Хятадын генералын өсвөр насны хүү бүлэглэн хүчирхийлсэн хэрэгт холбогдсон тухай “Сяньхуа” агентлаг мэдээллээ. Түүнийг шүүх хурал өчигдөр эхэлсэн байна.

ОХУ-ын Ерөнхийлөгч Владимир Путин, Ерөнхий сайд Дмитрий Медведев нарт эмэгтэй хүний дотуур хувцас өмсүүлж элэглэн зурсан зургийг Петербург хотын галлерейд тавьсан нь олон нийтийн анхаарлыг татсан билээ. Тэгвэл энэ зургийг зурсан уран бүтээлч эх орноосоо оргон зайлсан тухай мэдээллээ.

Хүүхдийн зохиолч Д.Содномдоржийн 1957 онд зохиосон”Норвийн намтар” бэсрэг найраглалыг шинэчлэн найруулж УДЭТ ирэх сарын дөрөвний өдөр хүүхэд багачууддаа хүргэхээр боллоо. Энэ жүжиг нь Монголын анхны үндэсний хэмжээний хүүхдийн сургамжит драмын жүжиг гэдгээрээ илүү онцлог юм. Жүжгийн гол дүр Норовын дүрд залуу жүжигчин А.Чингүн, харин түүний найз Жимсээгийн дүрд жүжигчин Т.Хулан тогложээ.

Өчигдөр АНУ-д хүний эрхийн төлөө тэмцэгч, Нобелийн шагналт Мартин Лютер Кинг “Надад мөрөөдөл бий” алдарт илтгэлээ тавьсны 50 жилийн ойг тэмдэглэлээ. Орон нутгийн цагаар 15 цагт хонх дуугаргаж түүнд хүндэтгэл үзүүлж буйг илэрхийлсэн байна.

АНУ-ын Монтана муж улсын Биллингс хотын шүүх танхмийн гадаа олон зуун иргэн жагсахаа мэдэгдээд байна. Тэд 14 настай охиныг хүчирхийлсэн этгээдэд нэгхэн сарын ял оноосон шударга бус явдлыг эсэргүүцэж байгаа юм.