Каир хотноо Египетийн Зэвсэгт хүчний Хямралын асуудал эрхлэх штабын хуралдаан өчигдөр эхэлжээ. Хуралдааны дүнгээр Үндсэн хуулийн асуудал болон Ерөнхийлөгч Мохаммед Морсийг огцоруулах тухай зарлан мэдээлж болзошгүй гэж “Ройтерс” агентлаг мэдээллээ.

Өмнөд, хойд хөршүүд “Тэнгисийн харилцан ажиллагаа 2013” цэргийн хамтарсан сургуулилт хийх гэж байна. Японы тэнгист болох сургуулилтад цөмийн эсминец хөлөг онгоц болон цэргийн далбаат онгоцнууд оролцох аж.

Авлигачид МАН л байдаг гэсэн ойлголт үгүй болж байна. АН-д ч авлигачид олноороо шургалжээ. Өмч хувьчлалаас эхлээд томоохон тендерүүдийг сөхвөл АН-ын авлигачид МАН-ынхнаас давж л гарна уу гэхээс дутахгүй.

УИХ-ын отгон гишүүн Д.Сумъяабазар Сонгинохайрхан дүүргийн намын хороог хөдөлгөж чадаагүй гэсэн шүүмжлжэл хүртсэн байна. Учир нь Д.Сумъяабазарын сонгогдсон, хариуцаж авсан Сонгинохайрхан дүүргийн намын хороо сонгуулийн сурталчилгааны ид үеэр мөнгөгүй гээд суучихжээ.

Хэдхэн хоногийн өмнө МАН-ын даргын зөвлөх Б.Энхбаяр гэх залуу “МАН-ын дүрэмд Монгол улсын Ерөнхийлөгчийн сонгуульд оролцсон дүнгээр намын удирдлагууд хариуцлага хүлээнэ гэсэн заалт байхгүй. Зөвхөн УИХ болон орон нутаг гэсэн байгаа, дүрмээ уншаарай” хэмээн зарлаж явсан.