Камбож улсад өчигдөр зургаан настай охин шувууны ханиадаар амиа алджээ. Энэ нь Камбожид 2013 онд шувууны ханиадаар амиа алдсан ес дэх хүн боллоо хэмээн тус улсын Эрүүл мэндийн яам мэдээлсэн байна.

Австрали улсын парламентын сонгуульд Жулиан Ассанжийн нам оролцохоор бүртгүүлсэн талаар “Guardian” агентлаг мэдээллээ. Викиликс намыг өдгөө Лондон хот дахь Эквадорын Элчин сайдын яаманд хоргодож буй Жулиан Ассанж үндэслэсэн юм.

Энэ долоо хоногийн эхээр Өвөр Монголд их хэмжээний устай бороо орсны улмаас үер бууж 38 мянган хүн өртжээ.  Үерийн улмаас нийт 462.5 мянган акр талбай хүнсний ногоо усанд автан, 4 байшин нурсан байна. Бас хэсэг авто зам идэгдэж, зарим хэсэгт нуралт үүсэн машин явах боломжгүй болжээ. 

Лондон дахь Эквадорын элчин сайдын яамны байраас нууц микрофон олдсон талаар “AP” агентлаг мэдээллээ. “WikiLeaks” сайтыг үүсгэн байгуулагч Жулиан Ассанжийн хоргодож буй элчин сайдын яамны байраас микрофон олдсон талаар Эквадорын Гадаад хэргийн сайд Рикардо Патино мэдээлсэн байна.

Египетийн Ерөнхийлөгч Мохаммед Морсигийн огцрохоос татгалзсан явдал нь тус улсад иргэний дайныг эхлүүлэх болно хэмээн Сөрөг хүчний үндэсний авралын фронтын төлөөлөгч Халед Даул мэдэгдлээ.

Өнгөрсөн даваа гарагийн орой буюу 7-р сарын 1-нээс 2-нд шилжих шөнө 31 настай эмэгтэй Э бусдад зодуулж, олон удаа хутгалуулан амь насаа алдсан хэрэг гарсан. Энэ хэргийг шалгахаар Нийслэлийн цагдаагийн газраас Улсын мөрдөн байцаах газрын Онц хүнд зохион байгуулалттай гэмт хэрэг мөрдөх хэлтсийн дарга, цагдаагийн дэд хурандаа Э.Идэрцогоор ахлуулсан ажлын баг гарч ажиллаж хэрэг болсоноос 20 цагийн дотор сэжигтэн этгээдийг баривчилжээ.