Өнгөрсөн дөрөвдүгээр сард БНХАУ-ын Шинжаан Уйгурын нутагт бослого гарсан билээ. Энэ хэрэгтэй холбогдуулан Хятадын эрх баригчид Уйгурын хоёр иргэнд цаазаар авах ял оноож, мөн гурван хүнийг олон жил шоронд хорихоор болсон тухай эх сурвалж мэдээллээ.

ОХУ-ын Ерөнхийлөгч Владимир Путин өнөөдөр Азербайжанд айлчилж байна. Тэрээр нийслэл Баку хотод Азербайжаны Ерөнхийлөгч Ильхам Алиевтай уулзаж, хэлэлцээ хийж байна. Хоёр тал зургаан гэрээ хэлэлцээрт гарын үсэг зурахаар төлөвлөсөн аж.

Ойрын өдрүүдэд хэт халсны улмаас ОХУ-ын Буриад улсад 33 хээрийн түймэр гарсан хэмээн Сибирийн холбооны ой хамгаалах агентлаг мэдээллээ. Хээрийн түймрүүдэд нийтдээ 3500 гектар га газар өртөөд байсан байна.

Дэлхийн хамгийн хаалттай улс Хойд Солонгост ухаалаг гар утас бүтээсэн тухай мэдээллээ. Тус улсын удирдагч Ким Чен Ун хойд солонгосчууд анх удаа ухаалаг утастай болсон тухай өчигдөр албан ёсоор зарласнаар шинэ технологийн зургийг нь нийтэлж эхэлсэн байна.