Нийслэлийн хэмжээнд энэ сард цахилгаан шугам тоноглолд засвар үйлчилгээ хийж байгаатай холбогдуулан эрчим хүчээр түр хязгаарлаж байгаа тул иргэд Та бүхэн хэрэгцээгээ зохицуулна уу. Цаг агаарын болон болзошгүй аваар саатлаас шалтгаалан хуваарьт өөрчлөлт орох магадлалтай бөгөөд “Улаанбаатар цахилгаан түгээх сүлжээ” ТӨХК-тай байгуулсан гэрээнд бүртгэлтэй утсаар холбогдож аж ахуйн нэгж байгууллагуудад мэдээлэх юм. Дэлгэрэнгүй мэдээллийг www.tog.mn сайт, 70047004 утаснаас авна уу.

“Рио-2016” олимпийн гурав дахь өдөр жүдо бөхийн эмэгтэйчүүдийн 57 кг-ийн жинд барилдсан Доржсүрэнгийн Сумъяа Бразилын бөх Рафаэль Силвад вазари үнэлгээгээр ялагдсанаар олимпийн наадмаас мөнгөн медалийг хүртсэн. Олимпийн мөнгөн медальтнаа угтан авахаар ар гэрийнхэн, найз нөхөд, дэмжигчид нь ирэх өдрийг нь хүлээн сууна. Д.Сумъяагийн аав Н.Доржсүрэнтэй утсаар холбогдож хэзээ ирэх талаар тодрууллаа. Тэрээр “Охин маань наймдугаар сарын 19-ний өдөр ирнэ. Бид охиноо угтан авахаар хот руу явж байна” гэсэн юм.

20, 21-нд бороо хур багатай байна

Өдрийн сайн цаг нь хулгана, үхэр, луу, могой, хонь, нохой болой

2016 оны 08 дугаар сарын 17-ны 21 цагаас 08 дугаар сарын 18-ны 21 цаг

хүртэлх цаг агаарын урьдчилсан мэдээ:

БАРУУН АЙМГУУДЫН НУТГААР: Үүлшинэ. Зарим газраар бороо орно. Дуу цахилгаантай. Салхи баруун хойноос секундэд 6-11 метр, өдөртөө Алтайн уулсаар секундэд 12-14 метр хүрч ширүүснэ. Алтай, Хангайн уулархаг нутгаар шөнөдөө 2-7 градус, өдөртөө 13-18 градус, Алтайн өвөр говиор шөнөдөө 15-20 градус, өдөртөө 25-30 градус, бусад нутгаар шөнөдөө 6-11 градус, өдөртөө 16-21 градус дулаан байна.

ТӨВИЙН АЙМГУУДЫН НУТГААР: Үүлшинэ. Зарим газраар бороо орно. Дуу цахилгаантай. Салхи баруун хойноос секундэд 6-11 метр. Хангай, Хөвсгөлийн уулархаг нутгаар шөнөдөө 3-8 градус, өдөртөө 14-19 градус, бусад нутгаар шөнөдөө 7-12 градус, өдөртөө 20-25 градус дулаан байна.

ЗҮҮН АЙМГУУДЫН НУТГААР: Үүлэрхэг. Шөнөдөө нутгийн өмнөд хэсгээр, өдөртөө ихэнх нутгаар бороо орно. Дуу цахилгаантай. Салхи зүүн хойноос секундэд 7-12 метр. Шөнөдөө 11-16 градус, өдөртөө 20-25 градус дулаан байна.

ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Бороо орохгүй. Салхи зүүн хойноос секундэд 6-11 метр. Шөнөдөө 13-15 градус, өдөртөө 23-25 градус дулаан байна.

ГОВИЙН АЙМГУУДЫН НУТГААР: Үүлэрхэг. Ихэнх нутгаар бороо орно. Дуу цахилгаантай. Салхи зүүн хойноос секундэд 5-10 метр, зарим газраар секундэд 12-14 метр хүрч ширүүснэ. Дундговийн нутгаар шөнөдөө 11-16 градус, өдөртөө 20-25 градус, бусад нутгаар шөнөдөө 17-22 градус, өдөртөө 24-29 градус дулаан байна.

УЛААНБААТАР ХОТ: Үүлшинэ. Бороо орохгүй. Салхи баруун хойноос секундэд 5-10 метр. Шөнөдөө 10-12 градус, өдөртөө 21-23 градус дулаан байна.

Засгийн газрын хуралдаанаар зарим томилгоо хийлээ.

1. Өөрийнх нь хүсэлтээр Г.Ганболдыг Засгийн газрын Хэрэг эрхлэх газрын дэд даргаас чөлөөлж, тус газрын дэд даргын үүргийг түр орлон гүйцэтгэгчээр У.Бямбасүрэнг,

2. Гадаадын иргэн, харьяатын газрын даргын үүргийг түр орлон гүйцэтгэгчээр Д.Мөрөнг ,

3. Гэр бүл, хүүхэд, залуучуудын хөгжлийн газрын даргын үүргийг түр орлон гүйцэтгэгчээр О.Алтансүхийг,

4. Харилцаа холбоо, мэдээлэл технологийн газрын даргын түр орлон гүйцэтгэгчээр Б.Чинбатыг,

5. Цаг уур, орчны шинжилгээний газрын даргын түр орлон гүйцэтгэгчээр С.Энхтүвшин нарыг тус тус томиллоо гэж Засгийн газрын хэвлэл мэдээлэл, олон нийттэй харилцах хэлтсээс мэдээллээ.

Хөгжлийн банкны үйл ажиллагааг шалгах ажлын хэсэг байгуулав

Төрийн өмчийн компанийн удирдлагуудын цалинг 30-60 хувь бууруулна

Монгол Улсын Төрийн шагналт, Ардын жүжигчин, Хөдөлмөрийн баатар, Зууны манлай уртын дууч Намжилын Норовбанзадын 85 насны ой энэ онд тохиож байгаа билээ. Ойг тохиолдуулан Соёл Урлагийн Их сургууль, Норовбанзад сан, Монголын уртын дууны холбоо хамтран Намжилын Норовбанзад агсны нэрэмжит уртын дуучдын Олон улсын анхдугаар уралдааныг есдүгээр сарын 8-10-ны өдрүүдэд Улаанбаатар хотод зохион байгуулах гэж байна. Тэмцээнд оролцогчдыг наймдугаар сарын 5-ны өдрөөс есдүгээр сарын 5-ны өдрүүдэд 09:00-17:00 цагийн хооронд СУИС-ийн 211 тоотод бүртгэх аж. Тэмцээн А, Б гэсэн хоёр зэрэглэлээр явагдах бөгөөд тэргүүн байр зургаан сая төгрөгийн шагналын сантай юм байна.

Зууны манлай уртын дууч Намжилын Норовбанзад 1961 оны Ардын хувьсгалын 40 жилийн ойн баярт ”Уяхан замбуутивийн наран” дуугаа дуулсан нь Монголд төдийгүй дэлхий дахинд өөрийгөө харуулж чаджээ. Тэрбээр “Уяхан замбуутивийн наран” дуугаа дуулахдаа нэгэн ер бусын гайхамшигт ертөнцөд нисэн хүрэх мэт болж, үлэмж жаргал эдэлдэг юм даа” хэмээн нэгэн ярилцлагадаа дурдсан байдаг. Уншигч та бүхэнд Зууны манлай уртын дууч Н.Норовбанзад агсны “Уяхан замбуутивийн наран” дууг хүргэе.

“Ю.Цэдэнбал-Монголын төмөр зам” онол практикийн бага хурал болно

Амралтын өдрүүдэд автомашины улсын дугаарыг тэгш, сондгойгоор ялган замын хөдөлгөөнд оролцуулна

Эрдэнэт үйлдвэр хагас жилдээ ашигтай ажиллалаа

ШӨХТГ: Их дээд сургуулиудын сургалтын төлбөр нэмэгдэхгүй

httpmore/5118

Прокурорын ерөнхий газраас өнөөдөр нийгэмд хүлээлт үүсгэсэн томоохон хэргүүдийн талаар сэтгүүлчдэд мэдээлэл өглөө.

Энэ үеэр УИХ-ын гишүүн асан Х.Баттулгад эрүүгийн хуулийн 263.2 буюу төрийн албан тушаалтан албаны эрх буюу албан тушаалаа урвуулан ашигласан гэх зүйл ангиар хэрэг үүсгэн АТГ-ын газрын мөрдөн шалгал хэлтэс, Эрүүгийн цагдаагийн газрын эдийн гэмт хэрэгтэй тэмцэх хэлтсийн хамтарсан ажлын хэсэг шалгаж байгаа талаар дуулгав. Түүний хилээр гарах эрхийг нь түдгэлзүүлсэн бөгөөд ”Рио-2016” зуны олимпийн наадамд Монголын жүдогийн баг тамирчдыг ахлан явахаар болсонтой нь холбогдуулж хилийн хоригийг нь түр цуцалсан аж. Түүнийг эх орондоо эргэж ирэх үед нь хэргийг үргэлжлүүлэн шалгах юм байна.

Мөн УИХ-ын даргын зөвлөх асан А.Гансүхэд Х.Баттулгын нэгэн адилаар 263.2 гэсэн зүйл ангиар эрүү үүсгэн шалгаж байгаа бөгөөд А.Гансүхийн хилээр гарах эрхийг нь мөн адил түдгэлзүүлээд байгаа гэнэ.

А.Гансүхийг өнгөрөгч зургаадугаар сарын сүүлээр Монгол Улсаас оргон зайлсан гэх мэдээлэл цацагдаж, интерполоор эрэн сурвалжилж байгаа гэх мэдээлэл цацагдсан. Тэгвэл энэ талаар Прокурорын байгууллага, ”Тухайн үед А.Гансүх нь албан ажлын томилолттой байсан учир хилийн хоригийг нь түр цуцалж, хил зорчуулсан нь үнэн. Одоогоор сэжигтэн А.Гансүх нь эх орондоо байгаа. Түүний хилийн хоригийг түдгэлзүүлсэн хэвээр байгаа. Харин цагдан хорьсон зүйл байхгүй” гэх мэдээллийг өглөө.

Г.Шийлэгдамбын мөрдөн байцаалтын ажиллагаа үргэлжилж

Дотоод аюулгүй байдлын хэлтсийн дарга

С.Зориг агсны эхнэр Д.Булганыг цагдан хориод багагүй хугацааг үдлээ. Аль 2015 онд 72 цагийн хугацаатай саатуулж шалгаж эхэлсэн ч өдгөө хорих хугацааг нь сунгаж сэжигтнээр тооцон шалгаж эхэлсэн юм. Б.Булганы тухайд Төв аймгийн цагдан хорих төвд саатуулагдаж байгаа төдийгүй хорих ангийн нөхцөл маш хүнд, биеийн байдал сайнгүй байгааг холбогдох хүмүүс өнгөрсөн удаад мэдээлж байсан билээ.

Мөн эх сурвалжуудын мэдээлж буйгаар Д.Булгантай хамт хоёр иргэнийг цагдан хорьсон бөгөөд тэдгээр иргэдийн ар гэрийнхэн УИХ-ын Өргөдлийн байнгын хороо, УЕПГ-т хүртэл хандаад байсан юм.

Гэвч эл хэрэг улсын нууцад тэр дундаа бүр ”маш нууц”-д хамаарах хэрэг учир хэргийн явцын талаарх мэдээллийг ч аль ч хуулийн байгууллагаас гаргахгүй байгаа юм.

Харин өнөөдөр УЕПГ-ын мэдээлэл хийх үеэр сэтгүүлчдийн гол анхаарал хандуулж асуусан асуултуудын нэг энэ байлаа. Гэвч УЕПГ-аас ”Булганы хэрэгт нэг бус хүнийг шалгаж байгаа. Цагдан хорьж буй асуудалд прокурор хяналт тавьж байгаа” гэдгээс өөр мэдээллийг өгөх боломжгүй гэв.

Юутай ч Д.Булган хэдий хэр хугацаанд хоригдох, цаашлаад хэрэг хэдийд хэрхэн шийдэгдэх нь ч ийн тодорхойгүй байна.

МАХН-ын дарга Н.Энхбаяр АТГ-аас хэд, хэдэн зүйл заалтаар эрүүгийн хэрэг үүсгэн яллагдагчаар татаад байгаа.

МАН-аас Багануур дүүрэгт нэр дэвшигчид мөнгө тараасан болох нь нотлогджээ