Сонсголын бэрхшээлтэй иргэд яаралттай түргэн тусламж, цагдаагийн газар, онцгой байдлын албанд тусламж хүсч мэдээлэл өгөх тохиолдолд ярьж чаддаггүйн улмаас энэ үйлчилгээг ашиглаж чадахгүй харилцааны хүндрэл гарч, сэтгэл санаа, амь нас, эрүүл мэндээрээ хохирох явдал элбэг тохиолддог.
Иймд сонсголын бэрхшээлтэй иргэдэд яаралттай тусламжийн үйлчилгээг хүртээмжтэй болгох үүднээс Хүн амын хөгжил, нийгмийн хамгааллын яамнаас санаачлан Харилцаа холбооны зохицуулах хороо, Цагдаагийн ерөнхий газрын мэдээлэл шуурхай удирдлагын төв болон үүрэн холбооны операторуудтай хамтран хэл яриа, сонсголын бэрхшээлтэй иргэдэд шуурхай тусламж 101,102,103,105 утасны дугаарт мессэжээр (SMS) дуудлага өгөх, мэдээлэл авах үйлчилгээг шинээр нэвтрүүлж эхэллээ.

ХАХНХ-ын сайдын тушаалаар ажлын хэсэг байгуулагдан ажиллаж, шуурхай мэдээллийн төв болон үүрэн телефоны операторууд хамтран ажилласны үр дүнд Мобиком, Юнител, Скайтел, Жи-мобайл компанийн хэрэглэгчид Шуурхай мэдээллийн төвд мессэжээр (SMS) дуудлага өгөх, мэдээлэл авах боломжтой болоод байна.
Тэгвэл өнөөдөр энэхүү ажлыг эхлүүлэх ”Хамтын ажиллагааны санамж бичиг”-т Хүн амын хөгжил, нийгмийн хамгааллын дэд сайд Б.Мөнхбаатар, Цагдаагийн ерөнхий газрын дарга тэгрүүн комиссар Р.Чингис, Монголын дүлий иргэдийн байгууллагуудын үндэсний холбооны ерөнхийлөгч Т.Цэдэнбал нар гарын үсэг зурлаа.
Энэхүү үйлчилгээ нь эхний ээлжинд Улаанбаатар хотын 9-н дүүрэгт эхлэх бөгөөд бид цаашдаа Монгол улын хэмжээнд нэвтрүүлэхээр төлөвлөж байна.
Монгол улсын хэмжээнд 2014 оны Статистикийн тоон мэдээгээр сонсголын бэрхшээлтэй 8304 хүн байгаа бөгөөд Улаанбаатар хотод 2845 сонсголын бэрхшээлтэй иргэд байна.
Үүрэн телефон хэрэглэгч сонсголгүй 800 гаруй иргэдийн бүртгэлийг шинэчлэн бүртгээд байна.
- See more at: http://zasag.mn/m/mpdsw/view/9831#sthash.mtvddHiS.dpuf

Монгол Улсын Гадаад хэргийн яамны Олон улсын хамтын ажиллагааны сангийн шугамаар Мьянмарын Холбооны Бүгд Найрамдах улсын зарим яам, тусгай газрын ахлах албан тушаалтнуудад “Монгол Улсын ардчилал, зах зээлийн нийгэмд шилжсэн туршлага” сэдэвт тусгай сургалтыг энэ сарын 19, 20 – ны өдрүүдэд зохион байгуулж байна. Энэ хүрээнд нийслэлийн Засаг даргын Тамгын газраас Мьянмарын Холбооны Бүгд Найрамдах Улсын төлөөлөгчдөд Улаанбаатар хотын хөгжлийн хөтөлбөр, төлөвлөгөөг танилцуулах сургалтыг зохион байгууллаа.

Төрийн ордонд гарсан хулгайн хэргийг ТЕГ шалгаж байна

2011 онд ХСҮТ санаачлан Хаан банк, МҮОНРТ хамтран “Хавдрын эсрэг үндэсний аян”-г 5 дах жилдээ орон даяар өрнүүлж байгаа билээ. Энэ жилийн аяны нээлт өнөөдөр Өмнөговь аймагт боллоо. Хавдрын эсрэг үндэсний аяны хүрээнд манай аймагт 11 хүний бүрэлдэхүүнтэй баг өнөөдрөөс эхлэн 5 сарын 23-ныг дуустал ажиллана.

Өнгөрөгч 4 жилийн хугацаанд ХСҮТ-ийн хавдрын мэс засал, элэг цөс, нойр булчирхай, эмэгтэйчүүд, толгой хүзүүний мэс засал, дуран, хэт авиан оношилгоо, хавдар судлаач, эс судлаач зэрэг нарийн мэргэжлийн эмч нарын бүрэлдэхүүнтэй баг 36,700 км замыг туулж Монгол улсын бүх аймагт ажиллахдаа хавдрын оношилгоо эмчилгээний сургалтан давхардсан тоогоор 3,157 эмч мэргэжилтэн, эрүүл аж төрөх чиглэлээр 1363 гаруй сайн дурын идэвхтнүүд 63700 иргэдийг сургалтанд хамруулжээ. Аяны үеэр орон нутагт 319 яаралтай мэс ажилбар хийж эмч мэргэжилтнийг ажлын байранд нь дагалдуулан сургажээ. Мөн эрсдэлт бүлгийн 68551 хүнийг хавдрын нарийн мэргэжлийн үзлэгт үнэ төлбөргүй хамруулснаас 10662 /15,5хуввь/ хүнд хавдрын урьтал өвчин, хортой болон хоргүй хавдар илрүүлж эмнэлгийн тусламж үйлчилгээ үзүүлсэн байна.
Манай улсад 2004 оны байдлаар хорт хавдрын 3381 шинэ тохиолдол, 2669 нас баралт бүртгэгдэж байсан бол 2014 он гэхэд 5483 шинэ тохиолдол, 3536 нас баралт болж өссөн байна. Манай оронд 5 хүн тутмын 1 нь хорт хаврдын улмаас нас барж байгаа нь нийгмийн эрүүл мэндийн тулгамдсан асуудал болоод байна. Хорт хавдрын нас баралт 77,8 хувьтай байгаа нь хожуу буюу төгс эмчлэгдэх боломжгүй үе шатандаа оношлогдож байгаатай холбоотой.
Сүүлийн жилүүдэд хорт хавдрын өвчлөл эрэгтэйчүүд болон хөдөөгийн хүн амын дунд нэмэгдэх хандлагатай байна. Дэлхий дахинд төдийгүй манай улсад ч хорт хавдрын өвчлөл өсөх хандлагатай байгаа ч хувь хүн хавдах үүсэхэд нөлөөлдөг эрсдэлт хүчин зүйлээс зайлсхийх, архи, тамхинаас татгалзах, идэвхтэй хөдөлгөөний эрхэмлэж, биеийн жингээ хэвийн байлгах, зохистой хооллох зэрэг эрүүл аж төрөх хэв маяг, эрүүл мэндээ хамгаалах зөв зан үйлийг төвөвшүүлж чадсанаар хорт хавдар өвчнөөс сэргийлж болно. Түүнчлэн урьдчилан сэргийлэх үзлэгт тогтмол хамрагдах нь хорт хавдар өвчнийг эрт үед нь оношилж, бүрэн эмчлэх боломжийг бүрдүүлдэг. Хорт хавдар өвчнөөс сэргийлэх, эрт илрүүлэх нь зөвхөн эрүүл мэндийн салбарын ажил бус хувь хүн, хамт олон, нийгмийн бусад салбарын өргөн оролцоотой хэрэгжих нь илүү үр дүнтэй гэдгийг олон улсын туршлага харуулж байна.
- See more at: http://zasag.mn/m/omnogovi/view/9830#sthash.nsHaD1Mr.dpuf

Ерөнхий сайд Ч.Сайханбилэг АНЭУ-д хийж буй айлчлалынхаа хүрээнд Оюутолгойн далд уурхайн бүтээн байгуулалтыг үргэлжлүүлэх гэрээнд гарын үсэг зурсан. УИХ-ын зарим гишүүд энэхүү гэрээг эсэргүүцэж Ерөнхий сайд Ч.Сайханбилэгтэй хариуцлага тооцож, Засгийн газрыг огцруулахаар санал нэгдсэн байна. Энэ хүрээнд УИХ-ын гишүүдийн саналыг авч буйгаа өнөөдөр мэдэгдэж Төрийн ордонд хэвлэлийн бага хурал хийлээ.

УИХ-ын гишүүн Г.Уянга, Б.Бат-Эрдэнэ, Х.Болорчулуун, Ц.Даваасүрэн нар хэвлэлийн бага хуралд оролцож, байр сууриа илэрхийлсэн бөгөөд УИХ-ын гишүүн С.Ганбаатар, Л.Цог нар дэмжиж байгаа аж. Ерөнхий сайдыг огцруулах саналыг өргөн барихад 19 гишүүний гарын үсэг цуглуулах ёстой бөгөөд нийт гишүүдэд энэхүү асуудлыг хүргүүлж саналыг нь авах гэнэ. УИХ-ын гишүүн Г.Уянга, ”Дахиад зөвхөн далд уурхайд зориулж 4,7 тэрбум доллар зарцуулна гэж байна. Үүний 34 хувийг монголчууд бид төлнө. Оюутолгой анхны хөрөнгө оруулалтаа нөхөөд дуусмагц Монголын тал 51-ээс доошгүй хувийг эзэмших ёстой гэсэн шийдвэрийг УИХ гаргасан байхад Засгийн газар нэмж өр тавих асуудлыг ганцаараа шийдвэрлэж байгаа нь эрх мэдлээ хэтрүүлсэн хэрэг гэж үзэж байна. Ч.Сайханбилэг Ерөнхий сайд болох үед би Оюутолгойн гэрээг муу явуулбал өөрийн биеэр огцруулах саналыг өргөн барина гэж хэлсэн. Тиймээс би өнөөдөр Ерөнхий сайдыг огцруулах саналыг гаргаж байна” гэсэн юм.

Мөн УИХ-ын гишүүн Ц.Даваасүрэн Оюутолгойн хөрөнгө оруулалтын дүнг УИХ-ын зөвшөөрөлгүй нэмэгдүүлж байгааг буруушааж байв. Харин УИХ-ын гишүүн Х.Болорчулуун, “Оюутолгойн гэрээ анхны гэрээгээр 2021 оноос монголчууд ашгаа хүртэх байсан боловч энэ гэрээгээр 2030 оноос наашгүй боллоо. Ер нь цаашид ашиг хүртэх үгүй нь тодорхойгүй байдал руу шилжиж байна” гэсэн бол УИХ-ын гишүүн Б.Бат-Эрдэнэ, ”Оюутолгой бол дэлхийд хамгийн том орд. Нөөц нь цаашид нэмэгдэх магадлалтай. Оюутолгойн төслийг хэрэгжүүлэхтэй холбоотой бүх бололцоог УИХ гаргаж өгсөн. Татварын хөнгөлөлт, чөлөөлөлт тодорхой хэмжээнд эдэлж байгаа. Гэтэл ийм гэрээ хийснийг эсэргүүцэж байна” гэсэн юм.

“Увертюра” хамтлаг хээрийн түймэрт өртсөн Сүхбаатар аймгийн Сүхбаатар сумын иргэдэд зориулсан халуун сэтгэлийн хандивын тоглолт хийсэн.

Монгол Улс эрчим хүч экспортлогч орон болно

“Сүлдэнд мөнхөрсөн дуулал-2” цэнгүүн боллоо

МУГЖ Д.Алтанхуягийн удирдлагаар нийслэлийн Засаг даргын Тамгын газрын дэмжлэгтэйгээр “Welcome to Mongolia-2015” олон улсын балетын наадам 2015 оны 6 дугаар сарын 18, 19-ны өдрүүдэд Монгол Улсад болох гэж байна.

Зүүн чиглэлийн төмөр замыг барих асуудлыг Тавантолгойн гэрээнд тусгана

Х.Тэмүүжин: Дорлигжав аа, Чааваас даа гээд байх юм байхгүй

Өчигдөр 20:00 цагийн орчимд Хан-Уул дүүргийн нутаг дэвсгэрт Энхтайваны гүүрний доод замд амины Daewoo маркын автомашины жолооч Т нь гүүрний өндрийн хязгаарлагчийг мөргөж зам тээврийн осол гарган замын барилга байгууламжийг эвдэж гэмтээсэн байна.

Баян-Өлгий аймагт Цагдаагийн байгууллага үүссэний 75 жилийн ой тохиож байна

”Мон-Адонис”-ын хуурамч тарианы хөвөнгөөс болгоомжлоорой

Баянгол дүүргийн 16 дугаар байр оршин суугчдыг ирэх бямба, ням гаригуудад байранд нь эргүүлэн оруулахаар болсон. Учир нь 16 дугаар байрны хөрсний хүчитгэлийн ажил 80 хувьтай болсон гэж Баянгол дүүргийн Засаг дарга Д.Оросоо өнөөдөр хэвлэлийнхэнд мэдээллээ.

Бааварын шүүх хурал тодорхойгүй хугацаагаар хойшиллоо

Азийн залуучуудын зөвлөлийн 13-р Ерөнхий ассемблей энэ сарын 18-21-ний хооронд Монгол Улсад зохион байгуулагдаж байна. Чуулганы хүрээнд өнөөдөр Хөрөнгө оруулагч бизнес эрхлэгч залуучуудын форум зохион байгуулагдаж байгаа юм. Одоо Чингис хаан зочид буудлын хурлын танхимд хэлэлцэгдэж буй уг форумд гадаад, дотоодын нийлсэн 200 орчим бизнес эрхлэгч залуучууд оролцож байна.

Захиргааны зөрчлийн хэрэг бүртгэх эрх бүхий албан тушаалтнуудаас зөрчил илэрчээ

Авлигатай тэмцэх газраас олон нийттэй харилцах чиглэлээр нийслэлийн зарим алслагдсан дүүрэг, хорооны иргэдтэй хийх уулзалтыг зохион байгууллаа.

Азийн Залуучуудын Зөвлөлийн ээлжит XIII Ерөнхий Ассамблейн чуулганы төлөөлөгчдөд зориулсан бэсрэг наадам өнөөдөр Цонжин болдог цогцолборт болох аж.