн тамир, спортын газрын чөлөөт бөхийн дасгалжуулагч

Манай баг ирэх ням гарагт Улаанбаатараас хүлгийн жолоо залж, маргааш нь ОХУ-ын Эрхүү хотоос Францын Парис хотод очно.

“D” аминдэмийг таван цулаас нөхөх боломжтой

Зарим цэцэрлэгүүд хугацаанаасаа хоцорч нээлтээ хийнэ

Замын цагдаагийн газар нь Авто тээврийн үндэсний төвтэй хамтран авто тээврийн хэрэгслийг стандартын шаардлага хангаж буй эсэхийг шалгах хамтарсан хяналт шалгалтыг 2016 оны 08 дугаар сарын 29-нөөс 09 дүгээр сарын 30-ны өдрийг дуустал улсын хэмжээнд зохион байгуулан явуулахаар боллоо. Уг арга хэмжээний хүрээнд Авто тээврийн тухай хууль, Замын хөдөлгөөний аюулгүй байдлын тухай хууль, Замын хөдөлгөөний дүрэм, Авто тээврийн хэрэгсэлд тавих техникийн ерөнхий шаардлага MNS 4598:2011 стандартын хэрэгжилтийг хангуулах зорилгоор улсын хэмжээнд замын хөдөлгөөнд оролцож байгаа тээврийн хэрэгслүүдийг техникийн улсын үзлэгт хамрагдсан байдал, техникийн бүрэн бүтэн байдал, өнгө үзэмж, гэрэлтүүлэх хэрэгсэл, дагалдах хэрэгсэл, иж бүрдэл хангагдсан эсэхийг шалгаж зөрчлийг арилгуулж хариуцлага тооцож ажиллана.

Хэдийгээр өглөөний цагууд сайхан хөгжилдөх боломж олгох ч, өдрийн ихэнхэд нь олон нийтийн төлөвлөгөө тань ямар ч саадгүй явах болно. Үд дундад ихэнхи Загаснуудын санаанд эрүүл мэнд, үүрэг хариуцлага, бусдад туслах гэсэн бодол орж ирнэ. Өнөөдөр жинхэнэ төрөлхийн халамжлах зан тань илэрч, та нарын ихэнхи нь ядууст туслах болно. Харин театрт үзвэр үзэж өнгөрөөх нь сэтгэл санаа тогтвортой сайхан болох сайн талтай.

Газар тариалангийн салбарт ажиллагсад, салбар яамныхан болон гурил үйлдвэрлэгчид өчигдөр буюу наймдугаар сарын 27-нд тариан талбайд чууллаа. Тодруулбал, “Намрын ургац-2016” өдөрлөгт газар тариалангийн үйлдвэрлэл эрхэлдэг орон нутгийн 400 гаруй тариаланчид, ХХААХҮ-ийн сайд, газрын дарга нар болон агрономичид газар тариалан эрхлэгчтэй хамтран ажилладаг санхүүгийн байгууллагын төлөөлөгчид болоод тоног төхөөрөмж нийлүүлэгчид оролцсон аж.

Энэхүү арга хэмжээний үеэр тариаланчид Засгийн газрын мөрийн хөтөлбөрт тусгах саналаа хэлж, бодлого боловсруулагчид тариалангийн талбай дахь бодит байдалтай танилцжээ.

Монголын тариаланчдын холбооны ерөнхийлөгч Ч.Пэрэнлэй өдөрлөгийн үеэр “Энэ онд бид арвин ургац хурааж авахаар байна. Энэ нь байгаль цаг уурын таатай нөхцлөөс гадна, өнгөрсөн онд сайн чанарын уринш бэлтгэж, техникийн хүчин чадлаа нэмэгдүүлсэнтэй холбоотой билээ. Мөн төрөөс авч хэрэгжүүлсэн зарим арга хэмжээнүүд нүдээ олсныг онцлох ёстой. Бид 500 мянга гаруй улаан буудай хураан авах нөхцөл бүртэж эдийн засгийн хүндрэлтэй үед гэрэл гэгээ тусгаж чадлаа” гэлээ.

Мөн энэ үеэр импортоор оруулж байгаа буудай, гурилын квотыг 2017 онд олгохгүй байх саналыг тариаланчид гаргаж байлаа.

МҮОНРТ-ийн 2ф300 мм-ийн 65 метрийн хос дулааны шугамыг шинэчлэх ажилтай холбогдуулан Эх хүүхдийн эрүүл мэндийн үндэсний төвийн баруун урд уулварыг 2016 оны 08 сарын 26-ны өдрийн 00:00 цагаас 08 сарын 29-ний өдрийн 06:00 цаг хүртэл хугацаанд хэсэгчлэн хаах тул иргэд Та бүхэн өөр замыг сонгон зорчино уу гэж Улаанбаатар хотын Захирагчийн ажлын албанаас мэдээллээ.

сая, сая хүн үзэж байна. Тэр хэрээр “UFC”-ийн үйл ажиллагаа гэрлийн хурдаар тэлж дэлхийд нэр хүндээ өргөсөөр байгаа юм. Чухам ММА-ийн адил хурдан хөл дээрээ боссон спорт гэж үгүй.

Ингээд ММА буюу холимог тулааны урлаг болон “UFC” холбооны тухай сонирхолтой 24 баримтыг хүргэж байна.

Маргааш тэгш тоогоор төгссөн тээврийн хэрэгсэл замын хөдөлгөөнд оролцоно

Өдрийн сонин

Тариаланчид, хадланчдад зориулсан цаг агаарын мэдээ:

Өнөөдөр ихэнх нутгаар дулаан байна.

Үс шинээр үргээлгэх буюу засуулбал жаргал үргэлжид ирэх сайн

2016 оны 08 дугаар сарын 28-ны 09 цагаас 21 цаг хүртэлх цаг

агаарын урьдчилсан мэдээ:

Ихэнх нутгаар үүлшинэ. Хангай, Хөвсгөлийн уулсаар түр зуурын бороо орно. Дуу цахилгаантай. Бусад нутгаар бороо орохгүй. Салхи баруун өмнөөс секундэд 5-10 метр. Алтай, Хангай, Хөвсгөл, Хэнтэйн уулархаг нутгаар 16-21 градус, говийн бүс нутгаар 27-32 градус, бусад нутгаар 22-27 градус дулаан байна.

УЛААНБААТАР ХОТ: Үүлшинэ. Бороо орохгүй. Салхи баруун өмнөөс секундэд 5-10 метр. 24-26 градус дулаан байна.
Өглөө 06 цагт Улаанбаатарт: 9 градус дулаан, харьцангуй чийг 60 хувь, агаарын даралт 872 гектопаскаль байлаа. Даралт өдөртөө бага зэрэг буурна.

Төрсний дараа жингээ хасах 14 арга

Улаанбаатар хотын Замын цагдаагийн газрын Жижүүрийн шуурхай удирдлагын хэлтэст өчигдөр нийт 316 дуудлага, мэдээ мэдээлэл хүлээн авснаас зам тээврийн ослын 248 дуудлага бүртгэгджээ.

Үүнээс гэмт хэргийн шинжтэй гомдол мэдээлэл 10 бүртгэгдэж, 1 хүний амь нас хохирч, 11 хүн хүнд хөнгөн гэмтсэн байна. Согтууруулах ундааны зүйл хэрэглэсэн үедээ зам тээврийн осолд холбогдсон жолооч 1, явган зорчигч 1, зам тээврийн осолд сургуулийн насны 3 хүүхэд өртжээ. Мөн согтуугаар тээврийн хэрэгсэл жолоодсон 51 жолоочийг илрүүлж гарч болзошгүй осол хэргээс урьдчилан сэргийлж ажилласан гэдгийг албаныхан хэлж байна.
Тухайлбал, СБД-ийн нутаг Чагдаржавын гудамж, “Edelweiss” зочид буудлын урд замд H.Grace маркийн авто машины жолооч Л нь явган зорчигч 57 настай эмэгтэй Ц-г мөргөж амь насыг нь хохироосон хэрэг гарчээ.

Мөн СХД-ийн нутаг Энхтайваны өргөн чөлөө, Хархорин захын хойд замд Тэнүүн огоо ХХк-ны H.Aero city маркийн автобусны жолооч П нь зорчигч 42 настай эмэгтэй О-г унагаж гэмтээсэн байна.

Ховд аймгийн Буянт сумын нутаг Цагаан бургас багийн Хар цохио гэх газар шороон замд N.Carina маркийн авто машины жолооч Б нь явган зорчигч 42 настай эрэгтэй Б-г мөргөж амь насыг нь хохироожээ.

Монгол Улсын Их Хурлын дарга Миеэгомбын Энхболд өнөөдөр /2016.08.26/ Оросын Холбооны Улсаас Монгол Улсад суугаа Онц бөгөөд Бүрэн эрхт Элчин сайд И.К.Азизовыг хүлээн авч уулзав.

Уулзалтын эхэнд Элчин сайд И.К.Азизов, Улсын Их Хурлын даргыг цаг гарган хүлээн авч уулзсанд талархал илэрхийллээ. Улсын Их Хурлын сонгуульд үнэмлэхүй ялалт байгуулан, төрийн өндөр албан тушаалд сонгогдсонд нь УИХ-ын даргад баяр хүргэхийн зэрэгцээ Оросын Холбооны Улсын парламентын танхимуудын дарга нарын мэндчилгээг Монгол Улсын Гадаад харилцааны яамаар дамжуулан уламжилсан болохыг дуулгав. Ноён Элчин сайд ОХУ-ын Холбооны Хурлын Холбооны Зөвлөлийн даргын орлогч даргын мэндчилгээг биечлэн хүргэж ирсэн гэлээ.
Улсын Их Хурлын дарга М.Энхболд, эрхэм хүндэт Элчин сайд Искандер Кубаровичтай уулзаж буйдаа баяртай байна гээд Улсын Их Хурлын сонгуулийн үр дүнтэй холбогдуулан Оросын Холбооны Улсын Төрийн Дум, Холбооны Хурлын Холбооны Зөвлөлийн удирдлагуудын мэндчилгээг хүлээн авсан болохоо хэлэв. Оросын Холбооны Улсын Засгийн газрын тэргүүн Д.А.Медведев өнгөрсөн 07 дугаар сард манай улсад айлчлах үеэр хүлээн авч уулзаж, хоёр орны харилцаа, хамтын ажиллагааны талаарх тодорхой асуудлуудыг авч хэлэлцсэн болохыг Улсын Их Хурлын дарга тэмдэглээд, уг уулзалтыг зохион байгуулахад Элчин сайдын оруулсан хувь нэмэр чухал үүрэгтэй байсныг дурдан талархал илэрхийлсэн юм.
Уулзалтын үеэр талууд Монгол Улс, Оросын Холбооны Улсын харилцаа хамтын ажиллагаа, Байгаль нуурын яриа хэлэлцээр болон Монгол, Оросын хамтарсан “Улаанбаатар төмөр зам” хувь нийлүүлсэн нийгэмлэгийн үйл ажиллагаатай холбоотой зарим асуудлаар харилцан ярилцав. Уулзалтад Улсын Их Хурлын Тамгын газрын Гадаад харилцааны хэлтсийн дарга Ц.Нарантунгалаг, Гадаад харилцааны яамны Хөрш орнуудын газрын дарга Т.Жанабазар болон албаны бусад хүмүүс байлцлаа хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.