УИХ-ын Эдийн засгийн байнгын хороо өнөөдөр хуралдаж дараах асуудлыг хэлэлцэхээр төлөвлөжээ.

10:00 цагт НЗДТГ-ын А танхимд НИТХ-ын Тэргүүлэгчдийн шинэ бүрэлдэхүүн анхны хуралдаанаа хийнэ. Хуралдаанаар “Аз жаргалтай хот” хөтөлбөр хэрэгжүүлэх талаар санал боловсруулах ажлын хэсэг байгуулах тухай асуудлыг хэлэлцэнэ.

14.00 цагт БСШУСЯ-ны Соёмбо танхимд Богд хааны ордон музейн захирал О.Мэндсайхан, Германы талыг төлөөлж Гөрлиц хотын Зенкенбергийн Байгалийн түүхийн музейн Зоологийн тэнхмийн эрхлэгч доктор, профессор Хэрман Анзорге нар санамж бичигт гарын үсэг зурна. БСШУС-ын сайд Ж.Батсуурь, ХБНГУ-аас Монгол Улсад суугаа Онц бөгөөд бүрэн эрхт Элчин сайд ноён Стефан Дуппел нар байлцана. Санамж бичгийн хүрээнд Талууд сэргээн засварлалтын ажлыг практик-сургалт зохион байгуулах замаар хэрэгжүүлнэ. Сургалтыг ХБНГУ-ын Гөрлиц хотын Зенкенбергийн Байгалийн түүхийн музейн чихмэлчид удирдах бөгөөд сургалт нь хоёр үе шаттай зохион байгуулагдана. Ингэснээр Богд хааны ордон музейн шувууны чихмэлийг засварлана.

Улсын Их Хурлын Нийгмийн бодлого, боловсрол, соёл, шинжлэх ухааны байнгын хорооны дарга Л.Энх-Амгалан, Улсын Их Хурлын гишүүн С.Чинзориг, Ц.Цогзолмаа нар эрүүл мэндийн чиглэлээр үйл ажиллагаа явуулдаг зарим төрийн бус байгууллагын төлөөлөл, эрдэмтэн судлаачдыг өнөөдөр /2016.07.28/ Төрийн ордонд хүлээн авч уулзаж, санал солилцлоо.

Элэг судлалын “Оном” сангийн ТУЗ-ийн дарга, доктор Д.Наранбаатар уулзалтын эхэнд хийсэн танилцуулгадаа манай улсын тухайд элэгний өвчлөл гамшгийн түвшинд хүрээд байгааг тодорхой баримтаар дурдав. Улсын хэмжээнд элэгний өвчний улмаас жилд 2800, өдөрт дунджаар 7 хүн нас барж байгаа бөгөөд энэ үзүүлэлт нь хүн амын нийт нас баралтын 15 хувийг дангаараа эзэлж байна. Эрдэмтдийн тооцоогоор 400 мянга хүн элэгний В, С вирусын халдвартай гэсэн судалгаа гарсан байдаг.

Харин сүүлийн үед манай эрүүл мэндийн салбарын эрдэмтэн судлаачид эдгээр вирусын эсрэг үйлчилгээтэй орчин үеийн эмчилгээний аргыг нэвтрүүлэхэд анхаарсны үр дүнд одоогоор 40 мянга орчим хүн элэгний вирус илрүүлэх шинжилгээнд хамрагдаад байгаа. Түүнчлэн 5000 хүн вирусын эсрэг эмчилгээнд орж, 4000 гаруй хүн эмчилгээг эхлүүлснээр бүрэн эдгэрэх боломжтой болсныг тэрээр дурдав.

Мөн тус төрийн бус байгууллага “Элэг бүтэн монгол хүн” хэлэлцүүлгийг зургаан удаа зохион байгуулж, элэгний өвчлөлийг бууруулах асуудалд анхаарч мөрийн хөтөлбөртөө тусгаж хэрэгжүүлэхийг улс төрийн намуудад уриалахад МАН энэ асуудалд ихээхэн анхааралтай хандаж сонгуулийн мөрийн хөтөлбөртөө тодорхой заалт оруулсанд баяртай байгаагаа илэрхийллээ.

Дараа нь уулзалтад оролцсон Монголын элэгний эмч нарын нийгэмлэгийн ерөнхийлөгч, доктор, профессор Я.Дагвадорж, тус нийгэмлэгийн дэд ерөнхийлөгч, доктор, дэд профессор Г.Зулхүү, нийгэмлэгийн Удирдах зөвлөлийн гишүүн, доктор, клиникийн профессор Д.Батдэлгэр, гүйцэтгэх захирал, доктор Д.Энхтүвшин, Өвчтөн, нийгмийн төлөөллийн зөвлөлийн Удирдах зөвлөлийн гишүүн Ч.Оюунчимэг, “Нэг монгол” төрийн бус байгууллагын гүйцэтгэх захирал Т.Гантогтох, “Оном” сангийн Урьдчилан сэргийлэлтийн багийн ахлагч Э.Эрдэнэбилэг нар саналаа хэлж, байр сууриа илэрхийлсэн юм.

Уулзалтын төгсгөлд Нийгмийн бодлого, боловсрол, соёл, шинжлэх ухааны байнгын хорооны дарга Л.Энх-Амгалан элэгний өвчлөлийн эсрэг санаа тавьж эх оронч санал, санаачлага гарган ажиллаж байгаа иргэний нийгмийн төлөөлөл, эрдэмтэн судлаачидтай өнөөдөр дэлхий нийтээр тэмдэглэж буй гепатитын өдөр уулзаж байгаадаа баяртай байгаагаа илэрхийлээд МАН-ын сонгуулийн мөрийн хөтөлбөрт элэгний халдварт В, С вирусын голомтыг бууруулах, цаашид бүрэн устгах тодорхой арга хэмжээ авч хэрэгжүүлэх, түүнчлэн өвчлөлийг эрт илрүүлэх оношилгоо, эмчилгээнд иргэн бүрийг хамруулах зорилт дэвшүүлсэн.

Иймээс “Элэг бүтэн монгол хүн” хөтөлбөрийг цаг алдалгүй хэрэгжүүлж эхлэх, энэ асуудалтай уялдуулан салбарын хууль эрх зүйн зохицуулалтыг улам боловсронгуй болгох, өнгөрсөн жилүүдэд батлагдсан эрүүл мэндийн салбарын хуулиудын хэрэгжилтэд хяналт тавихад тус байнгын хороо анхаарч, иргэний нийгмийн байгууллагууд, эрдэмтэн судлаачид, эрүүл мэндийн салбарын хамт олонтойгоо нягт хамтарч ажиллах болно гэдгийг онцоллоо гэж Улсын Их Хурлын Тамгын газрын Хэвлэл мэдээлэл, олон нийттэй харилцах хэлтэс мэдээлэв.

“Найрсаг Улаанбаатар” хөтөлбөрийн хүрээнд нийслэлийн Засаг даргын санаачилгаар Монголын pок попын хөгжилд үнэтэй хувь нэмэр оруулсан хамтлаг, дуучдыг алдаршуулах зорилгоор “Алдрын Од” одонгоор шагнаж, “Алдрын од” гардуулах ёслолыг жил бүрийн 7 сарын 30-ны өдөр зохион байгуулахаар шийдвэрлэсэн. Энэ жилийн “Алдрын од” одонг Харанга хамтлаг хүртэхээр болсон бөгөөд 7 дугаар сарын 30-ны 13:00 цагт тус хамтлагын гишүүдэд “Алдрын Од” одонг нь нийслэлийн удирдлагууд гардуулж өгөх юм. Харин орой нь 21:00 цагаас Харанга хамтлагт хүндэтгэл үзүүлэх “Алдрын хүндэтгэл” шоу тоглолт Их эзэн Чингис хааны нэрэмжит талбайд болно.

Тоглолтыг Нийслэлийн Соёл урлагийн газар хариуцан зохион байгуулж, ерөнхий Найруулагчаар хөгжмийн зохиолч, хөгжмийн найруулагч, продюсер Н.Халиун ажиллаж байна. Тоглолтын үеэр Харанга хамтлаг өөрсдийн сор болсон уран бүтээлүүдээ толилуулахаас гадна рок попын бүх одод Харанга хамтлагт хүндэтгэл үзүүлж тоглолтод оролцоно. Алдрын хүндэтгэл тоглолтыг UBS телевиз шууд дамжуулна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

МАН-ын Удирдах зөвлөл өчигдөр хуралдаж, дөрвөн сайдынхаа нэрийг баталсан. Тодруулбал Барилга хот байгуулалтын сайдад Г.Мөнхбаяр, Эрчим хүчний сайдад Т.Энхтайван, Эрүүл мэндийн сайдад А.Цогцэцэг, Хүнс, хөдөө аж ахуй, хөнгөн үйлдвэрийн сайдад Т.Сэргэлэн нарыг нэр дэвшүүлсэн юм. Тэгвэл өмнө нэр дэвшүүлсэн сайд нар хэл ам дагуулж эцэстээ эрх ашгийн зөрчилтэй гэснээр хаалганы гадна үлдсэн. Харин тэдний оронд нэр дэвшүүлсэн эрхмүүдийнн хэн нь хэн бэ гэдгийг 24 баримтаар хүргэж байна.

Хонь

Баасан гараг. Сайхан өдөр. Хүчтэй дурлалд толгойгоо гээж магадгүй. Мөнгөний бага зэрэг бэрхшээлээс болж гадагш гарч хөгжилдөж чадахгүй байх. Мөнгө зээлж, өрөн дээрээ нэмэх хэрэггүй. Гэртээ гиюүрч суухын оронд гал тогооны өрөөгөө өөрчлөх төлөвлөгөө гарга.Цонхны тавцан дээрээ тавих цэцэг худалдан авч гэртээ үнэртэн цацах зэргээр шинэ зүйл бодож ол.

Үхэр

Баасан гараг. Өөртөө цаг гарга. өглөөний цайгаа уун, ном унших, мэдээ үзэх нь таатай байх болно. Илүү хүч зарцуулсан төсөл хийхээсээ өмнө гэрийн эргэн тойронд тавигдсан зүйлс болон хувийн орон зайндаа анхаарал тавь. Ойр дотны хамтрагч, хамаатнууд мөн эцэг эх, найзуудтайгаа санхүүгийн асуудал хэлэлцэхээс зайлсхий. Дэлгүүрээр явахдаа үнэтэй зүйл худалдан авахдаа гол нь биш цагийг зугаатай өнгөрөөх нь чухал юм гэдгийг танд зөвлөе.

Ихэр

Таны хайр дурлалын харилцаа хүчтэй хэвээр байх болно. Ямар нэг үл ойлголцсон байдлаас гарахын тул дорвитой алхам хий. Хайртай хүн тань таниас насаар ахмад байж болох ч таньд албан тушаал ахихад тусалж, хэрэгтэй зөвлөгөө өгөх болно. Гэр орны асуудал нэлэд их байх бөгөөд та өдрийг гэр орноо цэвэрлэж, тохижуулах зэргээр үр бүтээлтэй өнгөрүүлэх болно. Олон нийтийн арга хэмжээнд сайн дураар оролцох нь таны найз нөхдийн хүрээг тэлэх болно.

Мэлхий

Баасан гараг. Өнөөдрийн хувьд өглөөний хоолоо жаахан оройхон эсвэл өдрийн хоолоо арай эртхэн найз нөхөд, гэр бүлийнхэн эсвэл хайрттайгаа хамт ойролцоох хоолны газарт идээрэй. Энэ нь шинэ өдрийг эхлэхэд таатай эхлэл байх болно. Эрүүл мэндийн асуудалдаа анхаарал тавих цаг болжээ. Сүүлийн удаа эмчид очсоноос чинь хойш нэлээд хугацаа өнгөрсөн байна.

Арслан

Баасан гараг. Гэрийн ажлаар өөрийн авъяас чадвараа бүү сүйтгэ. Гэнэтийн зочид таны төлөвлөгөөнд өөрчлөлт оруулж мэдэх бололтой. Гараа хумхиад зүгээр суухын оронд олон нийтийн үйл ажиллагаанд идэвх гаргаж оролцоорой. Орон нутгийн уран бүтээлчдийн үзэсгэлэн танд өөрийн уран бүтээлээ эхлүүлэх урам зориг хайрлана. Энэ үеэр зарим айл гэртээ зураач урих бололтой. Та ч ялгаагүй айл гэрийн чимэглэл засалд гар бие оролцоорой.

Охин

Баасан гариг. Ямар нэг асуудлыг шийдвэрлэх гэж хичээгээгүйн улмаас гэр оронд гарсан зөрчилтэй байдал улам хүндрэх болно. Хэлж буй үгэндээ анхааралтай бай. Зарим охиныхонд спортоор хичээллэх юмуу идэвхитэй амралт хэрэгтэй байна. Өнөөдөр цагийг ганцаараа өнгөрөөж, өөрийн сэтгэл зүрхээ мэдрэхийг хичээ. Удаан хугацаанд таныг зовоож, толгойг тань гашилгаж байсан олон асуултуудын хариулт олдоно. Ойр дотныхоо хүнтэй хамт хооллосноор та хоёрын харилцаа сайжрах болно.

Жинлүүр

Баасан гараг. Бие даасан байдал, ялангуяа хайртай хосуудын дунд сөрөг байдал үүсэх нь. Ганц бие жинлүүрийнхэн санаандгүй хүнтэй танилцаж магад. Сэтгэл хөдлөн дэврүүн байна. Дэггүй зангаас болж юманд орооцолдох нь. Мөн цахилгаан хэрэгслээ хэрэглэхээс өмнө асаалттай байгаа эсэхийг шалга. Асуудлыг шийдэх хамгийн сайн зам бол нээлттэй мөн шударга байх явдал мөн. Таны бүтээлч хөдөлмөр, эрүүл мэнд юу юунаас илүү чухал байна.

Хилэнц

Сар жинлүүрийн орд болох нарны 12-р гэрээр тань зочлох болно. Тиймээс хамгийн чухал харилцаагаа үргэлжлүүлэхэд анхаарлаа төвлөрүүл. Энэ өглөө хань ижилтэй хилэнцүүд хайрттайгаа орондоо удаан хэвтэх боломжийг алдахгүй байх. Ганц бие хилэнцийн хувьд сайхан унтаж, эрч хүчээ сэлбэнэ. олон нийтийн ажил, нийгмийн үйлст та гар бие оролцохын зэрэгцээ хөрөнгө мөнгө хандивлахыг хүсэх шинжтэй.

Нум

Өнөөдөр ихэнх эрэгтэй нумууд өөрсдийгөө азтай одтой байж, эсрэг хүйстнийхээ анхаарлыг татаж чадна гэж бодох төлөвтэй. Гэхдээ энэ бол андуурал. Өдөр таны хувьд тааламжтайгаар өнгөрч мэдэх ч үдэш байдал өөрөөр эргэх шинжтэй. Та хайртай хүнтэйгээ ам мурийж магадгүй. Таны дотор буцалж буй эрчим хүч өчүүхэн төдий шүүмжлэлд сад тавин гарах болно.

Матар

Баасан гараг. Өнөөдрийн хувьд таны хийж чадах хамгийн эрч хүчтэй ажил бол гэр орондоо хийх ажил байх болно. Бизнесийн болон ажлын одоогийн нөхцөл байдлаа илүү бодитойгоор эргэцүүл бод. Хэцүү асуудлуудыг шийдэхэд томоохон логик дараалалтай оршил хэрэгтэй. Хуучны хамтрагчтайгаа харилцаагаа сайжруул. Ялангуяа та хоёр хүүхэдтэй бол. Өнөө орой бүгдээрээ цугласан үед зочдоо зугаацуулах нь хамгийн тохиромжтой цаг.:

Хумх

Баасан гараг. Баяр хөөр, хайрыг мэдэрсэн таатай өдөр. Чин сэтгэлээсээ харьцахыг хүсч, бусдыг өөр нүдээр харах болно. Дурласан бол түүнтэйгээ уулз, гэхдээ яаран дотносох хэрэггүй. Хүч чармайлт гаргалгүйгээр хүссэн бүх зүйлээ авч чадна гэж бүү бод. Хэм хэмжээнээс хэтэрсэн хүслээ хязгарла. Өнөөдөр хоолны дэглэм бариад хэрэггүй. Гэсэн хэдий ч өөрийнхөө жинд санаа зовж байга бол хоолоо бага хэмжээгээр иидэж, дасгал хөдөлгөөн хийж занш.

Загас

Баасан гараг. Уян зөөлөн байх нь энэ өдрийн амжилтын түлхүүр. Бусад хүмүүст найдах гэсний хэрэггүй. Та өөрийн хүч, боломж нөөцөө ашиглан амжилт олсон нь хамаагүй дээр. Бусад хүмүүс одоогийн таны хийж байгаа үйлдэлд асуулт тавьж болно. Дүрэм журам зааврыг баримталж байх шаардлагатай. Өнөөдөр үл хөдлөх хөрөнгө авахаар зэхэж байгаа бол яг тохирсон өдөр бөгөөд таны энэ төрлийн ажил ямарч саадгүй бүтнэ. Харин харанхуйд ганцаараа явахгүй байхыг сануулж байна.

Өнөөдөр буюу долдугаар сарын 29-ны баасан гарагт дараах байршил дахь хэрэглэгчдийг цахилгаанаар хангадаг шугам тоноглолд урсгал засвар хийхээр болжээ.

НИТХ-ын Тэргүүлэгчдийн шинэ бүрэлдэхүүн өнөөдөр анхны хуралдаанаа хийхээр товложээ.

Дөрвөн ногоон мэнгэтэй хар хулгана өдөр

өдөртөө 26-28 градус дулаан байна

Монгол Улсын нам, төрийн нэрт зүтгэлтэн, Монгол Улсын баатар, хөдөлмөрийн баатар, маршал Ю.Цэдэнбалын мэндэлсэний 100 жилийн ой энэ жил тохиож байгаа билээ.

МАН-ын Удирдах зөвлөл хуралдаж МАН-ын нарийн бичгийн дарга Д.Амарбаясгаланг Ерөнхий нарийн бичгийн даргын үүрэг гүйцэтгэгчээр томиллоо.

Дорноговь, Говьсүмбэр аймгийн замыг түр хугацаагаар хаасан байна. Тодруулбал Говьсүмэр аймгийн Сүмбэр сумын нутаг Муу хөөтийн морины энгэр хэмээх газар малын шүлхий өвчин гарсан байна.

Монгол улсын цагдаагийн байгууллагаас анх удаа цагдаагийн ахлах дэслэгч Б.Эрдэнэдалай, Б.Бат-Оргил нар цагдаагийн чиг үүргийг хэрэгжүүлж, нутгийн иргэдийн аюулгүй байдал, хүний эрхийг хангах чиглэлээр Өмнөд Суданд үүрэг гүйцэтгэж байгаа гадаадын бусад орны цагдаагийн алба хаагчид ялангуяа Өмнөд Суданы цагдаагийн байгууллагын удирдлага, алба хаагчидтай хамтран ажиллахаар болжээ. Цагдаагийн Ерөнхий газрын дарга, Тэргүүн комиссар Р.Чингис зөвлөлийн гишүүдийн хамт хоёр алба хаагчдаа хүндэтгэл үзүүлэн амжилт хүссэн байна.

100 буудалт даамын тивийн аварга шалгаруулах тэмцээний сүүлийн өргийн тоглолт өнөөдөр болж, тивийн аваргууд тодорлоо. Тодруулбал, эрэгтэйчүүдийн ангилалд таван улсын 24 даамчин өрсөлдсөнөөс Дэлхийн даамын холбооны мастер Р.Манлай 14 оноогоор түрүүлсэн бол их мастер, Азийн таван удаагийн аварга, Монгол Улсын гавьяат тамирчин Д.Эрдэнэбилэг 13 оноо, их мастер Д.Баттулга 12 оноогоор мөнгө, хүрэл медалийн эзэн болов.

Энэ удаагийн тивийн аваргад түрүүлсэн Р.Манлай ийнхүү их мастерын болзол хангалаа. 100 буудалт даамын тивийн аваргад манай тамирчид сүүлийн жилүүдэд ноёрхож байна. Энэ тэмцээнд Д.Эрдэнэбилэг таван удаа буюу 1999, 2001, 2003, 2010, 2014 онд түрүүлсэн юм. Мөн Г.Ганжаргал 2012, Д.Баттулга 2013, О.Түвшинболд 2015 онд, Р.Манлай 2016 онд Азийн аварга боллоо.

Эмэгтэйчүүдийн ангилалд дөрвөн улсын 20 даамчин өрсөлдсөнөөс их мастер М.Нямжаргал түрүүлж, М.Одгэрэл, Б.Нандинцэцэг нар мөнгө, хүрэл медалийн эзэд боллоо.

Өсвөр, залуучууд, насанд хүрэгчдийн ангилалд болж буй тивийн аваргад БНХАУ, Япон, БНСУ, Сингапур, Энэтхэг, Монгол зэрэг нийт 15 орны 200 орчим даамчид өрсөлдлөө.

Нийслэлд байгалийн голомтот болон хүн, мал амьтны гоц халдварт өвчний халдвар зөөгдөн орохоос урьдчилан сэргийлэх зорилгоор ирэх сарын 1-ний өдрөөс аравдугаар сарын 15-ны өдөр хүртэлх хугацаанд хяналт шалгалт явуулах цэг байгуулахаар болжээ.

Монгол Улсын Их Хурлын дарга Миеэгомбын Энхболдод өнөөдөр \2016.07.28\ БНСУ-ын Үндэсний Ассамблейн Тамгын газрын Ерөнхий нарийн бичгийн дарга Ү Юүн Гын тэргүүтэй төлөөлөгчид бараалхав.

Уулзалтын эхэнд БНСУ-ын Үндэсний Ассамблейн Тамгын газрын Ерөнхий нарийн бичгийн дарга Ү Юүн Гын Улсын Их Хурлын даргыг цаг гарган хүлээн авч уулзаж буйд талархлаа илэрхийлээд АСЕМ-ийн Дээд түвшний 11 дүгээр уулзалтыг амжилттай зохион байгуулсанд баяр хүргэв. Мөн тэрээр, “Манай улсад ч гэсэн хоёр сарын өмнө сонгууль болсон. Монгол Ардын Намыг Улсын Их Хурлын сонгуульд ялалт байгуулсанд баяр хүргэе. Миний бие Улсын Их Хурлын Тамгын газрын Ерөнхий нарийн бичгийн дарга Ц.Цолмонгийн урилгаар Монгол Улсад ирж, санамж бичиг байгуулсандаа баяртай байна” хэмээгээд БНСУ-ын Үндэсний Ассамблейн дарга Жон Сэ Гюны Улсын Их Хурлын дарга М.Энхболдод баяр хүргэсэн илгээлтийг гардуулан өгөв.

Улсын Их Хурлын дарга М.Энхболд БНСУ-ын Үндэсний Ассамблейн Тамгын газрын Ерөнхий нарийн бичгийн дарга Ү Юүн Гын тэргүүтэй төлөөлөгчдийг Монгол Улсад тавтай зочлохыг хүсээд энэ сарын эхээр БНСУ-ын Ерөнхийлөгч Пак Гын Хэ Монгол Улсад албан ёсны айлчлал хийж, АСЕМ-ийн Дээд түвшний 11 дүгээр уулзалтад оролцсон нь АСЕМ-ийн арга хэмжээний ач холбогдлыг нэмэгдүүлэхэд чухал үүрэг гүйцэтгэснийг онцлон тэмдэглэв. Мөн тэрээр БНСУ-ын Үндэсний Ассамблейн дарга Жон Сэ Гюны илгээлтэд хариу талархал илэрхийлж буйг дамжуулахыг хүсэв.

Улсын Их Хурлын дарга М.Энхболд хэлсэн үгэндээ УИХ-ын сонгуулийн дүнгээр Монгол Ардын Нам олонхи болж, шинэ Засгийн газраа эмхлэн байгуулж байгааг дурдаад БНСУ-тай харилцах гадаад бодлого, үйл ажиллагаанд өөрчлөлт гарахгүйгээр тууштай үргэлжлэх болохыг онцлов.

Хоёр улсын харилцаа хамтын ажиллагаа эрчимтэй хөгжихийн зэрэгцээ парламент хоорондын хамтын ажиллагаа өргөжиж буйд Улсын Их Хурлын дарга сэтгэл хангалуун буйгаа илэрхийлээд хоёр улсын худалдаа, эдийн засгийн харилцааг улам өргөжүүлэх, эрх зүйн таатай орчныг бий болгож, дэмжлэг үзүүлэх нь парламентын үүрэг чухал болохыг хэлэв. Мөн хоёр парламентын Тамгын газар хоорондын хамтын ажиллагааг гүнзгийрүүлж, мэдээлэл солилцох, харилцан туршлага судлах чиглэлээр харилцаагаа бэхжүүлнэ гэдэгт итгэлтэй байгаагаа илэрхийлэв.

Уулзалтад Улсын Их Хурлын гишүүн, Төрийн байгуулалтын байнгын хорооны дарга Н.Энхболд, Улсын Их Хурлын Тамгын газрын Ерөнхий нарийн бичгийн дарга Ц.Цолмон, Улсын Их Хурлын Тамгын газрын Гадаад харилцааны хэлтсийн дарга Ц.Нарантунгалаг болон албаны бусад хүмүүс байлцав гэж Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.

Монгол Улсын начны тоо энэ жилийн наадмаар 18-аар нэмэгдсэн. Тэдний нэг нь Дорнод аймгийн харьяат Улсын начин Д.Анар юм. Түүний улсыг цолыг мялаан, нутгийнхан нь хүндэтгэлийн наадам хийхээр болжээ. Улсын начин Д.Анарт хүндэтгэл үзүүлэх наадам Дорнод аймгийн Төв цэнгэлдэх хүрээлэнд энэ сарын 31-нд болно.

64.5 сая ам.доллар нийлүүллээ

Өчигдөр буюу 7-р сарын 27-ны өдөр нийслэлийн Баянзүрх дүүргийн нутаг, Энхтайваны өргөн чөлөө 13 дугаар хорооллын автобусны буудлын замд автобусны жолооч хүн мөргөж гэмтээжээ.