олон улсын чуулга уулзалтын төлөөлөгчдийг хүлээн авч уулзав

УИХ-ын гишүүн Л.Энх-Амгалан, Л.Чойжилсүрэн, Ч.Хүрэлбаатар нар өнгөрсөн лхагва гаригт хэвлэлийн хурал хийж, Хөгжлийн банкнаас 5.4 сая ам.доллар алга болчихлоо гэсэн утга бүхий мэдээлэл хийсэн билээ. Үнэхээр ийм хэмжээний хөрөнгө сох дутсан бол ноцтой асуудал юм. Энэ мэдээлэл нь бодиттой эсэхийг нягталж судлахад ташаа мэдээлэл болох нь баримтаар батлагдаж байна. Монгол Улсын хэмжээнд одоогийн байдлаар төр болон хувийн хэвшлийнхэн нийтдээ 10 удаа үнэт цаас гаргажээ. 2012 оны 3-р сард Монгол Улсын хөгжлийн банк 580 сая, “Монголиан майнинг корпораци” 600 сая, 2010 оны 11 сард Худалдаа хөгжлийн банк 25 сая, 2012 оны 9-р сард 300 сая, 2014 оны 1-р сард 700 сая, 2015 оны 5-р сард 500 сая, Монгол Улсын Засгийн газар 2012 оны 12 дугаар сард 1.5 тэрбум ам.долларын Чингис бонд , Монгол Улсын хөгжлийн банк 2014 оны 1-р сард 30 тэрбум иенийн Самурай бонд , Монгол Улсын Засгийн газар 2014 оны 7-р сард 1 тэрбум иений “Дим сам бонд” гаргасан байна.

Бүгдээрээ л үнэт цаас гаргахад тодорхой хэмжээний зардал төлжээ.


Огт мөнгө төлөхгүйгээр бонд босгоод оруулаад ирдэг зүйл дэлхийн хаана ч байхгүй. 10 удаагийн бондыг гаргасан зардлыг хооронд нь харьцуулахад нийт гаргасан зардлын дүнд эзлэх хувь нь Чингис бондынх харьцангуй хямд байна. МАН-ынхан Засгийн газарт хамтран ажиллаж байх үед буюу Ж.Эрдэнэбат Сангийн сайд байхдаа 1 тэрбум юаны бондыг хариуцаж гаргасан байдаг. Энэ бондын зардалд л гэхэд 6.9 сая юаны төлбөр төлсөн байна. Гаргасан үнийн дүнд эзлэх хувь жингээр харьцуулахад Чингис бондоос хамаагүй өндөр шимтгэл төлсөн байх жишээний. Мөн УИХ-ын гишүүн Л.Энх-Амгалан “Монголиан майнинг корпорац”-ийн хувь эзэмшигч. Энэ компани олон улсын зах зээл дээр бонд арилжаалж 600 сая ам.доллар босгож Ухаа худагийн нүүрсний уурхайг ашиглалтанд оруулах хөрөнгө оруулалтыг олж байлаа. Тэгэхээр бонд босгоход хэр хэмжээний зардал гардгийг Л.Энх-Амгалан гишүүн мэдэхийн дээдээр мэдэх хүний нэг. УИХ-ын гишүүн Ч.Хүрэлбаатар эдийн засагч мэргэжилтэй, Сангийн яаманд чамгүй олон жил ажилласан хүн. Гэвч мушгин гуйвуулж бонд гаргахад зарцуулсан мөнгийг Хөгжлийн банкныхан завшчихсэн мэт ойлголт төрүүлэхийг оролдох нь улстөрийн өнцгөөс хандаж, улстөржүүлж байгааг харуулж байна. Бонд гаргасан зардлаас нэг ч төгрөг Хөгжлийн банкны дансанд ордоггүй. Гадны арилжаанд оролцогч банкуудын шимтгэл, үнэлгээний төлбөр зэрэг зардлуудад суутгагддаг байна.

Нийслэлд өчигдөр гал түймрийн 7, орон нутагт гал түймрийн 3 дуудлагатай байлаа. Үүнд:

Нийслэлийн Чингэлтэй дүүргийн 18 дугаар хороо, Яргайтын 14 дүгээр гудамжийн 208 тоотод иргэн С-н өвлийн байшин шатаж байна гэсэн дуудлагыг 2015.11.26-ны өдрийн 13:20 цагт хүлээн авч Гал унтраах, аврах 34 дүгээр ангийн 7 албан хаагч,

Нийслэлийн Сонгинохайрхан дүүргийн 7 дугаар хороо, Баянхошууны 4 дүгээр гудамжийн 8 тоотод иргэн С-н өвлийн байшин шатаж байна гэсэн дуудлагыг 2015.11.26-ны өдрийн 16:04 цагт хүлээн авч Гал унтраах, аврах 29 дүгээр ангийн 8 албан хаагч,

Нийслэлийн Багануур дүүргийн 4 дүгээр хороо, Залуусын 35 дугаар байрны 4 тоотод иргэн А-н өвлийн байшин шатаж байна гэсэн дуудлагыг 2015.11.26-ны өдрийн 15:11 цагт хүлээн авч Гал унтраах, аврах 64 дүгээр ангийн 8 албан хаагч,

Нийслэлийн Сонгинохайрхан дүүргийн 2 дугаар хороо,“Стандарт поротерт” ХХК-ийн хашаанд манаачийн байр шатаж байна гэсэн дуудлагыг 2015.11.26-ны өдрийн 23:51 цагт хүлээн авч Гал унтраах, аврах 26 дугаар ангийн 6 албан хаагч,

Нийслэлийн Хан-Уул дүүргийн 9 дүгээр хороо, 8 дугаар гудамжинд иргэн Б-н ВМW загварын автомашин шатаж байна гэсэн дуудлагыг 2015.11.27-ны өдрийн 02:23 цагт хүлээн авч Гал унтраах, аврах 26 дугаар ангийн 6 албан хаагч,

Хэнтий аймгийн Хэрлэн сумын Булаг багийн 2 дугаар гудамжийн 10 тоотод иргэн Э-н ТOYOTO DUET загварын автомашин шатаж байна гэсэн дуудлагыг 2015.11.26-ны өдрийн 12:17 цагт хүлээн авч Гал унтраах, аврах 32 дугаар ангийн 8 албан хаагч,

Сэлэнгэ аймгийн Сүхбаатар сумын Бор гүвээ багийн 1 дүгээр хэсгийн 006 тоотод иргэн Б-н өвлийн байшин шатаж байна гэсэн дуудлагыг 2015.11.26-ны өдрийн 19:10 цагт хүлээн авч Гал унтраах, аврах 36 дугаар ангийн 8 албан хаагч,

Сүхбаатар аймгийн Баруун-Урт сумын Бага дөрвөлж багийн 19 дүгээр гудамжийн 02 тоотод иргэн Б-н эзэмшлийн байшин шатаж байна гэсэн дуудлагыг 2015.11.26-ны өдрийн 22:27 цагт хүлээн авч Гал унтраах, аврах 15 дугаар ангийн 7 албан хаагч тус тус ажиллаж унтраасан.

Нийслэлийн Налайх дүүргийн 3 дугаар хорооны, нутаг дэвсгэрт байрлах иргэн Х-н нүүрсний уурхайн амнаас утаа гараад байна гэсэн дуудлагыг 2015.11.26-ны өдрийн 11:15 цагт хүлээн авч ОБЕГ-ын харьяа Уул уурхайн аврах ангийн 8 албан хаагч, 1 техник хэрэгсэлтэйгээр уурхайд хайгуул, агаарын найрлагад хэмжилт, тунельд парусан болон элсээр хаалт, агааржуулалт хийн ажиллалаа.

Урт хугацааны тогтвортой хөгжлийн үзэл баримтлалын талаарх нээлттэй хэлэлцүүлэг болж байна

Нийслэлийн Онцгой байдлын газрын даргын 2015 оны 10 дугаар сарын 28-ны өдрийн А/101 тоот “Нийслэлийн нутаг дэвсгэрийн хэмжээнд барилга байгууламж, гэр хороолол, авто зам, нийтийн эзэмшлийн зам, нийтийн эзэмшлийн зам талбай авралтын гарц шалгах тухай” тушаал, Баянзүрх дүүргийн Засаг даргын 2015 оны 11 дүгээр сарын 06-ны өдрийн А/518 тоот “Барилга байгууламж, гэр хорооллын авто зам, гарцыг шалгах ажлын хэсэг байгуулах тухай” захирамжийн дагуу дүүргийн Онцгой байдлын хэлтэс, Засаг даргын тамгын газрын дэд бүтэц, тохижилтын хэлтэс, Газар, өмчийн харилцааны алба, Замын цагдаагийн тасгууд хамтран дараах ажлууд хийгдээд байна.

Ажлын хэсгээс дүүргийн 28 хороотой хамтран зам, гарц хаасан, тусгай зориулалтын автомашин зорчих боломжгүй газруудын судалгааг гарган судалгаагаар объектын хооронд тусгай зориулалтын автомашин зорчих боломжгүй 16, объект орчмын зам гарц чөлөөтэй бус 9, нийтийн эзэмшлийн зам талбай хааж хашаа хаалт барьсан 14, нийтийн эзэмшлийн зам талбайг хааж гарааш, чингэлэг байрлуулсан 6, мухар гудамж гаргасан 214, автомашин очих боломжгүй өндөрлөг газар буусан 54, үерийн аюултай бүст буусан 155, гудамж нарийсгасан 70, өндөр хүчдлийн шугаман дор буусан 26 зэрэг зөрчил бүртгэгдсэн ба ажлын хэсэг хяналт шалгалтын явцад зөрчилтэй 25 байгууллага, иргэдэд мэдэгдэл хүргүүлж, тусгай зориулалтын автомашин зорчих боломжгүй, нийтийн эзэмшлийн гудамж талбайд зам гарц хааж хашаа хаалт барьсан 14 гарцыг чөлөөлөөд байна. Мөн тус онцгой байдлын хэлтсийн гал түймэр унтраах аврах 35, 63 дугаар ангиуд үйлчилэх хүрээний хороодод зам гарцын судалгаа зохион байгуулан ажиллаж байна.

Дээрх гарч буй зөрчлүүд нь барилга байгууламж, гэр хорооллын холбогдох барилгын норм дүрмийн шаардлагын дагуу буруу төлөвлөлт хийсэн, байгууллага, иргэдийн буруутай үйл ажиллагаанаас болж дийлэнх зөрчлүүд гарч байна.

Монгол улс 1996 онд хэлмэгдэгсдийн дурсгалын өдрийг тэмдэглэж байхаар тогтжээ

Цэрэг-эх оронч хүмүүжил олгоход хамтран ажиллахаар санамж бичиг байгууллаа

Улсын Дээд шүүхийн Эрүүгийн хэргийн танхимын шүүгчид Шүүхийн Ерөнхий зөвлөлөөс зохион байгуулж буй ”Эрүүгийн эрх зүйн сургалт”-ын хүрээнд 2015 оны 11 дүгээр сарын 25-27-ны өдрүүдэд орон нутгийн шүүхүүдэд ажиллан бүсчилсэн сургалтыг удирдан явуулж байна.

Сургалт нь албан тушаалын гэмт хэрэг, кибер гэмт хэрэг зэрэг зарим төрлийн гэмт хэргийн бүрэлдэхүүн, зүйлчлэл тэдгээрийг шүүхэд хянан шийдвэрлэхэд анхаарах асуудал, шинжээчийн дүгнэлтийг үнэлэх арга зүй, шүүхээс хэргийг хэрэг бүртгэлт, мөрдөн байцаалтад буцаах асуудлын талаар шүүгчдийн мэдлэгийг нэмэгдүүлэхэд чиглэгдэж байгаа юм.

Түүнчлэн анхан болон давж заалдах шатны шүүхийн шүүгч-багш нар Улсын Дээд шүүхийн шүүгчидтэй хамтран дээрх сэдвүүдээр хичээл зааж байгаа ажээ.

“Хэрэглэгчдэд ээлтэй хүнсний бүтээгдэхүүн үйлдвэрлэгч” шалгаруулах ёслолын үйл ажиллагаа боллоо.

Ирвэс хамгаалах сангийнхан өнөөдөр хэвлэлийн бага хуралд зарлаж, Ирвэс хамгаалах сангийн биологич 27 настай залуу учир битүүлэг шалтгаанаар амиа алдсан хэргийг үнэн зөвөөр шийдэж өгөхийг хүсэв.

Их Британий Ерөнхий сайд Европын холбооны улс орнуудад хандан уриалга гаргав

Б.Батзаяатай хамт саатуулагдсан Ли Жон Гёлыг батлан даах хүсэлт ирүүлжээ
Зам тээврийн яамны Төрийн нарийн бичгийн дарга, “Монголын төмөр зам” ТӨХК-ийн ТУЗ-ийн дарга асан Б.Батзаяатай хамт Ухаа-худаг-Гашуунсухайтын чиглэлийн төмөр замын ажлыг гүйцэтгэж байсан Өмнөд Солонгосын “Самсунг СТ” компанийн захирал Ли Жон Гёлыг ч саатуулсан. Манай улсад суугаа БНСУ-ын Элчин сайдын яамнаас Ли Жон Гёлыг батлан даах хүсэлтийг гаргасан байна. Элчин сайдын яаманд иргэнээ батлан даах хүсэлт гаргах эрх нь нээлттэй байдаг аж.
Хуулийнханы хувьд Ли Жон Гёлыг батлан даалтад гарах асуудлыг одоохондоо хэлэлцэх боломжгүй гэдэг хариуг өглөө.

Хоёр Солонгосын удирдагчид ирэх сард уулзана

Улаанбаатар хотын хэмжээнд 11-р сарын 26-ны өдрийн 05:00 цагаас 11-р сарын 27-ны өдрийн 05:00 цагийн хооронд иргэд, байгууллагаас Нийт 4137, удаа холбогдсоноос, гэмт хэргийн 160, зөрчлийн 1223, Зам тээврийн ослын 315, мэдээлэл шалгахад, гэмт хэргийн шинжтэй 72-н үйлдэл бүртгэгдсэнийг холбогдох нэгжүүд шалгаж байна.

СБД-ийн нутаг Содномын гудамж, Дайшчойлон хийдийн урд замд N.Xtrail маркийн автомашины жолооч Н нь явган зорчигч 10 настай эрэгтэй Э-г мөргөж гэмтээсэн байна.

Олон улсын туялзуур сэлэмний холбоо манайд онц дүн тавьжээ

УИХ болон Засгийн газраас эдийн засаг, татварын орчныг сайжруулах чиглэлээр тодорхой үе шаттай хэрэгжүүлж буй арга хэмжээнүүдийн талаар Сангийн сайдын ахлах зөвлөх С.Пүрэвтэй уулзаж ярилцлаа.

Хуулийн төслүүд өргөн барив

Ю.Цэдэнбалын мэндэлсний 100 жилийн ойг тэмдэглэн өнгөрүүлэх тухай тогтоолын төслийг хэлэлцэхийг дэмжив

Хувь хүний орлогын албан татварын тухай хуульд өөрчлөлт оруулах тухай хуулийн төслийг өргөн барив